1 Mansɛnu 18:15 - ALLALA KUMƐ

¹⁵ Nɛbi Ilaya ya a fɔ a ye ko, “Nde ye wɔlila Mari-nimɛ Sɛnbɛ-Bɛɛ-Tigi min ye, n bara n keli wo tɔgɔ rɔ ko n si n nyɛrɛ yira Mansa Ehabu la bi.”

1 Mansɛnu 18:15 ပူးပေါင်းရင်းမြစ်များ

Ko-Dabirɛnu 2:1

Alla banta duninya danna ka le anubɛ fan min bɛɛ ye a rɔ.

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

1 Mansɛnu 18:14

Ile ye a fɛ, n ni ta a fɔ mansɛ ye ko i ye yan? Ni n ya wo ma, a si n faga serr!”

1 Mansɛnu 18:16

Wo le ya a ma, Hɔbadaya tara mansɛ wara ka wo fɔ a ye. Wo kɔma, Mansa Ehabu ya a lawuli ka ta Nɛbi Ilaya labɛn tinɛ.

1 Mansɛnu 22:14

Kɔnɔ Nɛbi Mɛkaya ya a fɔ a ye ko, “A ye malebɛ Mari-nimɛ tɛma, a ye min fɔla n ye, n bi wo le latenbila mansɛ ma.”

Yobu 25:3

Yon si ke ala kɛlɛ-dannu yirika lɔnna? Kan tinɛ mintan bi dugu-kole ma ata wan-takanɛ sa kela kan min?

Yaburi 103:21

Wole san-kole sɛnbɛ-tiginu, wo ni Mari tanto! Ala wɔli-kɛlɛ le wole la. Wo ye a sako kɛla.

Aiseya 6:3

Nima-fan wonu kulu-mayɛlɛnɛ ye a fɔla anu nyɔgɔn fɛ ko, Sɛnima, sɛnima, sɛnima! Mari Sɛnbɛ-Bɛɛ-Tigi sɛnima! Duninya lafanɛ ala gbiliyɛ la pen!

Yɛrɛmaya 39:17

A ko a kilannɛ mɔgɛ minnu na, a ti a don wonu bolo.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Tɔn-Fɔɛ-Fila-Nyɔgɛ 1:38

Woletɔ Mari ya a fɔ n ye ko n ni n madɛnbɛnɛ, Nunna dan Yasowa bi ka a yisi ragbɛlɛya alako a ni sɔ n gbɛ rɔ. Anu ba wuli tala nyamanɛ wo rɔ tumɛ min, ale si ma mɔgɛnu yarɔ-sɔlɛ la.

Tɔn-Fɔɛ-Fila-Nyɔgɛ 4:19

Fenfen min bi san ma iko tele anubɛ karɛ anubɛ lolenu, wo kɔ-sɔgɛ kana wo bira. Wota Mari Alla ya wonu di duninya mumɛ ma le.