Esala mansayɛ san fila nyɔgɛ Yuda nyamanɛ rɔ, Mansa Yɛrabowamila den Nedabu mara mansɛ la Isirɛla nyamanɛ rɔ. San fila kɔrɔ, Nedabu ye mansayɛ la Isirɛla nyamanɛ kun na.
Wo le ya a ma, Mansa Beyasa sigira Mansa Nedabu gbɛ rɔ ka ma Isirɛla mɔgɛnuna mansɛ la. Mansa Esa min bi Yuda nyamanɛ kun na, kɛ mara wota mansayɛ san sawa nyɔgɛ le ma.
Mansa Simiri ya koe min bɛɛsi ma Isirɛla nyamanɛ rɔ wo tumɛ a ye mansayɛ la, katarala ala yanfanteyɛ ma mansaya-koe rɔ, anu ya wo damasi sɛbɛ Isirɛla mansɛnuna buku do rɔ.
Esata mansayɛ san bi-sawa ani san segin nyɔgɛ ma Yuda nyamanɛ kun na, Mansa Hɔmɔrila den Ehabu fanan mara mansɛ la Isirɛla nyamanɛ kun na. San mogan-ni-fila kɔrɔ, ale Ehabu ye mansayɛ la Isirɛla nyamanɛ rɔ. A siginɛ Samariya soe le burɔ nun.
Esata mansayɛ san mogan-ni-wɔrɔ nyɔgɛ Yuda nyamanɛ kun na, Mansa Beyasala den Ila mara mansɛ la Isirɛla mɔgɛnu kun na. San fila kɔrɔ, Ila ye mansayɛ la. A siginɛ Tirisa soe burɔ.
Mari ko a si na-kelen-nyɔgɛnu nakɛ anu nyɔgɔn ma ka sigi-nyɔgɔma-gbansan fanan nakɛ anu nyɔgɔn ma. A ko a si soenu natugu anu nyɔgɔn ma. Nyamanɛnu si anu nyɔgɔn kɛlɛ.
Anu bi anu mirila min ma, Yisa ya wo lɔn. Woletɔ a ya a fɔ anu ye ko, “Ni mɔgɛnu bi anu nyɔgɛnu kɛlɛla nyamani-wo-nyamani rɔ ka dan-nafarɛ sa anu nyɔgɔn tɛma, nyamanɛ wo ti mɛ! Ni so-burɔ-mɔgɛnu bi anu nyɔgɛnu kɛlɛla, ni wo ma, denbayɛ ka dan-nafarɛ sa anu nyɔgɔn tɛma, wo si tinya pɔ!