1 Mansɛnu 17:12 - ALLALA KUMƐ

¹² Musi wo fanan ya a fɔ a ye ko, “A ye mabɛ ita Mari Alla-nimɛ tɛma, biredi-wo-biredi sa n bolo. Min bi n bolo nyɔ kaka, fɔ dɛgɛ-munke bolo-nya kelen anubɛ tulu pɛtɛpɛtɛ-ni! Wo ye n bolo bɔnku-daga-nɛnu tɔ. N nara sɔgɔ kɛ nyini tinɛ le alako n ni ta dɛgɛ-munku-nɛ wo ladan mabɛ nna dan ye. Mala dɔn-fen-laban le wo la. Ma wa ban a dɔnna tumɛ min, ma si sigi ka sayɛ makɔnɔ.”

1 Mansɛnu 17:12 ပူးပေါင်းရင်းမြစ်များ

Ko-Dabirɛnu 21:15

Anuna yi banta gbolo-bɔrɛ wo rɔ tumɛ min, Hega ya ala dan wo to sani kɔlɔma-nɛ do kɔrɔ.

Ko-Dabirɛnu 21:16

A tara a sigi wula-yan la kamasɔrɔn a ko, “N kana nna dan kɛ yen fagala.” A tora dila nyɔ dan wola ko la biribiri!

2 Samuwɛli 15:21

Kɔnɔ Itayi ya a fɔ a ye ko, “N tigi, a ye mabɛ Mari tɛma. I tara kan-bo-kan, n bi i fɛ. Hali fagalɛ le, n bi i fɛ.”

1 Mansɛnu 17:1

Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 17:11

Musi ye tala yi wo bila, a ya a kuli lake a ma ka a fɔ a ye ko, “I yandi, na biredi-kundu-ni na n ye fanan.”

1 Mansɛnu 17:13

Nɛbi Ilaya ya a fɔ a ye ko, “Wo hɔnya kana sigi i kan la. I wa ke bɔn la, i ni biredi-nɛ do ladan nde fɔlɔn ye ka bɔ ila dɛgɛ-munke wo rɔ. I ni na wo don n bolo. Wo kɔma, i ni na to tala a toe ladanna wobɛ ila dan ye.

Yɛrɛmaya 14:18

Ni n tara soe kɔma, n ti fenfen yen suyi kɔma. Ni n tara soe burɔ, n ti fenfen yen fɔ kɔnkɛla mɔgɔ-lakirayanɛ. A nɛbi wo, a saraka-masɔla wo, anu bara ban tala mɔgɔ filɛ wonu na nyamani-gbɛrɛnu tɔ.

Yɛrɛmaya 4:2

Ni wo ya wo keli Mari kelan rɔ, wo kɔma ka lanyiri wo kanbali, sibole bɛɛ si duwɛ sɔrɔn wo lela ko la, ado anu si to ale Mari matɔgɔla ala ko-ladannɛnuna ko la.

Yɛrɛmaya 5:2

Mɔgɛnu bi anu kelila ale Mari rɔ kɔnɔ a ko a wara-koe sa anu burɔ wo nya na mumɛ!

Nimisa Koe 4:9

Minnu kunyɛ tora kɛlɛ rɔ, wonu fisa kɔnkɛla mɔgɔ-faganɛ kɛnu ko. Minnu niyi ma bɔ yona, a gbɛlɛyara wonu kuma.

Matiyu 26:7

musi do nara a wara daga-nɛ la min fanɛ sɛnti-da-gbɛlɛ la. A ke nyɔ, a ya wo kɛ Yisa kunyɛ rɔ. Wo ya a taran, a ye fen-dɔn kun na.

1 Samuwɛli 14:39

Mari min bi Isirɛla mɔgɛnu kunkalɛ la, ale min bi a niyi la, n bara lanyiri kiri ale ye ko ni min ya ko-yogomɛ ma, hali nna den-sɔrɔnnɛ Yonatan le, n si a ma, wo ni faga.” Kɔnɔ mɔgɔ-wo-mɔgɔ ma kuma.

1 Samuwɛli 14:45

Kɔnɔ kɛlɛ-dannu ya a fɔ Mansa Sɔli ye ko, “A kin Yonatan kɛ ni faga min bara male Isirɛla kunka, wa? Ade! Wo fɛ yan! Ma ara ma keli Mari la, hali Yonatan kɛ kun-sigi kelan ti wurun. Yonatan kɛ ya koe min ma male Isirɛla mɔgɛnu ye bi, a ya wo ma le bawo Alla le ya a dɛnbɛ.” Anu ya Yonatan latanka sayɛ ma.

1 Samuwɛli 20:21

N si a fɔ nna dennɛ ye ko a ni ta nna kalabɛn wonu nyini. Ni n ya a fɔ a ye ko, ‘Kalabɛnnu bi yan bara la,’ wo kɔrɛ le, i ni bɔ gbɛ rɔ. I wara kisi. N bara n keli Mari la ko i ti kɔndɔfili sɔrɔn.

1 Samuwɛli 20:3

Dawuda ya a fɔ a ye ko, “I fa ya a lɔn serr, ko n di i ye, ado a ya a lɔn fanan ko, ni a ya ko-sufa kɛ fɔ i ye, a si i yisi tɔrɔ i ma kosɛbɛ! N bara n keli i ye Mari Alla la, n bi lakira bonda-dɛ le la kɛ la.”

1 Samuwɛli 25:26

Mari le dɔrɔn ya a ma, i ma i ya-lamunun i yogenu na ka anu damasi faga. N bara n keli Mari la ko i yogenu si tɔrɔyɛ sɔrɔn iko Nebali kɛ, ado mɔgɔ-wo-mɔgɔ ya a miri ko-yogomɛ ma i wara la, wo tigi si tɔrɔyɛ sɔrɔn iko n buin Nebali kɛ.

1 Samuwɛli 26:10

N bara n keli Mari la, n lanɛ a la ko ale Mari nyɛrɛ-nyɛrɛ le ye Mansa Sɔli kɛ fagala. A siyi si ban, ni wo ma, a si to kɛlɛ rɔ.