1 Mansɛnu 14:17 - ALLALA KUMƐ

¹⁷ Nɛbi Ahaya ban kɛ fɔla Mansa Yɛrabowamila musi ye, ale musi wulita ka ta a warɛ Tirisa soe burɔ. A ye a kunyɛ ladonna bɔn burɔ kawo, ala den-keminɛ wo niyi bɔra.

1 Mansɛnu 14:17 ပူးပေါင်းရင်းမြစ်များ

1 Mansɛnu 15:21

Mansa Beyasa ya a lamɔɛn min kɛ ko Siriyanu bara ta bui ala nyamanɛ ma, a ya Rema soe latanka-ko-wɔlɛ boloka ka ta Tirisa soe burɔ.

1 Mansɛnu 15:33

Esata mansayɛ san sawa nyɔgɛ Yuda nyamanɛ kun na, Mansa Ahayala den Beyasa fanan mara mansɛ la Isirɛla mɔgɛnu kun na. San mogan-ni-nani kɔrɔ, Mansa Beyasa ye mansayɛ la. A siginɛ Tirisa soe burɔ.

1 Mansɛnu 16:15

Esata mansayɛ san mogan-ni-wɔrɔnfila nyɔgɛ Yuda nyamanɛ kun na, Simiri fanan mara mansɛ la Isirɛla mɔgɛnu kun na. A siginɛ Tirisa soe burɔ. Tele wɔrɔnfila pe, Simiri ye mansayɛ la. Min mara wulɔn, wo le kɛ la. Isirɛla kɛlɛ-dannu tanɛ Kibɛtɔn soe kan ma Filisitinuna nyamanɛ rɔ,

1 Mansɛnu 16:23

Esala mansayɛ san bi-sawa ani san kelen nyɔgɛ Yuda nyamanɛ rɔ, Hɔmɔri mara mansɛ la Isirɛla nyamanɛ rɔ. San tan-ni-fila kɔrɔ, Hɔmɔri ye mansayɛ la Isirɛla nyamanɛ kun na. San tan-ni-filɛ wo kɔrɔ, san wɔrɔ a siginɛ Tirisa soe burɔ.

2 Mansɛnu 15:14

Mansa Salumu ya koe min bɛɛsi ma ala mansayɛ kɔrɔ, katarala a ya dɔn min don Mansa Sakaraya ma ka a faga, anu ya wo bɛɛ sɛbɛ Isirɛla mansɛnuna buku do rɔ. Kadila den Mɛnahɛmu bɔra Tirisa soe burɔ ka ta Mansa Salumu faga Samariya soe burɔ. A sigira a gbɛ rɔ.

Keninteya-Siginu 6:4

N takeri-gbasu, i kin iko Tirisa soe. I tintannɛ iko Yerusalɛm soe. Ni mɔgɛ ya i yen, a ya si bɔ i la iko kɛlɛ-dannu nadɛnnɛ tenbi anuna falafalɛnu kɔrɔ.