1 Mansɛnu 18:24 - ALLALA KUMƐ

²⁴ Anu ni anuna Beyali matara. Nde fanan si Mari matara. Kɛ filɛ, ni min ya tɛ layigi saraka-mintan-tinɛ kuma, ma damata Alla le wo la.” Anu dama sewara ka sɔn wo ma.

1 Mansɛnu 18:24 ပူးပေါင်းရင်းမြစ်များ

Ko-Dabirɛnu 4:26

Sɛti wo fanan ya den-kei sɔrɔn. A ya a tɔgɔ sa Inɔsi. Mɔgɛnu ya Mari batoe dabira wati wo le tɔ.

2 Samuwɛli 14:19

Mansɛ ya a fɔ a ye ko, “Yohabu, wo le ya i labila kɛ la, nyɛ?” Musi wo ko, “N bara n keli iko ita mansayɛ anubɛ ila simayɛ ye nya min, ila nyinikali kɛ masangba-kunya sa. Ila kɛlɛ-den-kun-tigi Yohabu, wo le ya n nabila kɛ nya na, yɔ!

1 Mansɛnu 18:23

Ma si min ma wona, wo na tura fila la. Tura kelan, Beyalita nɛbinu si wo boso ka a sa sɔgɔ-ladɛnnɛ kuma ta sa kan min. Nde fanan si tura kelan bi ka a ma wo nya na le fanan.

1 Mansɛnu 18:25

Wo kɔma, Nɛbi Ilaya ya a fɔ Beyalita nɛbinu ye ko, “Bawo wo siya, wo ni kelen bi tura filɛ kɛnu tɔ. Wo ni a ma iko ma ara a fɔ nya min. Wo ni wota bɛsɛ matara kɔnɔ wo kana ta sa de!”

1 Mansɛnu 18:38

Mari ya tɛ layigi ka bɔ san-kole rɔ. A saraka-sogo wo, a sɔgɔ-ladɛnni wo, a kuru wo, a bɔnku wo, anubɛ yi min bi denkɛ rɔ wo, wo bɛɛ mintanta gburr!

1 Mansɛnu 18:39

Mɔgɛ wonu ya wo rayen min kɛ, anu ya anu nyɛrɛ gbesi dugu la. Anu bi a fɔla ko, “Mari kelen pe le Alla la. Mari kelen pe le Alla la.”

1 Mansɛnu 2:38

Simayi ya a fɔ mansɛ ye ko, “Mansɛ, i wara min fɔ kɛ la, wo kin. Iko i wara a fɔ n ye nya min, n si a ma wo nya.” Wo le ya a ma, Simayi ya wati-yan bɔ Yerusalɛm.

1 Ko-Kɔrɔta-Karan 21:26

A ya saraka-mintan-tinɛ sɔ nyɔ Mari ye. A ya Mari matara ka saraka-mintantɛ anubɛ yisi-kima-sarakɛnu bɔ. Mari sɔnta ala sarakɛnu na ka sarakɛ wonu mintan-tɛ labɔ Arinyɛnɛ rɔ ka a layigi a ye.

2 Ko-Kɔrɔta-Karan 7:1

Mansa Silamɛni ban matarali-kɛ wo la, tɛ bɔra san-kole rɔ ka sarakɛ wo dama mintan gburr! Marita wan-belebele wo ya waan raka Bato-Bɔn burɔ waran!

2 Ko-Kɔrɔta-Karan 7:3

Isirɛla mɔgɛnu ya tɛ yen bɔla san ma min kɛ, ado Bato-Bon-burɛ lafanɛ wan-takanɛ la, anu ya anu madu dugi ma ka batoli anubɛ tantolɛ di Mari ma ko, “Wo ara a yen Mari kin nya min? Ala keninteyɛ ti ban mumɛ!”

Aiseya 39:8

Mansa Hɛsakaya ya a lɔn kumɛ wo le ma ko ata wati si ma yisi-kimɛ anubɛ lafɛrɛ la. Woletɔ a ya a fɔ n ye ko, “I wara Marita kilayɛ min nake n ma kɛ la, wo kin fasai!”

Yɛrɛmaya 27:18

Ni nɛbi-bɛrɛ le anu denu na, ado ale Marita kumɛ le ye anu da rɔ, a ko anu ni ale Alla Sɛnbɛ-Bɛɛ-Tigi madiya alako Bato-Bon-miran-toenu wo, a bolon-miran-toenu wo, a Yerusalɛm fen-kolomɛ toenu wo, wo fenfen kana ta Babilɔn nyamanɛ rɔ.

Saraka-Masɔlɛnuta Tɔnnu 9:24

Tiriya-tiriyɛ wo rɔ, Mari nyɛrɛ ya ta-belebele layigi ka bɔ san-kole rɔ. Tɛ wo ya a saraka-toenu mintan gburr! Mɔgɛnu ya tɛ yen tumɛ min, anu kilanta ka gbele-gbelen ka anu naburun a ma dugi ma Mari kɔrɔ.

Kɛlɛ-Kurugbɛnu 6:21

Mari ya ala sewuri tugu soge wonubɛ biredi wo la. Tɛ bɔra farɛ wo rɔ ka biredi anubɛ soge wo mintan gburr! Wo kɔma, Mari tununta a ma yen!