1 Mansɛnu 14:23 - ALLALA KUMƐ

²³ Anu ya kan tinɛnu nadan anuna Asura bɛsɛ ye min nadannɛ musila muninyɛ la ka kurinu lɛsɛ ka ta wonu sɔ kɔnkɛnu kun tɛma anubɛ kɔlɔma-kuru-wɛ donu kɔrɔ.

1 Mansɛnu 14:23 ပူးပေါင်းရင်းမြစ်များ

1 Mansɛnu 12:31

Ale Yɛrabowami ya bɛsi-kɔ-tinɛ donu sɔ fanan kɔnkɛ donu kuma. A ya mɔgɛ donu ma saraka-masɔlɛnu na hali Lifayi bɔnsɔn ma minnu na.

1 Mansɛnu 14:15

Mari ko a si Isirɛla mɔgɛnu tɔrɔ. Anu ni to magala tɔrɔyɛ bolo iko binyɛ min bi yi rɔ. Mari ko bawo anu bara Asura bɛsɛ ladan musila muninyɛ la, wo ara a ladiminya. Wo le ye a mala, a ya ata dugu-hakikɛ min di anu benbanu ma, a si anu gben nyɔ rɔ. A si anu gben ka anu fui Yufereti bɛ-kɔgɔmɛ rɔ.

1 Mansɛnu 15:12

Kɔli-kɛlɛ minnu bi yɛlɛnyɛ kɛla anuna bɛsi-kɔ-tinɛnu tɔ, a keimɛ wo, a musumɛ wo, a ya wo bɛɛ gben. A benbanu ya bɛsɛ minnu nadanni to, a ya wo damasi tinya.

1 Mansɛnu 20:23

Mansa Bɛnhedadila mɔgɔ-banu tara a fɔ a ye ko, “Ni i ya a yen, Isirɛla mɔgɛnu ya ma nɔ kɛlɛ rɔ bawo anuna allanu denu bi kɔnkɛnu kuma le dɔrɔn. Kɔnɔ ni ma tara anu kɛlɛ lɛɛ rɔ, ma si anu nɔ serr!

1 Mansɛnu 3:2

Wo wati rɔ, mɔgɛnu taranta sarakɛnu bɔla saraka-bɔ-tina-siyaman tɔ bawo Mari Bato-Bɔn ma sɔ wɛ nun.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

2 Mansɛnu 10:26

Anu ya anuna bɛsi Beyali gbu labɔ luyi ma ka wo mintan.

2 Mansɛnu 16:4

Ale Mansa Ehasi kɛnɛna sarakɛnu bɔla ka isɛntinu mintan Alla-batobɛlɛnuna kɔ tinɛnu tɔ kɔnkɛnu anubɛ kɔlɔma-kuru-wɛnu kɔrɔ.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Mansɛnu 17:19

Kɔnɔ hali wo, Yuda mɔgɛ wonu denu ma anuta Mari Alla sako kɛ. Wonu fanan ya anu sanka Isirɛla mɔgɛnu ma ka anu sɔn bi.

2 Ko-Kɔrɔta-Karan 24:18

Mɔgɛnu ya anu ban anu benbanuta Mari Alla bato-koe ma Bato-Bɔn wo la. Anu donta bɛsi-kɔ-koe rɔ anubɛ bɛsɛ min nadannɛ musila muninyɛ la anu bi min kelela Asura. Ka a tɛgɛ anu sɔn-yogomɛ wola ko ma, Alla fonde bɔra Yerusalɛm so-burɔ-mɔgɛnu anubɛ Yuda nyamanita-mɔgɛnu kuma.

2 Ko-Kɔrɔta-Karan 28:4

Ale Mansa Ehasi taranta sarakɛnu bɔla ka isɛnti mintan Alla-batobɛlɛnuna kɔ tinɛnu tɔ kɔnkɛnu kuma anubɛ kɔlɔma-kuru-wɛnu kɔrɔ.

Bɔ-Koe-Iyipiti 34:13

Yanni wo ni wo ma, wo ni anuna saraka-mintan-tinɛnu tinya. Anu bi kuri minnu kɔla, wo ni wonu takerikeri. Anu bi anuna bɛsɛ min kelela Asura, wo ni wo tinya.

Aiseya 57:5

Wo si wola bɛsɛnu hɛnɛ sɔn-yogoyɛ le la kɔlɔma-kuru-wɛnu kɔrɔ. Wo ye wola dannu fagala ka anu ma sarakɛnu na fara-gbaran anubɛ farannu na.

Yɛrɛmaya 17:2

Hali wola dannu yili ti bɔ bɛsi-kɔ-tinɛnu ko, ado anu ti nyina wola bɛsi Asura fanan ko. Wola bɛsɛ minnu bi kɔlɔma-kuru-wɛnu kɔrɔ, anu yili ti bɔ wonu ko, ado hali minnu bi kɔnkɔ-layan-bɛnu kuma, anu yili ti bɔ wonu fanan ko.

Yɛrɛmaya 2:20

Wo Tigi Mari ko wo ara wo kan-kɔ sɔ ata Mariyɛ la bi-ko-ma! Yili min sɔnɛ wo la, wo ya wo ratɛgɛ. Wo ya a fɔ ale, Mari ye ko wo ti ala kumɛ bira hali ka a bato, ado wo ye bɛsɛnu kɔla kɔnkɔ-layan-bɛnu kuma anubɛ kɔlɔma-kuru-wɛnu kɔrɔ bɛsi-fuyinu kɔ-tinɛ. Wo ma telen ale, wota Mari ye iko musi-yɛlan.

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Isikiyɛli 6:13

Anu bi isɛnti mintanna anuna bɛsɛnu ye kan min bɛɛ rɔ, a kɔnkɔ-layan-ba kuma wo, a gburukulu kuma wo, a kɔlɔma-kuru-wa kɔrɔ wo, a kɔlɔma-nɔrɔnni kɔrɔ wo, furinu ta si nyɛnsɛn bɛsɛ wonu damala foolɛ rɔ. Wo wa ma, bɛɛ si a lɔn worɔ ko Mari le nde la.

Isikiyɛli 6:3

A fɔ anu ye ko anu ni anu tole masɔ nde, Mari kuman-kan la. A kɔnkɔ-layan-ba wo, a gburukulu wo, a folo wo, a lɛɛ wo, anu ni anu tole masɔ nde, anu Tigi Mari Alla kan la. Mɔgɛnu bi bɛsɛnu kɔla kan minnu tɔ anu tɛma, n bi kɛlɛ lanala ka nyɔnu halaki.

Isikiyɛli 6:6

Isirɛla soe bɛɛ si halaki pɔ! Wo si a ma, saraka-mintan-tinɛnu anubɛ bɛsɛnu si tinya pɔ! Anuna isɛnti mintan tinɛnu si tii mɛmɛ! Anu bara min bɛɛsi ladan, wonu si tunu yen!

Hoseya 10:1

Wole Isirɛla mɔgɛnu bara sabati nun iko kɔn wa gbɔ tisikiri! Wo ye tɔnɛ sɔrɔnna nya min, wo ye tola saraka-mintan-tinɛnu nadanna bɛsɛnu ye wo nya na le. Ki-fannu bi tola sabatila wola dugi rɔ nya min, wo ye tola wola kuru-malɛsɛnɛnu makirila wo nya na le.

Saraka-Masɔlɛnuta Tɔnnu 26:1

Mari ya a fɔ Musa ye ko, “Wo kana kuri malɛsɛ ka a kɔ bawo nde nyɛrɛ-nyɛrɛ le wota Mari Alla la.

Maika 5:14

Mari ko a si wola soenu tinya. Wo kɔma, a si wola bɛsɛnu tinya minnu tɔgɛ Asura, wo ya minnu nadan wo bole la musila muninyɛ rɔ, kɔni.

Tɔn-Fɔɛ-Fila-Nyɔgɛ 12:2

Wo wa ta nyamanɛ wo rɔ, wo ni nyɔ-mɔgɛnuna bɛsi-kɔ-tinɛnu tinya feufeu! Ni anu bi kɔnkɛ denu kuma, wo ni ta anu tinya. Ni anu bi gbɔngbɔn denu kɔrɔ, wo ni ta anu tinya fanan.

Tɔn-Fɔɛ-Fila-Nyɔgɛ 16:22

Wo kana kuru-lɛsɛnɛ donu ma wota bɛsɛnu na. Wo sufanu ma di wota Mari Alla ye dɛɛ!”