1 Mansɛnu 15:20 - ALLALA KUMƐ

²⁰ Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

1 Mansɛnu 15:20 ပူးပေါင်းရင်းမြစ်များ

Ko-Dabirɛnu 14:14

Burama ya a lamɔɛn tumɛ min ko anu bara a kɔrɔla den-kei Lɔti bira, ala bonna-mɔgɔ kɛmɛ sawa, mɔgɔ tan-ni-segin (318) minnu kusan kɛlɛ kɛla, a ya kɛlɛ-kɛ-fannu don wonu bolo. Wonu tara mansɛ wonu sagaranna ha ka ke Dan soe burɔ.

1 Mansɛnu 12:29

A ya ninki-dan wo kelen to Bɛtɛli soe burɔ. A tara doi to Dan soe burɔ.

1 Mansɛnu 20:1

Siriya Mansa Bɛnhedadi ya ala kɛlɛ-dannu kundɛn. A ta-nyɔgɔ-mansa bi-sawa ani mansa fila (32) fanan sɛbɛ donnɛ a fɛ kɛlɛ-kɛ rɔ. Wonubɛ anuna soeenu anubɛ anuna kirindinu, anu dama tara bui Samariya soe ma ka nyɔ-mɔgɛnu kɛlɛ.

1 Mansɛnu 20:34

Mansa Bɛnhedadi ya a fɔ Mansa Ehabu ye ko, “N fa ya soe minnu bi i fa bolo, n si wonu nasɛgi i ma tun. I ni fen mayira tinɛ labɔ nde halala-soe Damasika burɔ iko n fa ya fen mayira tinɛ labɔ i fata soe Samariya burɔ nya min.” Wo le ya a ma, Mansa Ehabu ya a fɔ a ye ko, “Ka a tɛgɛ i kuman-kan kɛ ma, n si i boloka.” A ya a boloka bawo anu bara lanyiri kiri anu nyɔgɔn tɛma.

2 Mansɛnu 15:29

Mansa Pekata wati kɔrɔ, Asiriya Mansa Pulu nara so-kun loli bi Isirɛla nyamanɛ rɔ. So-kun loli, wo le kɛnu na, Iyɔn wo, Ebɛli-Bɛti-Meyaka wo, Yanowa wo, Kɛdɛsi wo, anubɛ Hesɔ. A ya Isirɛla nyamani-kun sawa fanan bi, Kaliyadi wo, Kalili wo anubɛ Nafatali. A tara nyɔ-mɔgɛ bɛɛ la a warɛ Asiriya.

Yasowa 12:3

Ata nyamanɛ-dan tele-yigi, wo le Yorodan bɛ la ka a bi Kalili dalɛ ma min bi Dalɛ-Faganɛ wara la, ka ta ha Bɛti-Yɛsimoti soe ma ka ke Nibɔ kɔnkɛ ma.

Yasowa 19:39

Wo damasi lakofunɛ, so-kun tan-ni-kɔnɔntɔ ka a sa anu dafɛ-so-nɛnu kuma.

Kɛlɛ-Kurugbɛnu 18:29

Anu ya Leyisa soe wo tɔgɛ yɛlɛma ka anu benba Yakobala den Dan tɔgɛ sa nyɔ kuma.