1 Mansɛnu 15:5 - ALLALA KUMƐ

⁵ Mari ya kɛ ma le bawo Mansa Dawuda taranta a sako kɛla nun fɔ Yuraya Hɛti kɛ wara-koe dɔrɔn.

1 Mansɛnu 15:5 ပူးပေါင်းရင်းမြစ်များ

1 Mansɛnu 14:8

A ko ale le ya mansayɛ bɔ Mansa Dawuda mamanɛnu bolo ka a don ale bolo. Ta a fɔ a ye ko Mari ko ale telenni ma iko ala wɔli-kɛlɛ Mansa Dawuda telennɛ a ye nya min nun. A ko Mansa Dawuda ya a telen a ye. A ya ata kumɛ bira ka a sako kɛ.

1 Mansɛnu 15:3

Mansa Abaya fanan ya hakɛ kɛ iko a fa ya a ma nya min. A ma a telen Mari ye iko a benba Mansa Dawuda ya a ma nya min nun.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

1 Mansɛnu 9:4

Ni i tora telenbagayɛ rɔ ka nna kumɛ anubɛ nna tɔnnu bira iko i fa Dawuda taranta a mala nya min,

2 Mansɛnu 22:2

Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

2 Ko-Kɔrɔta-Karan 34:2

Mansa Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

Yaburi 119:102

Ila karan-sɔgɛ la ma bɔ n na bawo n karan-mɔgɔ-bɛrɛbɛrɛ le ile la.

Yaburi 119:6

Ni n hɛnkili tora ila tɔnnu ko, n ti yarabi.

Yaburi 51:1

E, Alla, i yandi, kinikini n ma ka a tɛgɛ ita hinɛ ma. N hakɛ firan n ma ka a tɛgɛ ita kinikinɛla ko ma.

Luka 1:6

Anu filɛ bɛɛ telennɛ Alla yala. Anu ya Marita tɔn anubɛ sereya bɛɛ bira a kila-bɛrɛbɛrɛ fɛ.

Kɛwɔlɛnu 13:22

Wota wati tenbinɛ, Alla ya Dawuda ma anuna mansɛ la. Alla ya kɛ le fɔ Mansa Dawudala ko la, a ko, ‘N bara a yen ko Yɛsila dan Dawuda le si n hɛnɛ kati! Wo le si n diyana-koe bɛɛ kɛ.’

Kɛwɔlɛnu 13:36

Dawuda ye a kɛndɛ la nun tumɛ min, a ya Alla sako kɛ. Wo kɔma, a fagara. Anu ya a togon a benbanu dafɛ, ado a furi tulita nyɔ rɔ.

Tɔn-Fɔɛ-Fila-Nyɔgɛ 17:20

Fananta a ye tɔn wonu karanna, a si a lɔn worɔ ko anubɛ Isirɛla mɔgɛ toenu, kelen de anu na. A ma tenbi anu na nya-wo-nya. Min sanɛ wo kuma, a ti Marita tɔnnu fanan tinya mumɛ! Wo si a ma, a ni mɛ mansayɛ la. Hali ala dannubɛ a mamanɛnu anubɛ a kegeyɛnu si a gbɛ bi Isirɛla mɔgɛnu kuma.

1 Samuwɛli 25:28

N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.