1 Mansɛnu 14:9 - ALLALA KUMƐ

⁹ Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

1 Mansɛnu 14:9 ပူးပေါင်းရင်းမြစ်များ

1 Mansɛnu 12:28

Ale Mansa Yɛrabowami tara a kun nayigi ala mɔgɔ-banu fɛ. A ban wo mala, a ya sɛnɛ ladan ninki-den filala muninyɛ la. A ya a fɔ ala mɔgɛnu ye ko, “Wole ara mɛ tala Mari bato tinɛ Yerusalɛm. Wole Isirɛla mɔgɛnu, wo ma wota allanu yen kɛ la minnu nara wo la ka bɔ Iyipiti nyamanɛ rɔ?”

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 14:22

Yuda mɔgɛnu ya hakɛ kɛ Mari la. Anu tora ko-yogoma-siyaman mala ka tenbi anu benbanu na alako Mari fonde ni bɔ.

1 Mansɛnu 15:29

Beyasa mɛ mansɛ la, a donta Mansa Yɛrabowamila denbayɛ fagɛ rɔ. Ni i ya a yen, Mansa Beyasa ya kɛ damasi ma bawo Mansa Yɛrabowami ya a ma, Isirɛlata Mari Alla fonde bɔra. Mansa Yɛrabowami ya hakɛ kɛ ka Isirɛla mɔgɛnu fanan nadon hakɛ rɔ. Marita kumɛ kɛ ara bɔ a la iko Nɛbi Ahaya Sailo kɛ ya a fɔ Mansa Yɛrabowami ye nya min nun.

1 Mansɛnu 15:34

Ale fanan tora hakɛ kɛla iko a ya Mansa Yɛrabowami min taran a yarɔ, wo ye hakɛ kɛla nya min ka Isirɛla mɔgɛnu nadon hakɛ rɔ.

1 Mansɛnu 16:25

Mansa Hɔmɔri wo ya hakɛ min ma, hali a ya mansɛ minnu taran a yarɔ, wonu ma wo nyɔgɔn ma.

1 Mansɛnu 16:30

Mansa Ehabu wo ya hakɛ min ma, hali a ya mansɛ minnu taran a yarɔ, wonu ma wo nyɔgɔn ma.

1 Mansɛnu 16:31

A ya hakɛ min kɛ iko Mansa Yɛrabowamitɛ, wo ma a wasa. A sɛgira tala Saidon Mansa Ɛtibeyalila dunmusi furula. Musi wo tɔgɛ le Yɛsɛbɛli. Wo kɔma, a ya bɛsɛ do kɔ min tɔgɛ Beyali.

1 Mansɛnu 16:33

Wo kɔma, ale mansɛ ya bɛsɛ do ladan musila muninyɛ rɔ. Bɛsɛ wo tɔgɛ le Asitɔra. Ale mansɛ tora ko-yogomɛ mala ka Isirɛlata Mari Alla ladiminya. Hali a ya mansɛ minnu taran a yarɔ, wonu ma wo nyɔgɔn ma.

2 Mansɛnu 21:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, Mansa Manasa ya wonu sɔ a kurɛ la tun. A ya bɛsi-kɔ-tina-mayɛlɛnɛnu nadan anu si Beyali kɔ kan min. A ya kɔlɔma lɛsɛ musila muninyɛ rɔ iko Isirɛla Mansa Ehabu ya a ma nya min nun. Bɛsɛ wo tɔgɛ le Asura. Min sanɛ wo kuma, a ya lolenu fanan bato.

2 Mansɛnu 23:26

Kɔnɔ hali wo, Mansa Manasa ya koe minnu tinya, wo ya a ma, Mari fonde bɔra Yuda kɛnu kuma, ado ha kaka, a fonde ma kima wɛ.

2 Mansɛnu 3:3

Kɔnɔ hali wo, a ma ko-yogoma-kɔrɛ wonu boloka Nebatila den Mansa Yɛrabowami ya Isirɛla mɔgɛnu nadon minnu tɔ.

2 Ko-Kɔrɔta-Karan 11:15

Ale Mansa Yɛrabowami ya ata saraka-masɔlɛnu yabɔ a nyɛrɛ ye alako wonu ni to sarakɛnu bɔla Alla-batobɛlɛnuna kɔ tinɛnu tɔ anubɛ nyinɛnu anubɛ bɛsɛnu ye, a ya minnu nadan tura-danla muninyɛ la.

2 Ko-Kɔrɔta-Karan 33:6

A ya ala den-keinu ma saraka-mintantɛnu na bɛsɛnu ye Hinom lɛɛ rɔ. Bolo-tafɛlɛn-koe wo, duruya-koe wo, a yi-kɔrɔ-fɛlɛn-koe wo, a ya wo dama ma. Hali nyina-kɔlɛnu, a tara ke wonu fanan ma. A ya hakɛ min kɛ Mari la, wo da-rakoloyara. Wo le ya a ma, Mari fonde bɔra a kuma.

Nihɛmaya 9:25

Anuna so-latankanɛ wo, anuna wɔli-kɛ-tina-nyimɛnu wo, fen-kolomɛnu bi bɔn minnu na wo, yi lamara tinɛ minnu sinnɛ nun wo, anubɛ ki-fen-su bɛɛ, anu ya wo bɛɛ bi anu bolo. Anu ya anu de-nyini ha anu kunbayara pɔti! I ya fen-nyimɛ min bɛɛ di anu ma nun, wo ya a diya don anu tɔ.”

Nihɛmaya 9:26

“Kɔnɔ ita mɔgɛnu murutiyara i ma ka i kan bɔ a gbɛ rɔ. Anu ya anu kan-kɔ sɔ ila tɔn la. Nɛbi minnu ya anu makawandi, anu ya wonu faga bawo wonu bi anu makawandila ko anu ni sɛgi i ma. Tuma-wo-tuma, i lafɛyanɛ anu bolo.

Yaburi 106:29

Anu kɛ-nya ya a ma, Mari fonde bɔra dɔgɔma-ma-de! Kiraya-fitinɛ donta anu kun na.

Yaburi 50:17

Wo sa sɔnna, n ni wo latelen. Wo ye wo banna nna tɔnnu na.

Yaburi 78:40

Anu murutiyara a ma wula-da-rakolɔn rɔ iko yili! Anu ya a ma, a fonde bɔra iko siyaman.

Yaburi 78:56

Hali wo, anu murutiyara Alla Sɛnbɛ-Bɛɛ-Tigi ma ka don a kɔrɔbɔɛ rɔ. Anu ma ata tɔnnu bira mumɛ!

Yaburi 78:58

Anu ya Alla-lɔnbɛlɛnuna bɛsi-kɔ-tinɛnu ma anuna batoli-kɛ-tinɛnu na min kɛ, Mari kɔrɔtɔra anu ma kan-tina-mayɛlɛnɛ wonuna ko la. Anu ya a ma, a diminyara bɛsɛ wonuna ko la.

Bɔ-Koe-Iyipiti 34:17

Wo kana fenfen nalee ka a ma bɛsɛ la wo nyɛrɛ ye wo si min kɔ.

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Yɛrɛmaya 7:18

A ko n ni n yɛ lata wole, Yuda kɛnu kɛ-nya ma. Wola dannu tenbi nala sɔgɛ la, anu fanu bi tɛ ladɛnna wo la. Anu nanu bi dɛgɛ mintanna ka wo di bɛsɛ wo ma min tɔgɛ Arinyɛnɛ Musu-Mansɛ. Wo kɔma, anu bi minni-sarakɛnu bɔla bɛsɛ doinu ye. A ko wo ye wo damasi mala alako a fonde ni bɔ.

Yɛrɛmaya 7:26

Kɔnɔ a ko wo benbanu ma sɔn anu tole masɔla nɛbi wonu na ka anu kuman-kan bira. Kɔnɔ wole karagbɛlɛ ka tenbi wo benbanu na.

Isikiyɛli 23:35

“ ‘Bawo i wara i kan-kɔ sɔ n na ka nyina n ko, i si tɔrɔya ka a tɛgɛ ila kei-koyɛ anubɛ ila yɛlɛnyɛ ma.’ ”

Isikiyɛli 8:17

Mari ya n manyinika ko, “Ile hadama-dan, i wara wo yen? Anu bi ko kɔsɔnɛ min bɛɛsi mala yan tɔ wo, anu bi karagbɛlɛyɛ ranyɛnsɛnna nyamanɛ rɔ nya min wo, wo dɔrɔn sa Yuda bɔnsɔn-mɔgɛ kɛnu wasala. Anu bi sɛgila nala ko-yogomɛnu kɛla Bato-Bɔn la yan tɔ tun. Kɛ le dama ara n kɔrɔtɔ dɔgɔma-ma-de! N nanyini-koe gbansan, anu bi bɔla wonu denu na yan tɔ.

Isikiyɛli 8:3

A ya fan do lana n bara la min manɛ iko bole. Wo ya n bira n kun-sigi ma. Nna ko-rayirɛ kɛ rɔ, Allata Sɛnbɛ ya n nayɛlɛ san ma ka ta n na Bato-Bɔn mafɛlɛn-tinɛ Yerusalɛm soe burɔ. A ya n nadon Bato-Bon-kata kantɛ-don-dɛ la, bɛsɛ sɔnɛ kan min, ado wo wara-koe gbo Alla ye.

Saraka-Masɔlɛnuta Tɔnnu 19:4

“Wo kana nde, Mari Alla boloka ka bɛsɛnu kɔ. Wo tigi le nde, Mari Alla la, woletɔ wo kana nɛgɛ-fenfen ma bɛsɛ la wo nyɛrɛ ye ka a kɔ.

1 Kɔrɛnti 10:22

Ka, a di ma ye, keliyɛ ni don Mari rɔ, wa? Ma miriya ko ma sɛnbɛ kolo atɛ ko woletɔ a ti ma tɔrɔ, wa?

Tɔn-Fɔɛ-Fila-Nyɔgɛ 32:21

Wo ara a ma, Mari fonde ara bɔ wola bɛsi-kɔ-koenu tɔ. Wo ara a ma, Mari ye wo makeliyala bawo wo ye bɛsɛnu kelela ko alla, ado Alla ma wonu na hali! Wo ye yɛlɛnna sibole minnu ma, Mari si wonu bi ka anu ma wole lamɔniya-fan la. Wo tɛgɛnɛ mɔgɛ minnu tɔ, wonuna keliyɛ si wuli wo fanannu na.

Tɔn-Fɔɛ-Fila-Nyɔgɛ 9:24

Ka a dabira wo wati ma n bolo ha ka a sigi kaka la, wo ye murutiyɛ le kun na tun.

Kɛlɛ-Kurugbɛnu 5:8

Kɛlɛ buira Isirɛla mɔgɛnu kuma tumɛ min, kɛlɛ-kɛ-fen wo fenfen ma taran mɔgɔ waga bi-nanɛ wo fenfen bolo. A mara wo nya bawo anu bara anu kan-kɔ sɔ Mari la ka anu don bɛsi-kɔ-koe rɔ.