1 Mansɛnu 17:1 - ALLALA KUMƐ

¹ Nɛbi do bɔra Tisiba soe burɔ Kaliyadi nyamanɛ rɔ. A tɔgɛ le Ilaya. Nɛbi wo tara a fɔ Mansa Ehabu ye ko, “N bi Isirɛlata Mari Alla-nimɛ min batola, n bara n keli wo tɔgɔ rɔ ko duri ti yigi, bandɛ ti na san-dande kɛ kɔrɔ Isirɛla nyamanɛ kɛ rɔ yan fɔ nde, Ilaya wa a fɔ ko bandɛ ni na.”

1 Mansɛnu 17:1 ပူးပေါင်းရင်းမြစ်များ

1 Mansɛnu 17:12

Musi wo fanan ya a fɔ a ye ko, “A ye mabɛ ita Mari Alla-nimɛ tɛma, biredi-wo-biredi sa n bolo. Min bi n bolo nyɔ kaka, fɔ dɛgɛ-munke bolo-nya kelen anubɛ tulu pɛtɛpɛtɛ-ni! Wo ye n bolo bɔnku-daga-nɛnu tɔ. N nara sɔgɔ kɛ nyini tinɛ le alako n ni ta dɛgɛ-munku-nɛ wo ladan mabɛ nna dan ye. Mala dɔn-fen-laban le wo la. Ma wa ban a dɔnna tumɛ min, ma si sigi ka sayɛ makɔnɔ.”

1 Mansɛnu 17:2

Wo kɔma, Mari ya a fɔ Nɛbi Ilaya ye ko,

1 Mansɛnu 18:1

Bandɛ lanabɛlitaya san sawa nyɔgɛ ma, Mari ya a fɔ ale Nɛbi Ilaya ye ko, “Ta i nyɛrɛ yira Mansa Ehabu la. N si bandɛ lana.”

1 Mansɛnu 18:10

A ye mabɛ ita Mari Alla-nimɛ tɛma, wo nyamani sa nyɔ tun mansɛ ma ta wɛ i nyinina kan min. A wa ta i nyini tinɛ kan min, ni nyɔ kun-tigi ya a fɔ ko i sa nyɔ, ale Mansa Ehabu si a ma, kun-tigi wo ni a gboro ka a fɔ ko a ma i yen.

1 Mansɛnu 18:15

Nɛbi Ilaya ya a fɔ a ye ko, “Nde ye wɔlila Mari-nimɛ Sɛnbɛ-Bɛɛ-Tigi min ye, n bara n keli wo tɔgɔ rɔ ko n si n nyɛrɛ yira Mansa Ehabu la bi.”

1 Mansɛnu 22:14

Kɔnɔ Nɛbi Mɛkaya ya a fɔ a ye ko, “A ye malebɛ Mari-nimɛ tɛma, a ye min fɔla n ye, n bi wo le latenbila mansɛ ma.”

1 Mansɛnu 8:35

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anuna hakɛ la,

2 Mansɛnu 1:3

Kɔnɔ Marita melika tara a fɔ Nɛbi Ilaya Tisibi kɛ ye ko, “I ni ta Samariya mansɛla kilayɛ wonu taran kilɛ la. I wa anu taran, i ni anu manyinika ko, ‘Nfenna wo ye tala wo bolo-tafɛlɛnna Ɛkirɔn mɔgɛnuta bɛsɛ wara min tɔgɛ Beyali-Sibubu? Wole lara a la ko Alla sa Isirɛla nyamanɛ rɔ, wa?’

2 Mansɛnu 3:14

Nɛbi Ilaisa ya anu yabi ko, “N bara n keli Mari-nimɛ Sɛnbɛ-Bɛɛ-Tigi ye, n bi minta wɔlɛ la, ni Mansa Yɛhosafati wara-koe ma, n ti n da bila wo wara-koe rɔ.

2 Mansɛnu 4:38

Wati do kera, kɔnkɔ-fitinɛ donta Isirɛla nyamanɛ rɔ. Wo ya a taran, Nɛbi Ilaisa ara sɛgi Kiligali, a ye nɛbinu karanna. A ya a fɔ ala wɔli-kɛlɛ ye ko a ni daga-belebele sigi tɛ rɔ alako a ni pɔrɛ do ladan.

2 Mansɛnu 5:16

Nɛbi Ilaisa ya a fɔ a ye ko, “N bi wɔlila Mari-nimɛ min ye, n bara n keli wo tɔgɛ rɔ ko n ti fenfen bira i bolo.” Neyaman nɔrɔta a ma kɔnɔ a ma sɔn.

2 Mansɛnu 5:20

ala wɔli-kɛla Kɛhasi gbɛngbɛrɛnta a nyɛrɛ ma ko, “N tigi Nɛbi Ilaisa ara Neyaman kɛ boloka wo nya na fufafu! Hali a nara fan minnu na ka a di a ma, a ma sɔn wonu na. N fotɛ Mari-nimɛ, fɔ n ba Neyaman kɛ sagaran, n ni ta fan do tara a bolo.”

2 Ko-Kɔrɔta-Karan 21:12

Nɛbi Ilaya ya kɛdi sɛbɛ ale Mansɛ Yɛhoram ma. Min sɛbɛnɛ kɛdi wo rɔ a ko, “I benba Mansa Dawudata Mari Alla ara a ban i la bawo i ma i fa Mansa Yɛhosafati sɔn bi fɔ i benba Mansa Esa.

2 Ko-Kɔrɔta-Karan 6:26

“Ni i ya filiyan sɔ kamasɔrɔn ila mɔgɛnu bara hakɛ kɛ i la, ni anu ya anu ya-lamunun kan tinɛ kɛ la ka anu sɔ anu hakɛ la,

Yobu 12:15

Ni Alla ya yili kiri bandala nɛ la, dugi ra si gbala todo! Kɔnɔ a wa san-kole dɛ bɔ bandɛ kɔrɔ, yi-siyamɛ wo si dugi tinya.

Aiseya 49:18

Wo ni wola foolɛ mafɛlɛn min bi mala. Wola mɔgɛ minnu kundɛnnɛ, wonu namatoe le. Mari ko a fotɛ a nyɛrɛ rɔ ile Yerusalɛm soe, i si i wasi ila mɔgɛ wonu na iko kɔɛn-kurɛ wa a wasi ala fen-kolomɛnu na.

Aiseya 5:6

N si a ma, nyɔ ni ma bin-gbansan la. Minnu sa gbɔla, n ti ko ma wonu na. N ti anu kɔrɔ wɔrɔ. N si a ma, gbenkinya anubɛ gbangbufe ni nyɔ bira-a-la. N si tɔn sigi bandɛla nɛ la a rɔ.”

Yɛrɛmaya 14:22

Sibolo-gbɛrɛnuta bɛsɛnu si ke bandɛ lanala le, wa? San-kole si ke bandɛ lanala a nyɛrɛ ma, wa? Ade fɔ ile mata Mari Alla kelan min si wo ma. Ma yili-madiyanɛ ile kelen pe le ma. Ile le kelen pe si ko sufa kɛnu ma.

Yɛrɛmaya 15:19

Mari ya nde, Yɛrɛmaya yabi ka le ko ni n sɛgira a wara la, a ko a si n yisi kurakuraya. Wo kɔma, a ko n si ke ata wɔlɛ kɛla le worɔ. A ko ni a sɔgɛ ye n na ka ma nɛbi-bɛrɛbɛrɛ la, fɔ n ba n fara kun-takolonya-kuma-fɔɛ la ka don hɛnkilimaya-kuma-fɔɛ rɔ. A ko a bɛnta, wole Yuda kɛnu ni na nde wara la kɔnɔ a ma bɛn, nde ni ta wole wara la.

Yɛrɛmaya 28:8

Yanni mabɛ ile Hananaya ni ma nɛbi la tumɛ min, wo ya a taran, nɛbinu bi nyɔ nun. Anu ya a fɔ wɔlɔyiya-kumɛnu tɔ ko kɛlɛ-fitinɛ anubɛ kɔnkɔ-fitinɛ anubɛ kiraya-fitinɛ si na nyamani-siyaman anubɛ nyamani-makawanɛnu tɔ.

Hegayi 1:10

Woletɔ bandɛ sa nala. Fenfen ti sabati a kilɛ fɛ!

Matiyu 11:14

Nba, ni wo si la anuna kumɛ la, Yɔni le ale Nɛbi Ilaya wo la, a fɔra min ma ko a ye nala.

Matiyu 16:14

Anu ya a yabi ko, “Donu ko Yɔni-Batasi-Kɛlɛ le ile la. Donu ko Nɛbi Ilaya. Donu fanan ko Nɛbi Yɛrɛmaya, ni wo ma, nɛbi-gbɛrɛkɛ!”

Matiyu 27:47

Mɔgɛ donu sɔnɛ nyɔ, wonu ya a kan lamɔɛn. Anu ko, “A ye Nɛbi Ilaya le rakele tinɛ wo la!”

Matiyu 27:49

Kɔnɔ donu ko, “A makɔni, ma ni a yen ni Nɛbi Ilaya si a lakisi!”

Matiyu 7:29

Anu ko ale sa iko anuna tɔn-karan-mɔgɛnu bawo fanka ye ala karan la.

Luka 1:17

Ale fɔlɔn si na Mari yarɔ fanka anubɛ sɛnbɛ la iko Nɛbi Ilaya. A si dannu anubɛ anu fanu ma kelen na. A si kalabantenu yɛlɛma ko anu ni miriya latelennɛ sɔrɔn. A si Allala mɔgɛnu tabɛn Mari ye feu!”

Luka 1:19

Melika ya a yabi ko, “Melika Yibirila le nde la. Nde le sɔnɛ Alla yakɔrɔ. Ale le ya n sɔ i wara kibara-nyimɛ kɛ fɔ tinɛ.

Luka 21:36

Wo ni wo yɛ lakalan ka madiyali kɛ tuma-wo-tuma alako wo ni sɛnbɛ sɔrɔn ka tanka koe kɛ bɛɛ ma minnu si ma. Wo ni sɛnbɛ sɔrɔn alako wo si wo sɔ nde, Hadama-dan yakɔrɔ nya min.”

Luka 9:30

Wati-kundunɛ wo kɔrɔ, mɔgɔ fila ye kumala Yisa la, Nɛbi Musa anubɛ Nɛbi Ilaya, kɔni.

Luka 9:33

Mɔgɔ filɛ wonu sɛgimatoe, Pita ya a fɔ Yisa ye ko, “N tigi, a bɛnta ma ye yan. Ma ni lele sawa sɔ yan, kelen itɛ, kelen Musatɛ, kelan Ilayatɛ.” (Pita ma a lɔn a ye min fɔla nun hali!)

Luka 9:54

Ala karan-dannu, Yemesi anubɛ Yɔni ya kɛ yen tumɛ min, anu ko, “Ma tigi, i ye a fɛ, ma ni tɛ kele ka bɔ san-kole rɔ anu halaki-koe la, wa?”

Yɔni 1:21

Anu ya a manyinika tun ko, “Yon bi ile la worɔ? Nɛbi Ilaya le ile la, wa?” Yɔni ya anu yabi ko, “Ade, wo ma nde la.” Anu tora a manyinikala ko, “Anu bi nɛbi min ma, nɛbi wo le ile la, wa?” A ya anu yabi ko, “Wo ma nde la.”

Yɔni 1:25

wonu ya Yɔni manyinika ko, “Ni Allata-Mɔgɔ-Yabɔnɛ ma ile la, Ilaya ma ile la, ale nɛbi wo ma ile la, nfenna worɔ, i ye batasili kɛla?”

Kɛwɔlɛnu 27:23

N bi Alla min bolo, n bi wo le batola. Wola melika nara n bara su-tenbinɛ.

Romu 11:2

Alla ya ala mɔgɛ minnu yabɔ kebi fɔlɔ, a ma a ban wonu na. A sɛbɛnɛ Allala kitabu dinkirɛ do rɔ ko Nɛbi Ilaya ya a yasere-masa Alla ye ka a tɛgɛ Isirɛla mɔgɛnuna ko ma. A ko,

Tɔn-Fɔɛ-Fila-Nyɔgɛ 10:8

Wo wati rɔ, Mari ya Lifayi bɔnsɔn-mɔgɛnu yabɔ ko anu ni tɔn-kenkirɛ wo fɛ-bira. Anu si ma saraka-masɔlɛnu na. Anu si to Mari anubɛ mɔgɛnu tɛma ka duwa anu ye Mari tɔgɛ rɔ. Wɔli-su wo le anu bolo ha bi.

Yemesi 5:17

Nɛbi Ilaya, mɔgɛ le nun iko male. A ya Alla matara a yisi bɛɛ la ko bandɛ kana na. Bandɛ ma na dugu-kole kuma san sawa ani a tala.

Lankɛnimayɛ 11:6

Sarati ye anu bolo ka san-kole dɛ latugun. Woletɔ anu bi Allata kumɛ fɔla wati minnu tɔ, bandɛ ti na mumɛ! Sarati ye anu bolo tenkenu kuma ka anu yɛlɛma yele la. A wa diya anu ye tuma-wo-tuma, sarati ye anu bolo fanan ka dugu-kole tɔrɔ fitina-su bɛɛ la.

Kɛlɛ-Kurugbɛnu 12:4

(Ifɛrɛm kɛnɛna a fɔla nun anu bɔnsɔn-mɔgɛ doinu ma Kaliyadi nyamanɛ rɔ ko, “Wole Kaliyadi kɛnu, fenfen ma wo le la bawo wo ya wo buri male Ifɛrɛm anubɛ Manasa sorɔ-mɔgɛnu kɔrɔ.”) Bawo Ifɛrɛm bɔnsɔn-mɔgɛ minnu bi Kenan nyamanɛ rɔ, wonu bara kuma-yogomɛ kɛ su fɔ anu na-kelen-nyɔgɛnu ma minnu tara sigi Kaliyadi nyamanɛ rɔ, wo le ya a ma, Yɛfɛta ya Kaliyadi kɛlɛ-dannu nadɛn Kaliyadi nyamanɛ rɔ ka ta Ifɛrɛm mɔgɛnu kɛlɛ tinɛ. Yɛfɛta ya nɔ-ko sɔrɔn Ifɛrɛm bɔnsɔn-mɔgɛnu ma.