1 Mansɛnu 17:18 - ALLALA KUMƐ

¹⁸ Kɛɛ-musi wo ya a fɔ Nɛbi Ilaya ye ko, “Ile Allata mɔgɛ, nfenna i wara kɛ ma n na? I nara le alako ka n hɛnkili bila n hakɛnu ma ka nna dan faga, wa?”

1 Mansɛnu 17:18 ပူးပေါင်းရင်းမြစ်များ

Ko-Dabirɛnu 44:16

Yuda ya a fɔ tun ko, “Kuma sa male bolo tun ma si min fɔ. Male si ke kɛ masɔsɔla kama ka a fɔ ko male gba ma. Alla ara ma sɔn-yogomɛ labɔ gbɛ rɔ. Yi-lafɛ yenta ma dɔgɛ min bolo nun, wo dɔrɔn sa mala yɔɔn la. Ma dama le mala yɔɔn la gbɛ!”

Ko-Dabirɛnu 50:15

Nba, Yusufu na-kelen-nyɔgɛnu ya a yen tumɛ min ko anu fa ara faga, anu ya anu nyɔgɔn manyinika ko, “Ma ya ko-yogomɛ minnu ma Yusufu la, ni a ya a tayili sara ma la, wo si ma kama?”

Ko-Dabirɛnu 50:17

a ya a fɔ ma ye ko ma ni ale Yusufu madiya alako ma ya ko-yogomɛ minnu ma a la, a ni ma makoto wo la. Kaka, male min bi a fata Alla kɔrɔ, ma ye ale madiyala, a ni ma to nyɔ a fata Alla wola ko la.” Yusufu ya kilayɛ wo lamɔɛn tumɛ min, a dira biribiri!

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

2 Samuwɛli 19:22

Kɔnɔ Mansa Dawuda ya a fɔ ale Abisayi anubɛ a kɔrɔ Yohabu ye ko, “Yon ya i manyinika nun? A sɔgɛ ye wo la, wo ni nanparan di n ma, wa? Isirɛla mansɛ le nde la bi, ado a ma bɛn, Isirɛla mɔgɔ-wo-mɔgɔ ni faga bi tele.”

1 Mansɛnu 12:22

Kɔnɔ Alla ya a fɔ ata Nɛbi Sɛmaya ye ko

1 Mansɛnu 13:1

Allata mɔgɛ do bɔra Yuda ka ta Bɛtɛli. Wo ya Mansa Yɛrabowami sɔnɛ taran saraka-mintan-tinɛ dafɛ. A ye sarakɛ mintanna.

1 Mansɛnu 17:17

Wati tenbinɛ, kɛɛ-musi wola dan kirayara. Wola kirayɛ tara yarɔ ha a fagara.

1 Mansɛnu 17:19

Nɛbi Ilaya ya a fɔ ko, “Ila dan don n bolo.” Nɛbi Ilaya ya dan wo bi a bolo. A yɛlɛta a yiyɛ la san-bɔn la. A ya dan wo sa ala sofa rɔ.

1 Mansɛnu 18:9

Hɔbadaya ya a fɔ a ye ko, “Nde ara nfen ma i la min bi a tola i ye n donna gbalo sufa kɛ kɔrɔ ha Mansa Ehabu ni n faga?

1 Mansɛnu 20:28

Nɛbi do tara a fɔ Mansa Ehabu ye ko, “Mari ko bawo Siriyanu bi a fɔla ko Isirɛlata Alla ye kɔnkɛnu dɔrɔn kuma, a sa lɛɛnu tɔ, wo le ye a mala, a ye sɛnbɛ dila Isirɛla mɔgɛnu ma Siriyanu kuma. Mari ko wo si a ma, wobɛ ila mɔgɛnu ni a lɔn ko Mari le ale la.”

2 Mansɛnu 1:9

Wo kɔma, mansɛ ya ala kɛlɛ-den bi-loli bila ala kɛlɛ-den-kunyɛ do fɛ ko anu ni ta Nɛbi Ilaya bira. Wonu tara a siginɛ taran kɔnkɛ do kuma. Kɛlɛ-den-kunyɛ wo ya a fɔ Nɛbi Ilaya ye ko, “Ile Allata mɔgɛ, mansɛ ko i ni yigi yan!”

2 Mansɛnu 3:13

Anu ke a ma, Nɛbi Ilaisa ya a fɔ Isirɛla mansɛ ye ko, “Nfen ko ye ma tɛma? Nfenna i ma ta Beyalita nɛbi wonu manyinika i fa anubɛ i na duruta minnu manyinikala?” Kɔnɔ Mansa Yɔram ko, “Ma ti wo ma bawo Mari le wara ma don Mohabu mansɛ bolo kɛ la.”

2 Ko-Kɔrɔta-Karan 35:21

Ale Mansa Niko ya kilayɛnu nata Mansa Yosaya ma. A ko, “N bi tala kɛlɛ min kɛ tinɛ kɛ la, ile Yuda mansɛta sa wo rɔ. N ma na ile kɛlɛ tina. N nara n yogenu denu kɛlɛ tinɛ. Alla ko n ni ta tiriya! Alla ye n fɛ. Hali i ma n matanbani. Ni wo ma, ale si i halaki.”

Yobu 13:23

Ni n bara hakɛ min nyɔgɔn ma, wo fɔ n ye. Ni n bara i lanyinɛ min kɛ, wo fɔ n ye.

Yobu 13:26

I wara ko-kunayanɛnu sɛbɛ n kan ma. Hali n dennɛ ya koe minnu ma, i ye n tɔrɔla wonuna ko la.

Yilan-Yilan Koe 5:15

Ni tonyɛ ye a rɔ wo, ni tonya sa a rɔ wo, kei wo si ta ala musi wo la saraka-masɔlɛ wara. Kei wo ni ta bu-gbɛngbɛnnɛ pani-kunbɛ-nya fila la a bolo. Kɔnɔ a kana ɔlifi-tuli kɛ a rɔ, ni wo ma, isɛnti kamasɔrɔn sarakɛ le kɛ la kei wo ya min ma bawo a ara sui ala musi ma. A sɔgɛ ye a la ka tonyɛ labɔ gbɛ rɔ.

Matiyu 8:29

Tiriyante wo rɔ, anu gbele-gbelenta ko, “Allala dan, i ye nfen nyinina ma fɛ? I wara na ma tɔrɔ-koe la, yanni ma kiti-wati ni ke, wa?”

Maraka 5:7

Yisa ya a fɔ nyinɛ wo ye ko, “Nyina-yogomɛ, bɔ kei kɛ fɛ!” A gbele-gbelenta a kulu-mayɛlɛnɛ la ko, “Alla min bi Fan Bɛɛ Kun Na, wola dan Yisa, i ye nyinina nfen ma n bolo? I keli ko i ti n tɔrɔ!”

Maraka 6:16

Mansa Hɛrodi ya wo lamɔɛn tumɛ min, a ko, “Yɔni-Batasi-Kɛlɛ le, yɔ! N ya a kunyɛ tɛgɛ a la kɔnɔ a ara a sɛgi a niyi la.”

Luka 4:34

“E! Ile Yisa Nasarɛti kɛ, i ye nfen fɛ ma bolo? I nara yan ma halaki-koe la, wa? N ya ile lɔn. Allata kilaya-sɛnimɛ le ile la!”

Luka 5:8

Koe min mara, Saimon Pita ya wo yen tumɛ min, a ya a nyɛnkin Yisa kɔrɔ. A ko, “N fa, i yandi, i masɛgi n na bawo hakɛ-tigi le nde la!”

Luka 8:28

Nyinatoe wo ya Yisa yen tumɛ min, a wɔrɔndɔra bɛrɛkɛ! A ya a sa Yisa kɔrɔ ka a fɔ a kulu-mayɛlɛnɛ la ko, “Alla min Bi Fan Bɛɛ Kun Na, wola dan Yisa, i ye nyinina nfen ma n bolo? N bi i madiyala, i kana n tɔrɔ!”

Yɔni 2:4

Yisa ya a na yabi ko, “N na, wo bɔrɛ si taran male ye kama? Nta wati ma ke wɛ.”

Kɛlɛ-Kurugbɛnu 13:6

Wo kɔma, musi wo tara a fɔ ala kei ye ko, “Mɔgɛ do ara na ka bɔ Alla wara. A makilannɛ iko Allala melika. N ma a manyinika a bɔ tinɛla ko ma, ado a ma a tɔgɛ fɔ n ye.

1 Samuwɛli 16:4

Samuwɛli ya a ma iko Mari ya a fɔ a ye nya min. A tara Bɛtalehɛm. A ke nyɔ rɔ, so-burɔ-mɔgɔ-banu nara a taran. Anu bi yɛrɛyɛrɛnna kilan bolo. Anu ya a manyinika, anu ko, “I ma na a yogoma la?”