1 Mansɛnu 14:11 - ALLALA KUMƐ

¹¹ Mari ko Mansa Yɛrabowami na-kelen-nyɔgɛ minnu bi fagala soe tɛma, wulinu denu bi wonu furinu dɔnna. Minnu bi fagala binyɛ rɔ, konanu denu bi wonu furinu dɔnna. Ale Mari le ya kɛ fɔ.”

1 Mansɛnu 14:11 ပူးပေါင်းရင်းမြစ်များ

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 15:29

Beyasa mɛ mansɛ la, a donta Mansa Yɛrabowamila denbayɛ fagɛ rɔ. Ni i ya a yen, Mansa Beyasa ya kɛ damasi ma bawo Mansa Yɛrabowami ya a ma, Isirɛlata Mari Alla fonde bɔra. Mansa Yɛrabowami ya hakɛ kɛ ka Isirɛla mɔgɛnu fanan nadon hakɛ rɔ. Marita kumɛ kɛ ara bɔ a la iko Nɛbi Ahaya Sailo kɛ ya a fɔ Mansa Yɛrabowami ye nya min nun.

1 Mansɛnu 16:3

N si anubɛ ala denbayɛnu ban dugu-kole kuma iko n ya Yɛrabowami anubɛ ala denbayɛnu ma nya min.

1 Mansɛnu 16:4

Ala denbayɛ fenfen ba faga soe tɛma, a fɔ a ye ko wulinu denu bi wo suyi dɔnna. Minnu bi fagala binyɛ rɔ, konanu denu bi wonu fanan suyi dɔnna.”

1 Mansɛnu 21:19

I ni a fɔ a ye ko nde, Mari ko a ara mɔgɔ faga, wo ma a wasa, a ni ala dugi bi tun? I ni a fɔ a ye tun ko wulinu ya Nebɔti yele manɛ kan min, anu si ale fanan yele manɛ nyɔ rɔ, yɔ!” Nɛbi Ilaya tara.

2 Mansɛnu 9:9

Mari ko a si a ma Mansa Ehabuta denbayɛ la iko a ya a ma Nebatila den Mansa Yɛrabowami anubɛ Ahayala den Mansa Beyasa la nya min.

Aiseya 40:5

Wo bɛɛ wa ka-a-la, Marita gbiliyɛ ni na to bɔla gbɛ rɔ, ado hadama-dan bɛɛ si kɛ rayen. Mari nyɛrɛ-nyɛrɛ le wara kɛ fɔ.”

Aiseya 66:24

Minnu bi Mari kan ma, Mari-batolɛnu si ta wonu furinu bolokanɛ yen belenna soe kɔma. Tunbi minnu bi wonu dɔnna, wonu ti faga. Tɛ min bi furi wonu mintanna, wo ti dufen. Furi wonu mafɛlan ti a diya don mɔgɛ rɔ.

Yɛrɛmaya 15:3

Mari ko a si kasara-su nani natugu wole, Yuda kɛnu kan ma. A ko a si kɛlɛ lana min si wo lato. Wo kɔma, a si wulinu nana minnu si wo furi sagan. Wo kɔma, a si konanu anubɛ firarɔ-sogenu nana minnu si furi wonu tafarafara anu dɔn-tinɛ.

Yɛrɛmaya 34:20

Wo faga-sɔgɛ ye wo yoge minnu na, a ko a si wo don wonu bolo. Sogenu anubɛ konanu si to wo suyi dɔnna.

Yilan-Yilan Koe 23:19

Alla sa iko mɔgɔni-finyɛ minnu si foninyɛ fɔ. A ti a miriya yɛlɛma iko hadama-dannu. A ya lanyiri kiri fenfenna ko la, a si wo ma, yɔ! Ni a kumara, a ara ban.