1 Mansɛnu 16:16 - ALLALA KUMƐ

¹⁶ anu ya a lamɔɛn anuna dagɛ rɔ ko Mansa Simiri ara yanfɛ don anuna Mansa Ila ma ka a faga. Wo le ya a ma, anu ya anuna kɛlɛ-den-kunyɛ Hɔmɔri ma anuna mansɛ la nyɔ rɔ.

1 Mansɛnu 16:16 ပူးပေါင်းရင်းမြစ်များ

1 Mansɛnu 15:27

Mansa Nedabu ya ala kɛlɛ-dannu bi. Anu tara bui Filisitinuna soe do ma min tɔgɛ Kibɛtɔn. Anu bi kɛlɛ wo kun na tumɛ min, Mansa Ahayala den Mansa Beyasa min bɔra Isakari bɔnsɔn rɔ, wo ya yanfɛ rabɛn Mansa Nedabu ma ka wuli a kan ma ka a faga wati kelan wo rɔ.

1 Mansɛnu 16:15

Esata mansayɛ san mogan-ni-wɔrɔnfila nyɔgɛ Yuda nyamanɛ kun na, Simiri fanan mara mansɛ la Isirɛla mɔgɛnu kun na. A siginɛ Tirisa soe burɔ. Tele wɔrɔnfila pe, Simiri ye mansayɛ la. Min mara wulɔn, wo le kɛ la. Isirɛla kɛlɛ-dannu tanɛ Kibɛtɔn soe kan ma Filisitinuna nyamanɛ rɔ,

1 Mansɛnu 16:17

Hɔmɔri wonubɛ ala kɛlɛ-dannu bɔra Filisitinuna nyamanɛ rɔ. Anu tara bui Tirisa soe ma.

1 Mansɛnu 16:30

Mansa Ehabu wo ya hakɛ min ma, hali a ya mansɛ minnu taran a yarɔ, wonu ma wo nyɔgɔn ma.

2 Mansɛnu 8:26

Mansa Ehasaya kɛ mara mansɛ la a sɔrɔn-san mogan-ni-fila nyɔgɛ le ma. A ya san kelen pe le bɔ mansayɛ la Yerusalɛm soe burɔ. A na tɔgɛ le Atalaya, Mansa Ehabula dunmusi, kɔni. Atalaya benba tɔgɛ le Mansa Hɔmɔri, Isirɛla mansa-kɔrɛ, kɔni.

2 Ko-Kɔrɔta-Karan 22:2

Ehasaya ya mansayɛ sɔrɔn a sɔrɔn-san mogan-ni-fila nyɔgɛ le ma. San kelen, a ye mansayɛ la ka bɔ Yerusalɛm soe burɔ. A na tɔgɛ le Atalaya, Mansa Ehabula dunmusi, kɔni. Atalaya wo benba tɔgɛ le Mansa Hɔmɔri, Isirɛla mansɛ, kɔni. Atalaya wola den Ehasaya fanan ya a benba Ehabu sɔn-yogomɛ bi.

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.