1 Mansɛnu 18:18 - ALLALA KUMƐ

¹⁸ Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 18:18 ပူးပေါင်းရင်းမြစ်များ

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Mansɛnu 16:32

A ya bɔn sɔ bɛsɛ wo ye Samariya soe burɔ. A ya saraka-mintan-tinɛ ladan wo fanan ye bɔn wo burɔ.

1 Mansɛnu 21:25

(Mɔgɔ-wo-mɔgɔ sa nyɔ min bara bila Mari la ka ala ko-yogomɛ sa gbɛ rɔ iko Mansa Ehabu kɛ, ado ala musi Yɛsɛbɛli le ya a latuntun ko-yogomɛ kɛnu ma-tinɛ.

1 Mansɛnu 21:26

A ya kisimiriya-koenu nadan ka bɛsɛnu kɔ iko Amoranu bi a mala nya min nun, ado Isirɛla mɔgɛnu nanɛ nyamanɛ wo rɔ Mari ya Amora wonu denu gben anu yarɔ.)

1 Mansɛnu 9:9

Mɔgɛnu si wo yabi ko, ‘Mari ya kasarɛ kɛ bɛɛ lana anu kuma kamasɔrɔn anu bara bɛsɛnu kɔ ka anuta Mari Alla boloka min ya anu nabɔ Iyipiti.’ ”

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

2 Ko-Kɔrɔta-Karan 28:19

Bawo Yuda Mansa Ehasi ara ko-yogoma-siyaman ma ala mɔgɛnu na ka bila Mari la. Wo le ya a ma, Mari ya tɔrɔyɛ lana Yuda nyamanɛ kuma.

Hɛnkilimaya-Kumɛnu 11:19

Ni-kole le telenbagayɛ la kɔnɔ sayɛ siginɛ telenbɛlɛnuna bonda-dɛ la.

Hɛnkilimaya-Kumɛnu 13:21

Kasarɛ si bila ko-yogoma-kɛlɛnu fɛ kɔnɔ mɔgɔ-latelennɛ si hɛrɛ sɔrɔn.

Hɛnkilimaya-Kumɛnu 28:4

Mɔgɛ min ti sɔn tɔn-bira-koe ma, wonu si karagbɛlɛnu matɔgɔ. Kɔnɔ mɔgɛ minnu si tɔn bira, wonubɛ karagbɛlɛnu ti bɛn.

Hɛnkilimaya-Kumɛnu 5:22

Ko-yogomɛ si ma gbɛrɛ la ko-yogoma-kɛlɛ ye, ado a si bira a halala gbɛrɛ-lasiginɛ wo la, yɔ!

Aiseya 3:11

Kɔnɔ ko-yogoma-kɛlɛnu tinya-koe ara to a ma. Anu ya koe min sigi mɔgɛnu na fɔ wo wa sigi anu denu fanan ma.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Yɛrɛmaya 23:13

A ko a ara Samariya nɛbinu hakɛ yen a kolan la. Anu bi yarɔ-kumɛnu fɔla bɛsi Beyalila ko rɔ. Anu bara a ma, ata Isirɛla mɔgɛnu bara kilɛ maka.

Yɛrɛmaya 38:4

Mɔgɔ-ba wonu tara a fɔ mansɛ ye ko, “Fɔ kei kɛ wa faga. Masiba-kuma-fɔɛ kɛ si a ma, kɛlɛ-dannu anubɛ a mɔgɛ toenu yigi ni tɛgɛ! A darɔ-sigi-kunya le wo la soe kɛ burɔ tolon! A sa mɔgɛnu dɛnbɛna fɔ ka anu kɔntɔ-gboya.”

Isikiyɛli 3:8

Woletɔ n si ile fanan ma kiri-n-ko-mate la iko anu denu.

Matiyu 14:4

Fɔlɔ-nun, Yɔni-Batasi-Kɛlɛ tora a fɔla Hɛrodi ye dɛɛ ko, “A ma bɛn, i ni i dɔgɛla musi bi a bolo!” A tora wo fɔla min kɛ,

Kɛwɔlɛnu 24:13

Anu bi n maburila koe minnu na kaka, anu ti ke wonu yirala i ye tonyɛ la hali!

Kɛwɔlɛnu 24:20

ado n sɔra Yahudiyanuta kun-tiginu yakɔrɔ tumɛ min, ni n yilikira ko-yogomɛ dola ko la, kei kɛnu ni wo fɔ i ye.

Tɔn-Fɔɛ-Fila-Nyɔgɛ 31:16

Mari ya a fɔ Musa ye nyɔ ko, “Musa, i sa mɛla so-sɛgi-kɛla tun. I wa so-sɛgi-kɛ tumɛ min, mɔgɛ kɛnu si n boloka ka sarama-kan tinya ka don lanyiri-nyamanɛ bɛsi-kɔ-koenu tɔ anu bi tala kan min.

1 Samuwɛli 14:29

Yonatan ya a fɔ ko, “N fa ara nfen ko-yogoma-sufa ma mɔgɛnu na kɛ la? Wo ara a yen, n yɛ ma ara tɛgɛ liyi-kɛ-dɔn bolo?