1 Mansɛnu 13:34 - ALLALA KUMƐ

³⁴ Yɛrabowami ya hakɛ min kɛ kɛ la, wo le ya fɛɛ sa ala mansayɛ la. Mansayɛ bɔra a bolo. Mansayɛ ma sɛgi ala bɔn la tun.

1 Mansɛnu 13:34 ပူးပေါင်းရင်းမြစ်များ

1 Mansɛnu 12:26

Mansa Yɛrabowami ya a miri a nyɛrɛ ma ko, “Ni ndela mɔgɛ donu wulita ka ta sarakɛ bɔ Mari bato tinɛ Yerusalɛm, tumado anu si anu bɔ nde fɛ ka sɔ Yuda Mansa Rihobowami fɛ, ado anu si n faga.”

1 Mansɛnu 12:30

Wo ya a ma, mɔgɛnu ya hakɛ kɛ ka ta bɛsɛ wonu kɔ tinɛ Bɛtɛli soe anubɛ Dan soe burɔ.

1 Mansɛnu 14:1

Wo kɔma, kirayɛ ya ale Mansa Yɛrabowamila den Abaya bira.

1 Mansɛnu 14:10

Ka a tɛgɛ Mansa Yɛrabowami sɔn kɛ ma, Mari ko a si gbalo lana anubɛ a kegeya keimɛ damasi kuma. Hali ala bonna-wɔli-kɛlɛnu, a si wonu fanan tɔrɔ. A ko a si anu tɔrɔndɔ iko tɛ si ninki-nyɛ-gbalɛ mintan nya min.

1 Mansɛnu 14:11

Mari ko Mansa Yɛrabowami na-kelen-nyɔgɛ minnu bi fagala soe tɛma, wulinu denu bi wonu furinu dɔnna. Minnu bi fagala binyɛ rɔ, konanu denu bi wonu furinu dɔnna. Ale Mari le ya kɛ fɔ.”

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 14:7

Ta a fɔ ila kei ye ko Isirɛlata Mari Alla ko ale le ya a yabɔ Isirɛla mɔgɛnu tɛma ka a ma mansɛ la Isirɛla mɔgɛnu kun na.

1 Mansɛnu 15:25

Esala mansayɛ san fila nyɔgɛ Yuda nyamanɛ rɔ, Mansa Yɛrabowamila den Nedabu mara mansɛ la Isirɛla nyamanɛ rɔ. San fila kɔrɔ, Nedabu ye mansayɛ la Isirɛla nyamanɛ kun na.

1 Mansɛnu 15:26

A ya hakɛ kɛ Mari la iko a fa ya a ma nya min, ado a ya a ma fanan Isirɛla mɔgɛnu ya hakɛ kɛ.

1 Mansɛnu 21:22

Mari ko wobɛ ila denbayɛnu si ma iko Nebatila den Mansa Yɛrabowami mara nya min. A ko wobɛ ila denbayɛnu si ma fanan iko Mansa Ahayala den Mansa Beyasa mara nya min. Mari ko a si wo ma bawo i wara a fonde labɔ ka Isirɛla mɔgɛnu nadon hakɛ rɔ.

2 Mansɛnu 10:29

Kɔnɔ hali wo, Mansa Yehu ya a sanka Mansa Yɛrabowami ma bawo Mansa Yɛrabowami ya ninki-danla muninyɛ ladan min kɛ Bɛtɛli soe burɔ anubɛ Dan soe burɔ, ale Mansa Yehu ma wonu tinya, ado a ya anu kɔ. Min kolo wo ko, Mansa Yɛrabowami ya a ma, Isirɛla mɔgɛnu donta wonu kɔɛ rɔ.

2 Mansɛnu 10:31

Kɔnɔ Mansa Yehu ma Isirɛlata Mari Allata kumɛ bira a yisi bɛɛ la fɔ ka Mansa Yɛrabowamita kɛ-nyanu bi min ya Isirɛla mɔgɛnu nadon hakɛ rɔ.

2 Mansɛnu 17:21

Fɔlɔ nun, nyamani kelen de Isirɛla nyamanɛ anubɛ Yuda nyamanɛ la. Mari ya Yuda nyamanɛ anubɛ Isirɛla nyamanɛ fara tumɛ min, Isirɛla mɔgɛnu ya Nebatila den Yɛrabowami ma anuna mansɛ la. Mansa Yɛrabowami wo ya a ma, Isirɛla mɔgɛnu ya anu bɔ Marita kilɛ fɛ. A ya a ma, Isirɛla mɔgɛnu donta ko-yogomɛ kɛnu tɔ.

Hɛnkilimaya-Kumɛnu 13:6

Ko-telenni-kɛ si mɔgɔ-latelennɛ kandan kɔnɔ karagbɛlɛyɛ si hakɛ-tigi labui fugbu!

Yɛrɛmaya 28:16

Woletɔ Mari ko a ti mɛ tun, a si i firan duninya ma. A ko bawo i wara a ma, mɔgɛnu bara anu kan-kɔ sɔ Mari la min kɛ, i si faga nyina san kɛ la.”

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”