1 Mansɛnu 18:2 - ALLALA KUMƐ

² Nɛbi Ilaya wulita ka kilɛ bira. Wo ya a taran, kɔnkɔ-fitinɛ ara a lagbɛlɛya Samariya kɛnu kuma.

1 Mansɛnu 18:2 ပူးပေါင်းရင်းမြစ်များ

1 Mansɛnu 18:1

Bandɛ lanabɛlitaya san sawa nyɔgɛ ma, Mari ya a fɔ ale Nɛbi Ilaya ye ko, “Ta i nyɛrɛ yira Mansa Ehabu la. N si bandɛ lana.”

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

2 Mansɛnu 1:4

Wo ta Mari kuman-kan kɛ latenbi ko a kunyɛ ti bɔ kirayɛ kɛ rɔ muk, ado a ye fagala le.” Nɛbi Ilaya tara ka kilayɛ wonu taran ka Mari kuman-kan latenbi anu ma.

2 Mansɛnu 6:25

Kɛlɛ wo tora-a-la ha, kɔnkɔ-fitinɛ donta anuna so-karantan wo rɔ. Kɔnkɛ wo gbɛlɛyara ha, sofɛli-kunyɛ santa wodi-gbɛ-gbuni bi-segin la, ado hali kangbo-bo-gbalɛ yi-lafɛ-nya kelen, wo santa wodi-gbɛ-gbu-ni loli la.

Yaburi 27:1

Mari le si waan raka n ye ka n kisi. N ti kilan mɔgɔ-wo-mɔgɔ la. Mari le ye n natankala masiba-koe bɛɛ ma woletɔ n ti kilan fenfen na.

Yaburi 51:4

N bara hakɛ min kɛ, n bara bila ile Alla le fɔlɔfɔlɔn na. N bara karagbɛlɛya-siyaman kɛ i yala. Woletɔ n tɔrɛ i bolo, wo bɛnta, ado n yilikiyi i bolo, wo telenta le, yɔ!

Yaburi 56:5

N yogenu bi nna kumɛ mayɛlɛmana tuma-wo-tuma. Anu bi kila-kura-nyinɛ le la n tɔrɔ-koe la.

Hɛnkilimaya-Kumɛnu 28:1

Karagbɛlɛ si a buri hali mɔgɔ sa a kɔma kɔnɔ mɔgɔ-latelennɛ kerinte iko yarɛ.

Aiseya 51:12

Mari ko ale le si wo sɛnbɛ don. Hadama-dan min siyi-fɛ wuru iko binyɛ, wole kilannɛ wo la nfenna gbɛ?

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Saraka-Masɔlɛnuta Tɔnnu 26:20

Wo ye wɔli-gbɛlɛmɛ minnu kɛla, fenfen ti bɔ wonu tɔ bawo wola fui-fannu anubɛ ki-fen-gbɔɛnu ti sabati dugi rɔ.

Saraka-Masɔlɛnuta Tɔnnu 26:26

N si a ma, wola dɔn-fannu ni dɔgɔya. Hali denbaya kelan duruta dɔn-fan tela daga kelan min tɔ, n si a ma, denbaya tan mɔgɛnu ni dɔn-fan te daga kelan wo rɔ anu nyɔgɔn fɛ. Wo wa a tala wo nyɔgɔn tɛma, a ti a bɔ. Wo dama kɔnkɔtoe si to.