1 Mansɛnu 16:29 - ALLALA KUMƐ

²⁹ Esata mansayɛ san bi-sawa ani san segin nyɔgɛ ma Yuda nyamanɛ kun na, Mansa Hɔmɔrila den Ehabu fanan mara mansɛ la Isirɛla nyamanɛ kun na. San mogan-ni-fila kɔrɔ, ale Ehabu ye mansayɛ la Isirɛla nyamanɛ rɔ. A siginɛ Samariya soe le burɔ nun.

1 Mansɛnu 16:29 ပူးပေါင်းရင်းမြစ်များ

1 Mansɛnu 16:21

Isirɛla mɔgɛnu tafarata kurun fila la. Kɛnu ko Kinatila den Tibini ni ma mansɛ la. Doinu fanan ko Hɔmɔri ni ma mansɛ la.

1 Mansɛnu 16:23

Esala mansayɛ san bi-sawa ani san kelen nyɔgɛ Yuda nyamanɛ rɔ, Hɔmɔri mara mansɛ la Isirɛla nyamanɛ rɔ. San tan-ni-fila kɔrɔ, Hɔmɔri ye mansayɛ la Isirɛla nyamanɛ kun na. San tan-ni-filɛ wo kɔrɔ, san wɔrɔ a siginɛ Tirisa soe burɔ.

1 Mansɛnu 16:24

Wo kɔma, a tara kɔnkɛ do san Samari ma wodi-gbɛ la minna gbiliyɛ anubɛ fui-fan bɔrɔ kelen rakɛn de! Ale Mansa Hɔmɔri ya soe datɛgɛ nyɔ rɔ ka nyɔ latanka. A ya dugu-tigi-kɔrɛ wo tɔgɛ sa soe wo kuma ko Samariya.

1 Mansɛnu 16:28

Mansa Hɔmɔri fagara. Anu ya a togon Samariya soe burɔ. Ala den Ehabu sigira a gbɛ rɔ.

1 Mansɛnu 16:30

Mansa Ehabu wo ya hakɛ min ma, hali a ya mansɛ minnu taran a yarɔ, wonu ma wo nyɔgɔn ma.

1 Mansɛnu 16:33

Wo kɔma, ale mansɛ ya bɛsɛ do ladan musila muninyɛ rɔ. Bɛsɛ wo tɔgɛ le Asitɔra. Ale mansɛ tora ko-yogomɛ mala ka Isirɛlata Mari Alla ladiminya. Hali a ya mansɛ minnu taran a yarɔ, wonu ma wo nyɔgɔn ma.

1 Mansɛnu 21:18

“Ta Mansa Ehabu warɛ Samariya soe burɔ. I si a taran, a ye Nebɔtila dugi bi-koe rɔ.

2 Ko-Kɔrɔta-Karan 25:13

Anu bi wo kun na tumɛ min, Mansa Hamasa ya Isirɛla kɛlɛ-dan minnu masan nun, a ma sɔn minnu ta-koe ma kɛlɛ rɔ, kɔni, wonu tara bui Yuda soe donu ma minnu bi Samariya soe anubɛ Bɛti-Hɔrɔn soe tɛma. Anu ya Yuda mɔgɔ waga sawa (3,000) faga nyɔnu tɔ. Anu ya fen-siyaman bi.

Yɛrɛmaya 41:5

mɔgɔ bi-segin nara ka bɔ Sɛkɛm anubɛ Sailo anubɛ Samariya soenu tɔ. Anu ya anu buyɛ masii ka anuna durukinu tafara yisi-tinya bolo ka anu nyɛrɛ matanban ka a tɛgɛ Yerusalɛm tinya-koe ma. Anu nara fui-fan anubɛ isɛnti la anu bolo Mari kɔ-tinɛ Bato-Bɔn la.

Hoseya 13:1

Fɔlɔ nun, ni Ifɛrɛm bɔnsɔn-mɔgɛnu kumara, wole Isirɛla bɔnsɔn-mɔgɛ toenu si kilan. Wo ya wo yɛ bɛn Ifɛrɛm bɔnsɔn-mɔgɛnu ma. Kɔnɔ bawo anu bara don Beyali kɔ-koe rɔ, wo le ya a ma, anu halaki-koe tɛgɛra.

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.