1 Mansɛnu 13:6 - ALLALA KUMƐ

⁶ Mansa Yɛrabowami ya a fɔ Allata mɔgɛ wo ye ko, “Ita Mari Alla matara n ye alako n bole kɛ ni sɛgi a gbɛ rɔ!” Allata mɔgɛ wo ya Mari matara. Ale mansɛ bole kɛndɛyara a gbɛ rɔ.

1 Mansɛnu 13:6 ပူးပေါင်းရင်းမြစ်များ

1 Mansɛnu 13:5

Saraka mintan tinɛ wo rafarata. Ta-gbangban ladɛnta dugu ma iko Allata mɔgɛ wo ya Marila mantili kɛ fɔ anu ye nya min.

Yaburi 119:58

N bara i manyinika n yisi bɛɛ la ko i ni kinikini n ma iko i wara lanyiri kiri n ye nya min.

Bɔ-Koe-Iyipiti 10:17

Woletɔ wo yandi, wo ni wo hakɛ to n ye tun ka wola Mari Alla madiya n ye. A ni kasarɛ kɛnu bɔ n kuma.”

Bɔ-Koe-Iyipiti 12:32

Wo ni wola kolo-fannu fanan bi iko wo ara a fɔ nya min. Wo kana nyina ka duwa nde ye.”

Bɔ-Koe-Iyipiti 8:28

Mansɛ ko, “N si wo boloka alako wo ni sarakɛ bɔ wota Mari Alla ye wulɛ rɔ kɔnɔ wo kana ta wula-yan la. Nba, wo ni madiyali kɛ n ye.”

Bɔ-Koe-Iyipiti 8:4

Turukɔɔkɔ wonu si to gbangbanna ale anubɛ ala mɔgɔ-banu anubɛ ala nyamanita-mɔgɛnu kuma.”

Bɔ-Koe-Iyipiti 8:8

Mansɛ ya Musa anubɛ Aruna kele. A ko, “Wo ni wota Mari madiya ko a ni turukɔɔkɔ kɛnu bɔ ma tɛma. N si ata mɔgɛnu boloka worɔ ko anu ni ta sarakɛnu bɔ wola Mari ye.”

Bɔ-Koe-Iyipiti 9:28

Wo ni Mari madiya kamasɔrɔn san-sɛran anubɛ banda-kole kɛ ara a lamoya ma kuma. N si wo boloka. Wo ti to yan tɔ tun.”

Yɛrɛmaya 37:3

Mansa Sɛdɛkaya ya Sɛlimayala den Yɛhukali anubɛ Meyaseyala den Saraka-Masɔla Sɛfanaya sɔ nde, Yɛrɛmaya wara alako n ni ale Mari, mata Alla madiya mala nyamanɛla ko la.

Sakaraya 7:2

Wo wati ya a taran, Bɛtɛli so-burɔ-mɔgɛnu bara Sarisa anubɛ Rigɛm-Mɛlɛki anubɛ mɔgɔ filɛ wonuta mɔgɛnu nata Mari Sɛnbɛ-Bɛɛ-Tigi Bato-Bɔn la. Anu ya anu nata duwa nyini tinɛ Mari bolo. Anu ya saraka-masɔlɛnu anubɛ nɛbinu manyinika ko, “San-bo-san, a karɛ loli nyɔgɛ ma, ma durunɛ sun-don min na ka a tɛgɛ Bato-Bɔnla tinyɛ ma, ma ni to wo le mala, wa?”

Yilan-Yilan Koe 12:13

Musa fanan dira Mari dala, a ko, “E, Alla, i yandi, n kɔrɔ-musi lakɛndɛya.”

Yilan-Yilan Koe 21:7

Mɔgɛnu nara di Musa dala. Anu ko, “Ma ara hakɛ kɛ wobɛ Mari la. I ni Mari madiya ko a ni sagan-fan kɛnu bɔ ma tɛma.” Musa ya madiyali kɛ anu ye.

Matiyu 5:44

Kɔnɔ kaka, n bi a fɔla i ye ko i ni i yogenu keni ka madiyali kɛ anu ye, hali minnu sa i birala a kin na!

Luka 23:34

Yisa ko, “N Fa, nyama kɛ makoto bawo anu bi min mala, anu ma a lɔn!” Kɛlɛ-dannu ya ala kurɛnu fara anu nyɔgɔn tɛma koron-nakɛ fɛ.

Kɛwɔlɛnu 7:60

A ya a nyɛnkin ka gbele-gbelen kan-ba la, a ko, “Mari! I kana i fonde lamiri anuna hakɛ kɛ ma!” A ban wo fɔla, a niyi bɔra.

Kɛwɔlɛnu 8:24

Saimon ya a fɔ Pita anubɛ Yɔni ye wo rɔ ko, “Wo yandi, wo ni Mari madiya n ye ko i wara min bɛɛ fɔ kɛ la, wo fenfen kana na ma n na.”

Romu 12:14

Minnu bi wo niyi ragbɛrɛnna, wo ni duwa anu ye. Wo kana anu danka fɔ ka duwa anu ye.

Romu 12:21

Wo kana sɔn, ko-yogomɛ ni nɔ-ko sɔrɔn wo ma. Wola ko-nyimɛnu ni nɔ-ko sɔrɔn ko-yogomɛnu ma.

Lankɛnimayɛ 3:9

Nba, wo ni wo tole masɔ! Minnu bilanɛ Setanɛ fɛ, foninya-fɔlɛ le wonu na. Anu bi a fɔla ko Yahudiya le anu na kɔnɔ a sa wo nya. N si a ma, anu ni anu sa wo kin kɔrɔ wo madiya tinɛ. Anu dama si a lɔn ko wo di n ye.

1 Samuwɛli 12:19

Anu ya a fɔ Samuwɛli ye ko, “N fa, i yandi. Ita Mari Alla madiya ma ye alako ma kana na faga. Ma ara hakɛ do sa mala hakɛnu kuma tun bawo ma ya a manyinika mansa-sɔrɔn-koe ma.”

1 Samuwɛli 12:23

Kɔnɔ ni nde, Samuwɛli ya n ban Mari madiyala wo ye, wo si ma hakɛ la n bolo, ado Mari ni n tanka wo ma. Yanni n ni wo ma, n si wo karan tonyɛ anubɛ ko-latelennɛ ma.