1 Mansɛnu 17:22 - ALLALA KUMƐ

²² Mari ya Nɛbi Ilayala matarali-kan yabi. A ya dennɛ wo niyi lasɛgi a rɔ tun.

1 Mansɛnu 17:22 ပူးပေါင်းရင်းမြစ်များ

1 Mansɛnu 17:23

Nɛbi Ilaya ya dan wo bi ka ta a la a na wara. A ya a fɔ a ye ko, “I ma ila dan yen? A ara kɛndɛya.”

2 Mansɛnu 13:21

Lunyɛ do, Isirɛla mɔgɛnu bi furu-togɔn la, anu ya Mohabu kɛnu yen nala anu kɛlɛ tinɛ. Tiriyante wo rɔ, anu ya furi wo lakɛ Nɛbi Ilaisa furi kuma kaburu rɔ. Anu ya anu natiriya tala. Furi wo tugura Nɛbi Ilaisa kolenu na tumɛ min, furi wo niyi bilara a rɔ. A ya a lasɔ.)

Luka 7:14

A tara ka a bole tugu sangbagɛ la. Furu-dununɛ wonu ya anu sɔ. Yisa ko, “Keminɛ! N bi ile le ma, i lasɔ!”

Luka 8:54

Kɔnɔ Yisa ya a bira a bole ma ka a fɔ a ye ko, “Dunmusu-nɛ, i lasɔ!”

Yɔni 11:43

A ya kɛ fɔ tumɛ min, a ya keleli kɛ a kulu-mayɛlɛnɛ la, a ko, “Lasarasi, i lawuli! Bɔ luyi ma!”

Kɛwɔlɛnu 20:12

Anu nyagalennɛ ya kemini-kɛndɛ bi ka ta a la a warɛ.

Romu 14:9

ado Kirasiti fagara ka wuli ka niyi lafɛ tun alako a ni ma Mari la kɛndɛwaganu anubɛ furinu ye.

Tɔn-Fɔɛ-Fila-Nyɔgɛ 32:39

Mari ko ale kelen pe le wota Mari Alla la. Fufafuyi le wola bɛsɛnu na. Ale le si mɔgɛ faga, ale le si mɔgɛ lakɛndɛya. Ale le ye mɔgɛ tanbanna, ale le ye mɔgɛ dandanna. Mɔgɔ ti ke ale rasɛla.

Hiburunu 11:35

Anuna dɛnkɛninyɛ fɛ, musinu ya anuna mɔgɛnu kunyɛ bɔ lakira bonda-dɛ kɔrɔ. Yanni donu ni anu ban Alla la, anu sɔnta ka tɔrɔya ha ka faga bawo yigi ye anu bolo ko anu si wuli ka nimaya-bɛrɛ sɔrɔn.

Lankɛnimayɛ 11:11

Tele sawa ani a talɛ banta tumɛ min, Alla ya anu niyi lasɛgi anu tɔ. Anu ya anu nasɔ. Min bɛɛ ya wo yen, wonu kilanta kati!

1 Samuwɛli 2:6

Mari le si mɔgɛnu faga, ado ale le si niyi bila mɔgɛnu tɔ. Ale si mɔgɛnu nata lakira, ado ale fanan si anu nabɔ nyɔ.