1 Mansɛnu 14:16 - ALLALA KUMƐ

¹⁶ Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 14:16 ပူးပေါင်းရင်းမြစ်များ

1 Mansɛnu 12:30

Wo ya a ma, mɔgɛnu ya hakɛ kɛ ka ta bɛsɛ wonu kɔ tinɛ Bɛtɛli soe anubɛ Dan soe burɔ.

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 15:26

A ya hakɛ kɛ Mari la iko a fa ya a ma nya min, ado a ya a ma fanan Isirɛla mɔgɛnu ya hakɛ kɛ.

1 Mansɛnu 15:34

Ale fanan tora hakɛ kɛla iko a ya Mansa Yɛrabowami min taran a yarɔ, wo ye hakɛ kɛla nya min ka Isirɛla mɔgɛnu nadon hakɛ rɔ.

1 Mansɛnu 16:13

Mari diminyara Mansa Beyasa anubɛ ala den Mansa Ila ma bawo anu bara bɛsɛ kɔ ka Isirɛla mɔgɛnu nadon hakɛ rɔ fanan.

1 Mansɛnu 16:19

Ni i ya a yen, kɛ damasi mara a la, a mara bawo ale ara hakɛ kɛ Mari la ka Isirɛla mɔgɛnu don hakɛ rɔ iko Mansa Yɛrabowami ya a ma nya min nun. Woletɔ Mari ma sewa Mansa Simiri wara-koe rɔ.

1 Mansɛnu 16:2

fenfen ma ale la nun kɔnɔ nde, Mari ara a ma mansɛ la Isirɛla mɔgɛnu kun na. A ye hakɛ kɛla kaka iko Yɛrabowami min ya nta mɔgɛnu nadon hakɛ rɔ nya min nun. A fɔ a ye tun ko ala hakɛ ara a ma, n fonde ara bɔ.

1 Mansɛnu 16:27

Mansa Hɔmɔri ya koe min bɛɛsi kɛ Isirɛla nyamanɛ rɔ wo tumɛ a ye mansayɛ la katarala a ya ata mansayɛ kɛ sɛnbɛ sufa min na, anu ya wo damasi sɛbɛ Isirɛla mansɛnuna buku do rɔ.

1 Mansɛnu 21:22

Mari ko wobɛ ila denbayɛnu si ma iko Nebatila den Mansa Yɛrabowami mara nya min. A ko wobɛ ila denbayɛnu si ma fanan iko Mansa Ahayala den Mansa Beyasa mara nya min. Mari ko a si wo ma bawo i wara a fonde labɔ ka Isirɛla mɔgɛnu nadon hakɛ rɔ.

1 Mansɛnu 22:53

A ya Beyali bɛsɛ kɔ iko a fa ya a ma nya min nun ka Isirɛlata Mari Alla ladiminya.

2 Mansɛnu 10:31

Kɔnɔ Mansa Yehu ma Isirɛlata Mari Allata kumɛ bira a yisi bɛɛ la fɔ ka Mansa Yɛrabowamita kɛ-nyanu bi min ya Isirɛla mɔgɛnu nadon hakɛ rɔ.

2 Mansɛnu 13:2

Kɔnɔ hali wo, Mansa Yɛhowahasi benba Mansa Yɛrabowami ya hakɛ minnu nadan, ale mansɛ ma fara wonu na, ado a benba wo taranta Isirɛla nyamanita-mɔgɛnu nabilala wo le la. A ma sɔn ka a sɔn-yogomɛnu boloka.

2 Mansɛnu 13:6

Kɔnɔ hali wo, anu benba Mansa Yɛrabowami ya anu nabila ko-yogomɛ minnu na, anu ma wonu boloka, ado anu tora wo le kun na burubukai! Min sanɛ wo kuma, kɔlɔma min lɛsɛnɛ musila muninyɛ la, anu bi min kelela ko Asura, anu tora wo kɔla Samariya soe burɔ.

2 Mansɛnu 14:24

Ale fanan ya hakɛ kɛ iko Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ kɛ la.

2 Mansɛnu 15:18

Ale fanan ya hakɛ kɛ iko a benba Mansa Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ la.

2 Mansɛnu 15:9

Ale fanan ya hakɛ kɛ iko a benba Nebatila den Mansa Yɛrabowami ya a ma nya min, min ya Isirɛla nyamanita-mɔgɛnu nabila hakɛ kɛ la.

2 Mansɛnu 17:21

Fɔlɔ nun, nyamani kelen de Isirɛla nyamanɛ anubɛ Yuda nyamanɛ la. Mari ya Yuda nyamanɛ anubɛ Isirɛla nyamanɛ fara tumɛ min, Isirɛla mɔgɛnu ya Nebatila den Yɛrabowami ma anuna mansɛ la. Mansa Yɛrabowami wo ya a ma, Isirɛla mɔgɛnu ya anu bɔ Marita kilɛ fɛ. A ya a ma, Isirɛla mɔgɛnu donta ko-yogomɛ kɛnu tɔ.

2 Mansɛnu 17:23

Anu tora wo le la ha Mari ya a kan-kɔ sɔ anu na, ado a ara nɛbinu nata anu makawandi tinɛ nun. Wo le ya a ma, Asiriyanu nara anu bira ka ta anu na pon! Anu bi nyɔ ha bi.

2 Mansɛnu 21:16

Mansa Manasa ya a ma, Yuda mɔgɛnu bara hakɛ kɛ Mari la ka anu don bɛsi-kɔ-koe rɔ. Min sanɛ wo kuma, sɔn-yogoma sa mɔgɛ minnu na, mansɛ ya wonu mɔgɔ-siyaman faga ha wonu yele tugura a rɔ Yerusalɛm kilɛnu na iko gboron-gboronna-yi.

2 Mansɛnu 23:15

Nebatila den Mansa Yɛrabowami min ya Isirɛla mɔgɛnu nadon hakɛ rɔ, wo ya bɛsi-kɔ-tinɛ min nadan Bɛtɛli, Mansa Yosaya ya wo fanan tinya. Kuri minnu nadannɛ saraka-mintan-tinɛ la, a ya wonu tatiitii ka anu munku iko gbangban ka Asurala muninyɛ mintan.

2 Mansɛnu 3:3

Kɔnɔ hali wo, a ma ko-yogoma-kɔrɛ wonu boloka Nebatila den Mansa Yɛrabowami ya Isirɛla mɔgɛnu nadon minnu tɔ.

2 Ko-Kɔrɔta-Karan 28:19

Bawo Yuda Mansa Ehasi ara ko-yogoma-siyaman ma ala mɔgɛnu na ka bila Mari la. Wo le ya a ma, Mari ya tɔrɔyɛ lana Yuda nyamanɛ kuma.

Yaburi 81:12

Woletɔ n sɔnta, bɛɛ tora ala tolo-gbɛlɛyɛ la. Bɛɛ ya a ma iko a di a ye nya min.

Bɔ-Koe-Iyipiti 32:21

Musa ya a fɔ Aruna ye ko, “Mɔgɛ kɛnu ya nfen ma i la ha i wara anu nadon hakɛ sufa kɛ rɔ?”

Bɔ-Koe-Iyipiti 32:25

Musa ya a yen Aruna ma ala kun-tigiyɛ lawɔli a kin na, woletɔ Isirɛla mɔgɛnu bara murutiya ha anu bara ma yɛlɛnma-fan la anu yogenu yala.

Bɔ-Koe-Iyipiti 32:35

Mari ya kiraya-fitinɛ lana mɔgɛnu kuma ka a tɛgɛ ninki-dan wola muninyɛ ladan-koe ma Aruna ya min nadan anu ye.

Aiseya 40:24

Mansɛ wonu mani de iko ki-fan min bɔ-san anu suli labɔla. Mari wa fɔn-fɛlɛfɛlɛnɛ lana, anu si gbala iko bin-gbalɛ. Fɔnyɔ wo ni ta anu na pon!

Yɛrɛmaya 5:31

Nɛbinu sa fenfen fɔla foninyɛ kɔma. Saraka-masɔlɛnu bi anu nyɛrɛta fanka le lawɔlila, ado wole, Mari nyɛrɛta mɔgɛnu diyana-koe le wo la. Kɔnɔ kɛ damasi laban si ma wo bolo nfen na?

Maika 6:16

Wo ara ko-yogomɛ ma iko wola mansɛ Hɔmɔri anubɛ ala den Mansa Ehabu, woletɔ tɔrɔya-su kɛ ye nala sigila wo la. Mari si wola nyamanɛ kɛ halaki. Mɔgɛnu si wo mayɛlɛn dɔgɔma-ma-de! Fɔ ni wo ya wo munyu manyinɛnu kɔrɔ bawo wo ma sɔn Marita kumɛ birala.

Matiyu 18:7

Gbalo ye duninya ye bawo fan donu bi a rɔ minnu bi mɔgɛnu nasamala! Ko sifa wonu bi kɛla tuma-wo-tuma kɔnɔ minnu bi wo mala, gbalo-belebele ye wonu kuma!

Romu 14:13

Woletɔ ma ni fara ma nyɔgɔn tasɛla, ado wo ni a latɛgɛ ko wo kana ko-wo-ko ma min si wo na-kelen-nyɔgɔn kian latugu. Wo kana a ma, a ni bui hakɛ rɔ.

Tɔn-Fɔɛ-Fila-Nyɔgɛ 32:30

Nfen ya a to, anu mɔgɔ kelan ya wo mɔgɔ waga kelan gbesi? Nfen ya a to, anu mɔgɔ filɛ ya wo mɔgɔ waga tan gben? Min ya a to, wonu mara bawo wota Fara-Kole Mari ya a bɔ wo fɛ.