1 Mansɛnu 16:8 - ALLALA KUMƐ

⁸ Esata mansayɛ san mogan-ni-wɔrɔ nyɔgɛ Yuda nyamanɛ kun na, Mansa Beyasala den Ila mara mansɛ la Isirɛla mɔgɛnu kun na. San fila kɔrɔ, Ila ye mansayɛ la. A siginɛ Tirisa soe burɔ.

1 Mansɛnu 16:8 ပူးပေါင်းရင်းမြစ်များ

1 Mansɛnu 15:16

Yuda Mansa Esa wo, Isirɛla Mansa Beyasa wo, kɛlɛ-nyɔgɔya kelan wo taranta anu denu fanan tɛma anuna mansaya-wati bɛɛ rɔ.

1 Mansɛnu 15:33

Esata mansayɛ san sawa nyɔgɛ Yuda nyamanɛ kun na, Mansa Ahayala den Beyasa fanan mara mansɛ la Isirɛla mɔgɛnu kun na. San mogan-ni-nani kɔrɔ, Mansa Beyasa ye mansayɛ la. A siginɛ Tirisa soe burɔ.

1 Mansɛnu 16:15

Esata mansayɛ san mogan-ni-wɔrɔnfila nyɔgɛ Yuda nyamanɛ kun na, Simiri fanan mara mansɛ la Isirɛla mɔgɛnu kun na. A siginɛ Tirisa soe burɔ. Tele wɔrɔnfila pe, Simiri ye mansayɛ la. Min mara wulɔn, wo le kɛ la. Isirɛla kɛlɛ-dannu tanɛ Kibɛtɔn soe kan ma Filisitinuna nyamanɛ rɔ,

1 Mansɛnu 16:21

Isirɛla mɔgɛnu tafarata kurun fila la. Kɛnu ko Kinatila den Tibini ni ma mansɛ la. Doinu fanan ko Hɔmɔri ni ma mansɛ la.

1 Mansɛnu 16:23

Esala mansayɛ san bi-sawa ani san kelen nyɔgɛ Yuda nyamanɛ rɔ, Hɔmɔri mara mansɛ la Isirɛla nyamanɛ rɔ. San tan-ni-fila kɔrɔ, Hɔmɔri ye mansayɛ la Isirɛla nyamanɛ kun na. San tan-ni-filɛ wo kɔrɔ, san wɔrɔ a siginɛ Tirisa soe burɔ.

1 Mansɛnu 16:6

Mansa Beyasa fagara tumɛ min, anu ya a togon Tirisa soe burɔ. Ala den Ila sigira a gbɛ rɔ.

1 Mansɛnu 16:7

Bawo Mansa Beyasa ara hakɛ kɛ Mari la, woletɔ Mari ya sarakanɛ kɛ don Nɛbi Yehu bolo. Nɛbi Yehu tara wo fɔ Mansa Beyasa ye. Mansa Beyasa ya ko-yogoma siyamɛ ma iko Mansa Yɛrabowami ya a ma nya min nun. Wo kɔma, a sɛgira Mansa Yɛrabowamila denbayɛ damasi fagala min kɛ, wo le ya a ma, Mari diminyara a ma.

1 Mansɛnu 16:9

Mansa Ilala kɛlɛ-den-kunyɛ do ye nyɔ nun min bi ala kirindinu fan kelan kun na. Kɛlɛ-den-kunyɛ wo tɔgɛ le Simiri. Ale Simiri ya yanfɛ rabɛn ale Mansa Ila ma. Mansɛla bonna-wɔli-kɛlɛnuna kun-tigi do ye nyɔ, wo tɔgɛ le Arasa. Wo ya a taran, ale Mansa Ila ye Arasala bɔn la Tirisa soe burɔ. A ara gbɛɛ min furr, ha gbɛɛ ya a bira.

2 Mansɛnu 15:14

Mansa Salumu ya koe min bɛɛsi ma ala mansayɛ kɔrɔ, katarala a ya dɔn min don Mansa Sakaraya ma ka a faga, anu ya wo bɛɛ sɛbɛ Isirɛla mansɛnuna buku do rɔ. Kadila den Mɛnahɛmu bɔra Tirisa soe burɔ ka ta Mansa Salumu faga Samariya soe burɔ. A sigira a gbɛ rɔ.

2 Mansɛnu 15:23

Yuda Mansa Yusayala mansayɛ san bi-loli nyɔgɛ ma, Mansa Mɛnahɛmula den Pɛkahaya mara mansɛ la Isirɛla nyamanɛ rɔ san wo le la. A ya ala mansayɛ kɛ Samariya soe burɔ san fila kɔrɔ.

2 Mansɛnu 21:19

Amɔn ya mansayɛ sɔrɔn Yuda nyamanɛ rɔ a sɔrɔn-san mogan-ni-fila nyɔgɛ le ma. San fila, a ye mansayɛ la Yerusalɛm soe burɔ. A na le Harusila den Mɛsulɛmɛti min bɔra Yɛtaba.

Hɛnkilimaya-Kumɛnu 28:2

Ni nyamanita-mɔgɛnu murutiyanɛ, anu si to anuna kun-tiginu mayɛlɛmana. Kɔnɔ ni hɛnkilimɛ ye nyamanɛ kun na, ala mansayɛ si sɛnbɛ sɔrɔn ka mɛ.