1 Mansɛnu 14:27 - ALLALA KUMƐ

²⁷ A ya silɛɛnu nadan kɛlɛ-dan matanka-fannu na ka wonu ma sɛnɛ kɛlɛ-den matanka-fan wonu nyɔgɛ la. A ya wonu don a makandannɛnu bolo minnu sɔnɛ bolɔn wo dɛ la.

1 Mansɛnu 14:27 ပူးပေါင်းရင်းမြစ်များ

2 Samuwɛli 11:9

Kɔnɔ yaga, Yuraya ma ta a halala bɔn la. A kira mansɛla bolɔn-don-dɛ la anubɛ mansa-makandannɛnu.

2 Samuwɛli 15:1

Wati-tenbinɛ, Abasalɔm ya kirindi kelen bi anubɛ a sagan-soeenu. A ya kemini-mɔgɔ bi-loli fanan bi minnu si sɔ a yarɔ.

1 Mansɛnu 14:1

Wo kɔma, kirayɛ ya ale Mansa Yɛrabowamila den Abaya bira.

1 Mansɛnu 14:28

Ale mansɛ wa wuli tala Mari Bato-Bɔn la tuma-wo-tuma, a makandannɛ wonu si matanka-fan wonu bi ka bila a fɛ. Mansɛ wa sɛgi tumɛ min, anu si matanka-fan wonu bi ka ta anu namara kɛlɛ-kɛ-fan namara tinɛ.

1 Mansɛnu 14:5

Kɔnɔ yanni ala musi ni ke nyɔ, Mari ara a fɔ Nɛbi Ahaya ye ko Mansa Yɛrabowamila musi ye nala a manyinika tinɛ ala dan kiraya-koe rɔ. Nɛbi Ahaya ye min fɔla a ye, Mari ya a labila wo la. Mansa Yɛrabowamila musi kenɛ Nɛbi Ahaya ma, a ya a nyɛrɛ ma iko mɔgɔ-gbɛrɛkɛ le ale la.

1 Mansɛnu 18:46

Marita Sɛnbɛ yigira Nɛbi Ilaya kuma. A ya ala duruku-ba-wɛ mayɛlɛ ka a bu takiri wo la. A tara a burila Mansa Ehabula kirindi yarɔ ha anu kera Yɛsɛreli soe burɔ.

2 Mansɛnu 11:19

Saraka-Masɔla Yɛhoyada wo, mansa-kurɛ wo makandannɛnu wo, mansa-kurɛ wola bolon-makandannɛnu wo, anubɛ kandali-kɛlɛ wonuna kun-tiginu wulita ka bɔ Mari Bato-Bɔn la ka ta mansa-kurɛ wo to tinɛ ala bolɔn la. Anu tamatoe, anu bɔra don-dɛ la min tɔgɛ Kandannɛnuta Don-Dɛ. Mɔgɛ bɛɛ bilara anu fɛ. Mansa Yohasi sigira mansaya-waganɛ rɔ.

2 Mansɛnu 11:4

A san wɔrɔnfila nyɔgɛ ma, Saraka-Masɔla Yɛhoyada ya kilayɛ lata mansa-makandannɛnuna kun-tigi ma anubɛ mansɛla bon makandannɛnuna kun-tigi ma ko anu ni na Bato-Bɔn la. Wonu ke, a ya anu nakeli ko a ye nala min fɔla anu ye, ni anu ti gbundi wo bu tii. Wonu ban anu kelila, a ya Mansa Ehasayala den Yohasi yira anu na.

1 Samuwɛli 22:17

Wo kɔma, a makandannɛ minnu bi a dafɛ, Mansa Sɔli ya a fɔ wonu ye ko, “Wo ni Marita saraka-masɔlɛ kɛnu faga bawo anu denubɛ Dawuda ara yanfɛ lakiri n ma. Hali anu ya a lɔn ko Dawuda ara a buri, anu ma sɔn wo fɔla n ye lefan!” Kɔnɔ a makandannɛ wonu ya anu ban Marita wɔli-kɛlɛ wonu faga-koe ma.

1 Samuwɛli 8:11

A ya a fɔ anu ye ko, “Wo ye mansɛ min sɔrɔnna, a ye wo birala ka le. A si wola den-keinu bi ka anu ma kɛlɛ-dannu na. Donu si kɛlɛ kɛ kirindi la. A si a ma, donu fanan si kɛlɛ kɛ soee la. Donu fanan si anu buri ala kirindinu yarɔ ka ta kɛlɛ-kɛ-tinɛ.