1 Mansɛnu 17:15 - ALLALA KUMƐ

¹⁵ Kɛɛ-musi wo tara ka biredi wo ladan iko Nɛbi Ilaya ya a fɔ a ye nya min. Anubɛ Nɛbi Ilaya tora dɔn-fan sɔrɔnna tele-wo-tele.

1 Mansɛnu 17:15 ပူးပေါင်းရင်းမြစ်များ

Ko-Dabirɛnu 12:4

Woletɔ Burama wulita ka ta iko Mari ya a fɔ a ye nya min. Burama ye bɔla Hɛran soe burɔ tumɛ min, a sɔrɔn ara san bi-wɔrɔnfila ani san loli (75) le bɔ. Burama ya ala musi Sirayi bi anubɛ ala yɔɔnnu anubɛ anu bolo-fan damasi. A kɔrɔla dan Lɔti tara anu fɛ. Anu wulita ka ta Kenan nyamanɛ rɔ. Anu ke Kenan nyamanɛ rɔ,

Ko-Dabirɛnu 22:3

Iburayima ya a lasɔ subagɛ ma ka sɔgɛ do nyini saraka-mintantɛla ko la. A ya ala dunɛnu kiri ala sofɛlɛ kɔ tɛma. Anubɛ ala den Isiyaka anubɛ wɔli-kɛla mɔgɔ filɛ wonu wulita ka ta kan tinɛ wo rɔ Alla ya minna ko fɔ a ye.

Ko-Dabirɛnu 6:22

Nowa ya a ma iko Alla ya a fɔ a ye nya min.

1 Mansɛnu 17:14

Bawo Isirɛlata Mari Alla ya a fɔ n ye ko dɛgɛ-munke anubɛ tuli ti ban miran wonu tɔ fɔ ale Mari wa bandɛ lana tumɛ min.”

1 Mansɛnu 17:16

Tuli anubɛ dɛgɛ-munke ma ban kɛɛ-musila miran wonu tɔ iko Mari ya a fɔ Nɛbi Ilaya ye nya min.

2 Mansɛnu 4:5

Anu tara miran wonu sinka iko nɛbi wo ya a fɔ a ye nya min. Anu donta bɔn la ka dɛ latogon. Ala dan wonu tenbi miran minnu sigila, ale ye tuli kɛla wonu tɔ ka bɔ ala tulu-bara-dɔgɔmanɛ wo rɔ.

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Matiyu 15:28

Nba, Yisa ya a fɔ a ye ko, “N biran-musi, ila dɛnkɛninyɛ kolo! I diyana-koe ni kɛ i ye.” Wo wati nyɛrɛ rɔ, ala dunmusi kɛndɛyara.

Maraka 12:43

Yisa ya ala karan-dannu kele anu nyɔgɔn fɛ ka a fɔ anu ye ko, “Wo ni wo hɛnkili to kɛ ko! Kɛɛ-musu bolo-kolɔn kɛ ara min nabui kenkirɛ rɔ, wo tenbira a toe bɛɛtɛ la minnu bi wodi labuila kenkirɛ rɔ.

Yɔni 11:40

Yisa ya a fɔ a ye ko, “N ma a fɔ i ye nun ko ni i dɛnkɛninyara, i si Allala gbiliyɛ yen?”

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.