1 Mansɛnu 15:13 - ALLALA KUMƐ

¹³ A ya a mama Meyaka wo bɔ mansa-musuyɛ la bawo a ara bɛsi-musumɛ Asura muninyɛ ladan min mamilita. A ya bɛsɛ wo bi ka a rakerikeri ka a mintan Kidirɔn lɛɛ rɔ.

1 Mansɛnu 15:13 ပူးပေါင်းရင်းမြစ်များ

2 Samuwɛli 15:23

Mansa Dawuda anubɛ ala mɔgɛnu bi tala, so-burɔ-mɔgɛnu bi dila anuna ko la anu sɛbɛ-kuna-wɛ la. Mansɛ anubɛ ala mɔgɛnu ya yi do tɛgɛ min tɔgɛ Kidirɔn. Anu kunyɛ telennɛ wulɛ wara le la.

1 Mansɛnu 2:19

Woletɔ Batasiba tara Mansa Silamɛni wara ka kuma a ye Adonayala ko la. Mansɛ ya a lakɔɛnma. A ya a kunyɛ madu a na ye ka a kɔndɔn. Wo kɔma, a ya a mayigi ka sigi-fan do makele a nala ko la. Wo sigira a bolo-nyimɛ rɔ.

2 Mansɛnu 10:26

Anu ya anuna bɛsi Beyali gbu labɔ luyi ma ka wo mintan.

2 Mansɛnu 18:4

A ya Alla-batobɛlɛnuna bɛsi-kɔ-tina-mayɛlɛnɛnu tinya. A ya anuna kuru-lɛsɛnɛnu takerikeri. Anu ya kɔlɔma minnu lɛsɛ musila muninyɛ la ka a tɔgɔ sa Asura, a ya wonu tatɛgɛtɛgɛ. Hali wo, Musa ya silɛɛ min nadan duguma-fanla muninyɛ la, anu ya wo kele “Nɛhusitan.” Mansa Hɛsakaya ya wo fanan tinya bawo mɔgɛnu bara wo ma anuna bɛsɛ do la ka isɛnti mintan a ye.

2 Mansɛnu 23:4

Saraka-Masɔla-Kun-Tigi-Wɛ Helikaya wo, a tatugunnɛnu wo, saraka-masɔlɛ minnu bi Bato-Bɔn bonda-da-makandanna wo, Mansa Yosaya ya a fɔ wonu ye ko, “Beyali kɔ-fannu wo, Asura kɔ-fannu wo, lolenu-bato-fannu wo, wo ni wonu nabɔ Bato-Bɔn kɛ burɔ.” Wonu ban bɛsi-kɔ-miran wonu nabɔla luyi ma, mansɛ ya miran wonu nabɔ soe kɔma ka anu mintan Kidirɔn lɛɛ telen tɔ. A ya a ma, anu tara wonu gbangban la Bɛtɛli soe burɔ.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Ko-Kɔrɔta-Karan 34:4

Ala mɔgɛnu ya Beyali kɔ tinɛnu tinya ka isɛnti mintan tinɛnu tinya minnu bi bɛsɛ wonu dafɛ. Anu ya bɛsi-musi Asura wonubɛ bɛsɛ doinu tabunden. Wo kɔma, a ya bɛsɛ wonu gbangbannu kɛ bɛsɛ wonu masɔlɛnu kaburunu kuma.

Bɔ-Koe-Iyipiti 32:20

Musa ya ninki-danla muninyɛ wo bi ka a lakɛ tɛ rɔ. Wo mintanta tumɛ min, a ya a bunden ka a munke kɛ yi rɔ. A ya yi wo di Isirɛla mɔgɛnu ma ko fɔ anu ni wo min.

Saraka-Masɔlɛnuta Tɔnnu 26:30

Wo si wola isɛnti mintan wola bɛsɛnu bi kan min, nde si kan tinɛ wonu tinya ka wo furinu nakɛ wola bɛsi-tinyanɛ wonu kuma. Wo wara-koe si gboya n ye.

Sakaraya 13:3

Wo kɔma, ni mɔgɔ-wo-mɔgɔ ya a tui ka wɔlɔyiya-kumɛ fɔ min kara Allatɛ ma, a sɔrɔnnɛnu si a fɔ a ye ko anu bi a fagala le bawo a ara a nyɛrɛ ma nɛbi la ka foninyɛ fɔ ale Mari tɔgɛ rɔ. A wa wɔlɔyiya-kumɛ fɔ tonya ma min na, a fa anubɛ a na ni a sɔgɔ alako a ni faga.

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Yɔni 18:1

Yisa banta madiyalɛ kɛ kɛla tumɛ min, anubɛ ala karan-dannu tara ka Kidirɔn yi tɛgɛ. Ki-fannu bi kan tinɛ wo rɔ. Yisa anubɛ ala karan-dannu donta ki-fan wonu kɔrɔ.

2 Kɔrɛnti 5:16

Nba, ma ti mɔgɛ mafɛlɛn tun iko hadama-dan miriya ye nya min. Fɔlɔ-nun, ma ya Kirasiti mafɛlɛn iko hadama-dan miriya ye nya min kɔnɔ ma ti wo ma tun.

Kalesiya 2:14

N ya a yen tumɛ min ko anu sa ko-telennɛ kɛla iko kibara-nyimɛ ya a fɔ nya min. N ya a fɔ Pita ye anu dama yala ko, “Yahudiya le ile la kɔnɔ i sɔnta nun ka ma iko sibolo-gbɛrɛ. Nfenna worɔ, i si sibolo-gbɛrɛnu fɔrɔsɛ alako anu ni ma iko Yahudiyanu?”

Tɔn-Fɔɛ-Fila-Nyɔgɛ 33:9

I ya a lɔn, Lifayi mɔgɛ kɛnu bara ile Mari wara-koe sɔ anu yarɔ ka tenbi anuna mɔgɛnuna koenu na. Anu ya ita tɔnnu bira ka ita lanyiri latɔnbagaya.

Tɔn-Fɔɛ-Fila-Nyɔgɛ 7:5

Woletɔ wo ni anuna saraka-mintan-tinɛnu wayan ka anu tanyɛnsɛn. Anu bi kuru-lɛsɛnɛ minnu kɔla, wo si wonu tatii. Anuna kɔlɔma minnu muninyanɛ anuna bɛsi-musumɛ la min tɔgɛ Asura, wo ni wonu tɛgɛ ka anu mintan.

Tɔn-Fɔɛ-Fila-Nyɔgɛ 9:21

N ya wola fen-kɔsɔnɛ wo bi, wola ninki-danla muninyɛ, kɔni, ka a lakɛ tɛ rɔ. Wo kɔma, n ya a rakerikeri ka a ramɛsɛya ha a mara gbangban la. N ya a gbangban bi ka a rawuya yi rɔ min kunyɛ sɔnɛ kɔnkɛ wo ma. Yi wo yigira gbangban wo la pon!

Yasowa 6:24

Anu ya soe bɛɛ mintan fɔ fan minnu nadannɛ sɛnɛ la anubɛ wodi-gbɛ anubɛ silɛɛ anubɛ nɛgɛ-dogbɛrɛnu. Anu ya wo bɛɛ di Mari ma ka wonu to Marila fen namara tinɛ rɔ.