1 Mansɛnu 16:18 - ALLALA KUMƐ

¹⁸ Ale Mansa Simiri ya a yen min kɛ ko kɛlɛ-dan wonu bara na bui Tirisa soe ma a siginɛ kan min, a tara kan-tina-latankanɛ do rɔ ala bolɔn burɔ. Mansa Simiri ya tɛ tugun nyɔ la. Tɛ ya nyɔ mintan gburr! Ale tora tɛ rɔ.

1 Mansɛnu 16:18 ပူးပေါင်းရင်းမြစ်များ

2 Samuwɛli 17:23

Ahitafɛli ya a yen min kɛ ko anu sa ata kawandili-kan birala tun, a ya kirikɛ sa ala sofɛlɛ kuma. A sigira a la ka a warɛ-kilɛ bira. A ke a warɛ-soe burɔ, a ya a kɛɛ ratala. A ban wo la, a tara a dun kɔlɔma la ka a nyɛrɛ faga. Anu ya a furi bi ka ta a togon anuta kebila kaburu-soe la.

1 Mansɛnu 16:17

Hɔmɔri wonubɛ ala kɛlɛ-dannu bɔra Filisitinuna nyamanɛ rɔ. Anu tara bui Tirisa soe ma.

2 Mansɛnu 15:25

Mansa Pɛkahayala kɛlɛ-den-kunyɛ, Rɛmalayala den Peka, kɔni, wonubɛ Kaliyadi kɛ mɔgɔ bi-loli ya yanfɛ kiri Mansa Pɛkahaya ma. Anu tara a faga ala bolɔn la. Anubɛ ala mɔgɔ-ba fila, Agabi anubɛ Ariyɛ fanan kunyɛ tora-a-rɔ. Peka sigira a gbɛ rɔ mansayɛ la.

2 Mansɛnu 9:31

Mansa Yehu tenbimatoe ka don soe burɔ, Yɛsɛbɛli ya Mansa Yehu rasɛ nyinikalɛ la ko, “Simiri ya ala mansɛ faga tumɛ min, nfen mara wo la?”

Matiyu 27:5

Yudasi ya wodi wo fili Alla-Bato-Bɔn burɔ. A tara. Wo kɔma, a tara a nyɛrɛ dun yili la.

Kɛlɛ-Kurugbɛnu 9:54

Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.