1 Mansɛnu 14:10 - ALLALA KUMƐ

¹⁰ Ka a tɛgɛ Mansa Yɛrabowami sɔn kɛ ma, Mari ko a si gbalo lana anubɛ a kegeya keimɛ damasi kuma. Hali ala bonna-wɔli-kɛlɛnu, a si wonu fanan tɔrɔ. A ko a si anu tɔrɔndɔ iko tɛ si ninki-nyɛ-gbalɛ mintan nya min.

1 Mansɛnu 14:10 ပူးပေါင်းရင်းမြစ်များ

1 Mansɛnu 13:34

Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 16:11

Simiri kɛ mɛ mansɛ la, a ya Mansa Ila fa Mansa Beyasala denbayɛ bɛɛsi faga. Mansa Beyasa na-kelen-nyɔgɔ wo, a diyana-mɔgɔ wo, a ya wo bɛɛsi faga.

1 Mansɛnu 16:3

N si anubɛ ala denbayɛnu ban dugu-kole kuma iko n ya Yɛrabowami anubɛ ala denbayɛnu ma nya min.

1 Mansɛnu 21:21

Woletɔ Mari ko a si kasarɛ lana i kuma. A ko a si wobɛ i kebilɛnu halaki, a keimɛnu, kɔni, a yɔɔn wo, a hɔrɔ wo.

2 Mansɛnu 14:26

Mari ya wo ma bawo a ara a yen, Isirɛla mɔgɛnu bara tɔrɔ nya min, ado anu dɛnbɛn-mɔgɔ-gbɛrɛkɛ sa nyɔ, a mara yɔɔn la wo, a mara hɔrɛ la wo.

2 Mansɛnu 21:13

N si Yerusalɛm kɛnu tɔrɔ iko n ya Samariya kɛnu anubɛ Ehabu kegeyɛ tɔrɔ nya min nun. N si mɔgɛnu kian firan Yerusalɛm soe burɔ iko mɔgɛ ye fi rafiranna nya min ka a laburun.

2 Mansɛnu 9:37

A ko a toe min bi tola, wo ra si nyɛnsɛn dugi ma iko ninki-nyɛ. Mɔgɔ-wo-mɔgɔ ti sui a ma tun ko Yɛsɛbɛli le.’ ”

Yobu 20:7

a si ban iko fɔnyɔ wa gbangban bi. A lɔnbaga-kɔrɛnu kɔndɔ si fili ni a tara kan min.

Yaburi 83:10

I ya anu nɔ Ɛndɔ soe burɔ. Anu furi tulunta dugi ma nyɔ.

Aiseya 14:19

kɔnɔ ile Babilɔn mansɛ ma sa kaburu tɔ fɔ anu ya i furi lakɛ-a-rɔ le alako a ni tuli. Anu ya a lakɛ-a-rɔ fole burɔ ka ila kɛlɛ-dannu furi lakɛ i kuma. Mɔgɛnu ya i furi ratɛntɛn anu kian kɔrɔ.

Aiseya 14:23

A si nyɔ bɛɛ ma iko boro-sumabɔnɛ la. Nyɔ si ma gbingbin-nyagannu barɛ la. A ko a si sɛɛrɛ bi ka Babilɔn nyamanɛ firan dugu-kole kuma. Mari Sɛnbɛ-Bɛɛ-Tigi kan le kɛ la.

Aiseya 5:25

Mari fonde bɔnɛ wole, ata mɔgɛnu ma, ado a ara a kɔɛn kɔrɔbi wo tɔrɔ-koe la. Kɔnkɛnu si yɛrɛyɛrɛn. Minnu bi fagala, wonu furi-bolokanɛ si to belenna lu-kolenu ma iko yefe-gbalɛ. Kɔnɔ hali wo, wo ti a ma, Marita fondo-bɔɛ ni ban. A si wo tɔrɔ serr!

Yɛrɛmaya 32:18

I wara ita hinɛ yira mɔgɔ waga yirika la kɔnɔ hali wo, i ye dannu tɔrɔla ka a tɛgɛ anu sɔrɔnnɛnuna hakɛ ma. Alla-makawanɛ le ile la. I tɔgɛ le Mari Sɛnbɛ-Bɛɛ-Tigi.

Yɛrɛmaya 8:2

Furi wonu kɛndɛnu ya tele anubɛ lolɛ anubɛ karɛ minnu kɔ, anu kolenu ta si nyɛnsɛn wonu kɔrɔ. Anu bi kɛnu kɔla nun alako ka anu matara. Mɔgɔ sa tun min si kole wonu madɛn ka anu togon. Anu si to dugu-kole ma iko bo-gbalɛ.

Isikiyɛli 26:4

Wonu si anuna soe tarɛnu keri ka anuna kan-tina-layan-bɛnu fanan tii. A gbangban min tonɛ, n si wo bɛɛ firan ka fara-makolɔn to.

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Sɛfanaya 1:17

Mari ye a fɔla ko a si kasara-su min nana hadama-dannu kuma, wo si a ma, mɔgɛ bɛɛ ni ta a bole mɛmɛla iko fiyɔn. Anu bara hakɛ kɛ Mari la ka bila a la, woletɔ anu yele si to bɔla iko yi, ado anu suyi si to sani dugi ma kan-bo-kan ka tuli.

Malakayi 2:3

A ko ka a tɛgɛ wo sɔn ma, a si wola dannu tɔrɔ. Wo ye kolo-fan minnu mala sarakɛnu na, a ko a si wo yakɔrɛ digin sarakɛ wonu nyɛ rɔ. Anu si wo bi ka wo lakɛ a rɔ nyɛ-rawuya-tinɛ.

Tɔn-Fɔɛ-Fila-Nyɔgɛ 32:36

“Mari wa a lɔn tumɛ min fanka sa wole Isirɛla mɔgɛnu na tun, a si wo kisi. A wa a yen wo niyi sani ma wola bɛsɛnu kuma tun, a si kinikini wole, a batolɛnu ma.

1 Samuwɛli 2:30

“A ko ale Isirɛla mɔgɛnuta Mari Alla ara lanyiri kiri wati-tenbinɛ ko Aruna anubɛ ata denbayɛ si ma ata wɔli-kɛlɛnu na tolon! Kɔnɔ a ko kaka, a ti sɔn wo ma tun. A ko min bi a gbiliyala, ale fanan bi wo le fanan gbiliyala. Min bi a lafɛyala, ale fanan bi wo le tigi lafɛyala.

1 Samuwɛli 25:22

Yanni bandɛ ni ka sina, ni n ti Nebali anubɛ ala keminɛ damasi faga, alamɛ Alla ya n faga.”

1 Samuwɛli 25:34

Mari ara a ma, n ma ko-wo-ko ma wo la. Kɔnɔ ni i ma i latiriya nala n taranna yan nun, n bara n keli Isirɛlata Mari Alla-nimɛ rɔ nun ko yanni sina sɔgɔma, n si Nebali anubɛ ala bonna-keminɛ bɛɛsi faga.”