1 Mansɛnu 17:13 - ALLALA KUMƐ

¹³ Nɛbi Ilaya ya a fɔ a ye ko, “Wo hɔnya kana sigi i kan la. I wa ke bɔn la, i ni biredi-nɛ do ladan nde fɔlɔn ye ka bɔ ila dɛgɛ-munke wo rɔ. I ni na wo don n bolo. Wo kɔma, i ni na to tala a toe ladanna wobɛ ila dan ye.

1 Mansɛnu 17:13 ပူးပေါင်းရင်းမြစ်များ

Ko-Dabirɛnu 26:24

A ke nyɔ wo suyi rɔ, Mari bɔra a ye gbɛ rɔ. A ko, “I fa Iburayimata Alla le nde la. I kana kilan kamasɔrɔn n bi i fɛ. N si nta duwɛ layigi i kuma ka i bɔnsɔn lasiyaya nta wɔli-kɛlɛ Iburayimala ko la.”

1 Mansɛnu 17:12

Musi wo fanan ya a fɔ a ye ko, “A ye mabɛ ita Mari Alla-nimɛ tɛma, biredi-wo-biredi sa n bolo. Min bi n bolo nyɔ kaka, fɔ dɛgɛ-munke bolo-nya kelen anubɛ tulu pɛtɛpɛtɛ-ni! Wo ye n bolo bɔnku-daga-nɛnu tɔ. N nara sɔgɔ kɛ nyini tinɛ le alako n ni ta dɛgɛ-munku-nɛ wo ladan mabɛ nna dan ye. Mala dɔn-fen-laban le wo la. Ma wa ban a dɔnna tumɛ min, ma si sigi ka sayɛ makɔnɔ.”

1 Mansɛnu 17:14

Bawo Isirɛlata Mari Alla ya a fɔ n ye ko dɛgɛ-munke anubɛ tuli ti ban miran wonu tɔ fɔ ale Mari wa bandɛ lana tumɛ min.”

2 Mansɛnu 6:16

Nɛbi Ilaisa ya a fɔ a ye ko, “I kana kilan. Mata kɛlɛ-dannu siya anuta kɛlɛ-dannu ko.”

2 Ko-Kɔrɔta-Karan 20:17

Wole ti anu kɛlɛ. Wo ta wo sɔ-bole rabɛn ka anu makɔni. Wo si a yen, Mari ye nɔlɛ dila wo ma nya min. Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo kana kilan ka sika. Wo ta kɛlɛ-kɛ-tinɛ. Mari si taran wo fɛ!”

Bɔ-Koe-Iyipiti 14:13

Musa ya a fɔ mɔgɛnu ye ko, “Wo kana kilan. Mari si na wo tanka nya min bi, wo ni wo sɔ ka wo ragbɛ. Wo si ma sereyɛ la wo ye. Wo ara Iyipiti kɛ minnu yen kɛ la, wo ti wonu yen kɛ kɔma tun.

Hɛnkilimaya-Kumɛnu 3:9

I ni to kɔ-fen-nyimɛnu bila ila sɛni-hakikɛ rɔ ka Mari gbiliya wonu na.

Aiseya 41:10

Wo kana kilan bawo a ye wo fɛ. Bawo wota Alla le ale la, wo kana kilan fenfen na. A si wo ragbɛlɛya ka wo dɛnbɛ. A si wo latanka ka wo kisi.

Aiseya 41:13

Wo Mari Alla le ale la. A ye sɛnbɛ dila wo ma ka a fɔ wo ye ko hali wo ma kilan. A si wo dɛnbɛ.

Malakayi 3:10

A bɛnta, a ni yaka min nyɔgɔn sɔrɔn wo bolo, a ko wo ni na wo dama la Bato-Bɔn la woletɔ dɔn-fan ra si boroko-baraka nyɔ rɔ. Mari ko wo ni a rasuma. A ko wo si a yen ni a ti san-kolo-dɛnu naka ka fen-nyima-siyaman nayigi wo ma biribiri!

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Matiyu 28:5

Melika wo kumara musi wonu ye. A ko, “Wo kana kilan. N ya a lɔn ko wo ye Yisa le nyinina min gbangbanta kɔlɔma ma nun.

Matiyu 6:33

Wo ni Allala mansayɛ anubɛ ata telenbagayɛ fɔlɔn nyini. Wo kɔma, ale ni na to fan kɛ bɛɛ dila wo ma.

Kɛwɔlɛnu 27:24

Wo ya a fɔ n ye ko, ‘Pɔli, i kana kilan. A fɛrɛ sa fɔ i ni i sɔ Romu nyamanɛ kun-tigi-ba yakɔrɔ. I ta-nyɔgɛ bɛɛ min bi kulɔn kɛ rɔ, Alla ara anu bɛɛ niyi latanka ala nyimayɛ rɔ.’

Hiburunu 11:17

Alla ya Iburayima kɔrɔbɔ tumɛ min, dɛnkɛninyɛ le fɛ, Iburayima ya ala dan Isiyaka ma sarakɛ la. Alla ya lanyiri kiri Iburayima ye kɔnɔ hali wo, a rabɛnnɛ hali ka ala dan ma sarakɛ la.

1 Pita 1:7

Kɔrɔbɔlɛ wonu kɛ-kunyɛ le ka wola dɛnkɛninyɛ mayira ko tonyɛ le. Hali sɛnɛ min ti ke tinyala, a boe si bɔ a bɛrɛ ya la tɛ la. Wola dɛnkɛninyɛ fanan bi wo nya na le min tenbira sɛnɛ la pirr! Fɔ wola dɛnkɛninyɛ fanan kɔrɔ ni bɔ alako a si kun wo rɔ nya min. Yisa Kirasiti wa bɔ gbɛ rɔ tele min tɔ, wole si tantolɛ anubɛ gbiliyɛ anubɛ bonyɛ sɔrɔn worɔ.