1 Mansɛnu 16:9 - ALLALA KUMƐ

⁹ Mansa Ilala kɛlɛ-den-kunyɛ do ye nyɔ nun min bi ala kirindinu fan kelan kun na. Kɛlɛ-den-kunyɛ wo tɔgɛ le Simiri. Ale Simiri ya yanfɛ rabɛn ale Mansa Ila ma. Mansɛla bonna-wɔli-kɛlɛnuna kun-tigi do ye nyɔ, wo tɔgɛ le Arasa. Wo ya a taran, ale Mansa Ila ye Arasala bɔn la Tirisa soe burɔ. A ara gbɛɛ min furr, ha gbɛɛ ya a bira.

1 Mansɛnu 16:9 ပူးပေါင်းရင်းမြစ်များ

Ko-Dabirɛnu 15:2

Kɔnɔ Burama ko, “E, n tigi Mari Alla, i ye n barayila nfenna ko la? Den sa n bolo. N kɛɛ-bila sa, fɔ nna wɔli-kɛlɛ Ɛliyesa Damasika kɛ, wo le ye n kɛɛ bila.”

Ko-Dabirɛnu 24:10

Wɔli-kɛlɛ wo ya nyomo tan bi a tigila nyomɛnu tɛma anubɛ fen-hakika siyaman ka ta Mɛsopotemiya nyamanɛ rɔ Iburayima na-kelen-nyɔgɛ Nehori ye kan min.

Ko-Dabirɛnu 24:2

Wo wati rɔ, Iburayima ya a fɔ ala wɔli-kɛla-kunyɛ ye min bi a bolo-fan bɛɛsi kuma ko, “I bole ladon n kin tɛma

Ko-Dabirɛnu 39:4

Yusufu wara-koe ya Pɔtifa hɛnɛ woletɔ a ya a ma ala wɔli-kɛla-kun-tigi la. Pɔtifa ya a bolo-fan bɛɛsi latenbi a ma fanan.

Ko-Dabirɛnu 39:9

Ila kei ara a ma, ma ra ara kɛnya bɔn kɛ la. A ma fenfen namara a nyɛrɛ ye, fɔ ile. Nde si nfen ko-yogomɛ ma n tigi wola musi la? Ni nde ya wo ma, n bara bila Alla la.”

1 Mansɛnu 15:27

Mansa Nedabu ya ala kɛlɛ-dannu bi. Anu tara bui Filisitinuna soe do ma min tɔgɛ Kibɛtɔn. Anu bi kɛlɛ wo kun na tumɛ min, Mansa Ahayala den Mansa Beyasa min bɔra Isakari bɔnsɔn rɔ, wo ya yanfɛ rabɛn Mansa Nedabu ma ka wuli a kan ma ka a faga wati kelan wo rɔ.

1 Mansɛnu 16:10

Simiri wo wulita a kan ma ka ta ale mansɛ faga nyɔ. Simiri sigira Mansa Ila gbɛ rɔ. Mansa Esa min bi Yuda nyamanɛ rɔ, kɛ mara wota mansayɛ san mogan-ni-wɔrɔnfila nyɔgɛ le ma.

1 Mansɛnu 16:8

Esata mansayɛ san mogan-ni-wɔrɔ nyɔgɛ Yuda nyamanɛ kun na, Mansa Beyasala den Ila mara mansɛ la Isirɛla mɔgɛnu kun na. San fila kɔrɔ, Ila ye mansayɛ la. A siginɛ Tirisa soe burɔ.

1 Mansɛnu 18:3

Ale Mansa Ehabu ya Hɔbadaya kele min bi ala bolɔn kun na. (Hɔbadaya lara Mari la dɔgɔma-ma-de!

1 Mansɛnu 20:12

Kilayɛ wonu sɛgira ka wo fɔ Mansa Bɛnhedadi ye. Kilayɛ wonu bi anu dantɛgɛla mansɛ ye tumɛ min, wo ya a taran, anubɛ a ta-nyɔgɔ-mansɛnu bi gbɛɛ-minyɛ kun na anuna fani-bɔnnu na. Mansa Bɛnhedadi ya a fɔ ala kɛlɛ-dan wonu ye ko anu ni anu mabɛn ka ta Mansa Ehabu anubɛ ala mɔgɛnu kan ma. Anu ya anu tabɛn.

1 Mansɛnu 20:16

Isirɛla kɛlɛ-dan wonu tara bui Siriyanu ma tele-latelen-wati. Wo ya a taran, Mansa Bɛnhedadi anubɛ a ta-nyɔgɔ-mansa bi-sawa ani mansa filɛ wonu bi anu kun tafin tinɛ anuna fani-bɔnnu na.

2 Mansɛnu 12:20

Simɛyatila den Yosakari anubɛ Somarila den Yɛhosabadi, wonu ya yanfɛ don Mansa Yohasi ma, ado ata mɔgɔ-ba do le wonu na. Anu ya a faga lɛnbɛn-lɛnbɛnya rakɛnɛ kuma bɔn la tele-bɔɛ wara la. Anu bi kan tinɛ min kelela Sila, wo warata-kilɛ la, bɔn wo sɔnɛ nyɔ le. Anu ya a togon Mansa Dawudata halala-luyi ma Yerusalɛm soe burɔ. Ala den Hamasa sigira a gbɛ rɔ.

2 Mansɛnu 15:10

Yebɛsila den Salumu ya dɔn don Mansa Sakaraya ma. A kɛra a ma mɔgɛnu yala ka a faga. Ale Salumu mara mansɛ la Mansa Sakaraya gbɛ rɔ.

2 Mansɛnu 15:25

Mansa Pɛkahayala kɛlɛ-den-kunyɛ, Rɛmalayala den Peka, kɔni, wonubɛ Kaliyadi kɛ mɔgɔ bi-loli ya yanfɛ kiri Mansa Pɛkahaya ma. Anu tara a faga ala bolɔn la. Anubɛ ala mɔgɔ-ba fila, Agabi anubɛ Ariyɛ fanan kunyɛ tora-a-rɔ. Peka sigira a gbɛ rɔ mansayɛ la.

2 Mansɛnu 15:30

Yuda Mansa Yusayala den Yotam, wola mansayɛ san mogan nyɔgɛ ma, Ilamna den Hoseya ya yanfɛ kiri Mansa Peka ma ka a faga Isirɛla nyamanɛ rɔ. A sigira a gbɛ rɔ san wo le la.

2 Mansɛnu 9:14

Kɛ wati ya a taran, Isirɛla Mansa Yɔram ye a dandan tinɛ Yɛsɛreli soe burɔ bawo a tanbanta wo tumɛ anubɛ Siriya Mansa Hasiyɛli kɛlɛta Ramɔti-Kaliyadi soe dafɛ. Mansa Yehu ya yanfɛ kiri ka a fɔ a ta-nyɔgɔ kɛlɛ-den-kunyɛnu ye ko, “Ni wo ye n fɛ, mɔgɔ-wo-mɔgɔ kana bɔ Ramɔti soe kɛ burɔ ka ta koe kɛ rakaran Yɛsɛreli soe burɔ.”

Hɛnkilimaya-Kumɛnu 31:4

“Nna den, a ma kin, mansɛnu ni baan min, ado baan-min-sɔgɛ kana anu bira.

Yɛrɛmaya 51:57

A kun-tigi wo, a hɛnkilima wo, a mɔgɔ-ba wo, a kɛlɛ den wo, a si wo bɛɛ lamin. Anu ba kinɔgɔ, anu ti kunden tun! Mansɛ min tɔgɛ Mari Sɛnbɛ-Bɛɛ-Tigi, wo kan le kɛ la.

Daniyɛli 5:30

Wulɔn suyi nyɛrɛ rɔ, mɔgɛ do nara Mansa Bɛlisasa faga tinɛ. Mansa Dariyasi min bi Midiya nyamanɛ kun na, Babilɔn nyamanɛ tora wo bolo. Wo ya a taran, Dariyasi sɔrɔn-san ara san bi-wɔrɔ ani san fila (62) bɔ.

Nehami 1:10

Anu si mintan iko wɔnɔ-dɛngban anubɛ bin-gbalɛ si mintan nya min gburr!

Luka 21:34

“Wo ni a ma wo fɛrɛma wo nyɛrɛla ko la! Wo kana wo nyɛrɛ ma nugulamɛ anubɛ gbɛɛ-minnɛnu na. Wo kana hɔn niyi-kɛ-koenu na. Ni wo ya wonu ma, tele wo si wo latɛrɛna.