1 Mansɛnu 16:31 - ALLALA KUMƐ

³¹ A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Mansɛnu 16:31 ပူးပေါင်းရင်းမြစ်များ

Ko-Dabirɛnu 30:15

Liya ko, “I wara nna kei bi n bolo. Wo ma i wasa? A sɔgɛ ye i la i ni nna den-keila bɛsɛ fanan bi n bolo?” Resɛli ko, “Ni i ya n dɛnbɛ, n ni bɛsɛ wo sɔrɔn, mala kei si ki i warɛ bi.” A ya bɛsɛ wo di a ma.

1 Mansɛnu 18:18

Nɛbi Ilaya ya a fɔ mansɛ ye ko, “Nde ma Isirɛla tɔrɔ. Kalabante wobɛ i fa le la bawo wo ara Marita tɔn tinya ka Bɛsi Beyali kɔ.”

1 Mansɛnu 18:19

Nɛbi Ilaya ya a fɔ a ye tun ko, “Ta a fɔ Isirɛla mɔgɔ damasi ye ko anu ni na n taran Kamɛli kɔnkɛ kuma. Nɛbi kɛmɛ nani ani bi-loli minnu bi Bɛsi Beyali kɔla, wonu fanan ni na. Nɛbi kɛmɛ nanɛ fanan minnu bi ila musi Yɛsɛbɛli kɔrɔ Asura bɛsi-kɔ-tinɛ, wonu fanan ni na.”

1 Mansɛnu 18:4

Lunyɛ do, Yɛsɛbɛli ye Marita nɛbinu fagala tumɛ min, ale Hɔbadaya kɛ le ya nɛbi wonu mɔgɔ kɛmɛ bi ka anu dogon bi-loli bi-lolinyɛ ma farannu na. A tora anu de-nyinina nyɔnu tɔ.)

2 Mansɛnu 10:18

Mansa Yehu ya Samariya mɔgɛ bɛɛsi kundɛn kan-tina-kelen. A ya a fɔ anu ye ko, “Mansa Ehabu ya wola bɛsi Beyali kɔ doni kɔnɔ ndetɛ ye tenbila le atɛ la.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Mansɛnu 3:2

Mansa Yɔram bilara Mari la kɔnɔ a ma yogo iko a fa anubɛ a na sɔn ye nya min. A fa ara muninyɛ min nadan nun, anu si anuna bɛsi Beyali kɔ min na, a ya wo tinya.

2 Ko-Kɔrɔta-Karan 17:4

A ya a fata Alla bato ka ata tɔnnu bira. A ma Isirɛla mansɛnu sɔnnu bi.

2 Ko-Kɔrɔta-Karan 21:13

Kɔnɔ i ya Isirɛla mansɛnu sɔn bi ka sɔ Yerusalɛm kɛnu anubɛ Yuda kɛnu yarɔ telenbɛliyɛ rɔ Mari yala iko Mansɛ Ehabu ya a ma nya min Isirɛla nyamanɛ rɔ. I ya i dɔgɛnu faga nun, ado wonu tenbira i la.

Aiseya 7:13

Nba, nde, Aiseya ko, “Wole Mansa Dawuda kegeyɛnu, wo ni wo tole masɔ a kin na! Nde ma n munyu wo sɔn ma. Wo kana a ma, Alla ni a munyu wo sɔn ma.

Isikiyɛli 16:20

Min sanɛ wo kuma, i ya dunmusi anubɛ den-kei minnu sɔrɔn n ye, i ya wonu ma kɔ-fan la ila bɛsɛ wonu ye. Ha bi, ile yisi ma sa yɛlɛnya-koe rɔ, wa?

Isikiyɛli 16:47

Ka bila wonu fɛ kisimiriya ko-ladan rɔ, wo ya i wasa, wa? Wati-kundu-nɛ kɛ kɔrɔ, ile sɔn tenbira anutɛ la pirr!

Isikiyɛli 34:18

Sagɛ donu bi anu tɔ, wonu ti wasa bin-nɔrɔnni-dɔn la fɔ ka binyɛ toe wo tinya anu kian la. Anu ba ban yi minna, anu si yi wo dundunɛ to.

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Hoseya 2:15

N si ala ki-fannu nasɛgi a ma tun ka ala kɔndɔfili bɛɛ yɛlɛma a ye yigi la. A sɔndɔmɛ si sa ntɛ kuma buda iko fɔlɔ, a fonike wati min wo tumɛ a bɔ-san Iyipiti.

Yilan-Yilan Koe 16:9

Mari ya wole layɛlɛ ka tenbi Isirɛla mɔgɛ toe kɛnu na. Wole ye Marita wɔlɛ kɛla ata Fani-Bɔn la ka a mɔgɛ toe mumɛ madɛnbɛ, ado wo ye mɔgɛnu anubɛ Mari tɛma. Wo dɔgɔ wole yala, wa?

Tɔn-Fɔɛ-Fila-Nyɔgɛ 7:1

Musa ya a fɔ Isirɛla mɔgɛnu ye tun ko, “Wota Mari Alla si ta wo la nyamanɛ wo rɔ, wo ye nala sigila kan min. Wo tamatoe, wo si sibolo wɔrɔnfila gben wo yarɔ. Wonu fanka kolo wotɛ ko, ado anu siya wo ko. Sibole wonu tɔgɛ le kɛnu na. Hɛtinu wo, Kagasanu wo, Amoranu wo, Kenannu wo, Perasanu wo, Hefanu wo, anubɛ Yebusinu.

Lankɛnimayɛ 2:20

Kɔnɔ min bi n kɔntɔ wo kan ma, wo le kɛ la. Wo ye sɔnna musi dola koenu ma, Yɛsɛbɛli, kɔni, min bi a nyɛrɛ kelela ko Allata kilayɛ. A ye mɔgɛnu karanna ka nna wɔli-kɛlɛnu nasama alako anu ni don yɛlɛnyɛ rɔ. A ye anu karanna bɛsi-kɔ-fannu dɔn-koe ma fanan.

Kɛlɛ-Kurugbɛnu 1:31

Asɛra bɔnsɔn-mɔgɛnu ma so-kun wɔrɔnfila mɔgɛnu gben, Ako wo, Saidon wo, Alabu wo, Akisibu wo, Hɛlaba wo, Afɛki wo, anubɛ Rihobu.

Kɛlɛ-Kurugbɛnu 10:12

Nde le ma wo lakisi Saidon kɛnu anubɛ Amalɛkinu anubɛ Midiyan kɛnu ma nun, ba? A fɔlɔtɛ, anu ya wo tɔrɔya kɔnɔ tɔ-a-la, wo dira n dala, n ya wo kunka.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 18:7

Ko-lakɔrɔsila mɔgɔ lolɛ kɛnu bɔra nyɔ. Anu tara ha Leyisa soe burɔ. Anu ke nyɔ, anu ya so-burɔ-mɔgɛ wonu makimanɛ taran sigini iko Saidon kɛnu siginɛ nya min. Anu sa bagala mɔgɛ ma, mɔgɛ sa bagala anu ma. Nɔnfulu-tigi le anu na, ado anu fɛ-yan Saidon kɛnu na. Wo kɔma, anu ti sɔn basanna mɔgɔ-gbɛrɛkɛnu na, anu siginɛ minnu dafɛ.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.