1 Mansɛnu 14:5 - ALLALA KUMƐ

⁵ Kɔnɔ yanni ala musi ni ke nyɔ, Mari ara a fɔ Nɛbi Ahaya ye ko Mansa Yɛrabowamila musi ye nala a manyinika tinɛ ala dan kiraya-koe rɔ. Nɛbi Ahaya ye min fɔla a ye, Mari ya a labila wo la. Mansa Yɛrabowamila musi kenɛ Nɛbi Ahaya ma, a ya a nyɛrɛ ma iko mɔgɔ-gbɛrɛkɛ le ale la.

1 Mansɛnu 14:5 ပူးပေါင်းရင်းမြစ်များ

2 Samuwɛli 14:2

Musu-hɛnkilimɛ min siginɛ Tekoya soe burɔ, a ya kilayɛ lata wo do ma. Musi wo nanɛ, ale Yohabu ya a fɔ a ye ko, “I nyɛrɛ ma saya-di-kɛlɛ la. I kunyɛ fosokore to i kuma. I ni bɛgi-gbɛ don i kan na. A ma iko i wara mɛ diyi kɛla dɔgɔma-ma-de!

1 Mansɛnu 14:6

Kɔnɔ Nɛbi Ahaya ya ale musi kinta-kan lamɔɛn bonda-dɛ la min kɛ, nɛbi ya a fɔ a ye ko, “Don. N bara a lɔn yati, ko Mansa Yɛrabowamila musi le ile la. Nfenna i ye i nyɛrɛ mafiliyala iko mɔgɔ-gbɛrɛkɛ? Yisi-tinya-kumɛ do ye n bolo ka a fɔ i ye.

2 Mansɛnu 4:27

Kɔnɔ ale musi kenɛ Nɛbi Ilaisa ma, a ya a gbesi dugi la ka Nɛbi Ilaisa kian bira. Kɛhasi ko a ni ale musi bɔ nyɔ kɔnɔ Nɛbi Ilaisa ma sɔn. A ko, “A to nyɔ. I ma a lɔn kɛ yisi tɔrɔnɛ le a ma kɛ la, ado Mari ma fenfen fɔ n ye ala ko rɔ, wa.”

Hɛnkilimaya-Kumɛnu 21:30

Ni Mari ye min kan ma, hali hɛnkili ye wo tigi bolo, a ya ko lɔn, wonu ti ko nyinya a ma.

Emɔsi 3:7

Ni yarɛ wɔrɔndɔra, mɔgɔ kuma ti kɔ, wa? Allatala ti ko-wo-ko ladan a ti min kɔrɛ fɔ male nɛbinu ye. Woletɔ ni Allatala kumara, male nɛbinu ti a kuman-kan latenbi, wa?