1 Mansɛnu 14:26 - ALLALA KUMƐ

²⁶ A ya fen-kolomɛ damasi bi Mari Bato-Bɔn la anubɛ Mansa Rihobowamina bolɔn la. Hali a fa Mansa Silamɛni ya sɛnɛ minnu ma kɛlɛ-den matanka-fan la, a ya wonu fanan bi a bolo.

1 Mansɛnu 14:26 ပူးပေါင်းရင်းမြစ်များ

1 Mansɛnu 15:18

Sɛnɛ anubɛ wodi-gbɛ minnu bi Mari Bato-Bɔn anubɛ ata bolɔn la, Yuda Mansa Esa ya wonu bi. A ya wonu don ata mɔgɔ-ba donu bolo. Wonu tara wonu to tinɛ Siriya Mansa Bɛnhedadi ma Damasika soe burɔ. Mansɛ wo fa tɔgɛ le Tabirimɔn. A benba tɔgɛ le Hisiyɔn. Mansa Esa ya a sara ala mɔgɔ-ba wonu na ko anu ni ta a fɔ Siriya mansɛ wo ye ko,

1 Mansɛnu 7:51

Mansa Silamɛni ban Mari Bato-Bɔn sɔla, a fa Dawuda ara miran min bɛɛ dantɛgɛ Mari ma nun, a ya miran wo bɛɛsi ladon Bato-Bɔn wo fen namara tinɛnu tɔ. A ya miran minnu nadon, wo le kɛnu na, wodi-gbɛ-mirannu wo, sɛnɛ-mirannu wo, anubɛ fen-kolomɛ donu. A ya wo bɛɛ sa fen namara tinɛnu tɔ Mari Bato-Bɔn la.

2 Mansɛnu 12:18

Kɔnɔ Bato-Bon-miran dantɛgɛnɛ minnu dira Mansa Yohasi benba Mansa Yɛhosafatita wati rɔ, a benba Mansa Yɛhoramta wati rɔ, a fa Mansa Ehasayata wati rɔ, anubɛ ata wati rɔ, ale Yuda Mansa Yohasi ya wonu di Siriya Mansa Hesiyɛli ma alako wo kana na bui anu denu ma. Hali sɛnɛ min sanɛ Bato-Bɔn nɔnfulu lamara tinɛ anubɛ minnu bi mansɛla bolɔn la, a ya wonu fanan nata ale mansɛ ma. Wonu ke Siriya Mansa Hesiyɛli ma, a ya ala kɛlɛ-dannu kunyɛ tintan kan-tina-gbɛrɛ la.

2 Mansɛnu 14:14

A ya sɛnɛ-miran anubɛ wodi-gbɛ-miran minnu yen Bato-Bɔn la anubɛ mansɛla bolɔn la, a ya wo damasi latɛrɛndɛ ka ta wonu na a bolo Samariya soe burɔ. Wo kɔma, Mansa Yɛhowasi tara Yerusalɛm mɔgɛ donu na a bolo fanan ka anu bira kun-gbaran rɔ.

2 Mansɛnu 24:13

Mansa Nɛbukanasa tara fen-kolomɛnu bi Mari Bato-Bɔn anubɛ mansɛla bolɔn la iko Mari ya a fɔ nya min nun. Mansa Silamɛni ara sɛnɛ sa Bato-Bon-miran minnu ma fɔlɔ, Mansa Nɛbukanasa ya sɛnɛ bɔ wonu ma ka ta anu na.

Yaburi 39:6

A si sama iko ninɛ. Hadama-dan ye koe min bɛɛsi mala, fu le wo la ile yala. Hali a ya nɔnfuli ladɛn bui, mɔgɔ-wo-mɔgɔ ma a lɔn wo ye a labanna min bolo.

Hɛnkilimaya-Kumɛnu 23:5

Ni i ya wo ma, ila wodi si gban i bole tɔ iko kokɛ si gban nya min ka ta a ye pon!