1 Mansɛnu 13:3 - ALLALA KUMƐ

³ Wo kɔma, Allata mɔgɛ wo ya a fɔ ko, “Alla si mantili yira wo la. Saraka mintan tinɛ kɛ ra si fara. Saraka-gbangban wo la ni dɛn dugi ma. Wo wa ma tumɛ min, wo si a lɔn worɔ ko Mari nyɛrɛ-nyɛrɛ ya kɛ fɔ n ye.”

1 Mansɛnu 13:3 ပူးပေါင်းရင်းမြစ်များ

1 Mansɛnu 13:4

Mansa Yɛrabowami ya wo lamɔɛn min kɛ, a ya a bole sɔ Allata mɔgɛ wo la. A ko, “Wo ni a bira.” Mansɛ ya a bole min sɔ a la wo la, wo sɔngbɔnnɛ tora. A ma ke a bole wo radula tun.

2 Mansɛnu 20:8

Mansa Hɛsakaya ya Nɛbi Aiseya manyinika ko, “Ka a fɔ ko Mari si n nakɛndɛya, ado tele fila a sawa nyɔgɛ, n si ke tala Mari Bato-Bɔn la, nfen si ma wo tamasere la?”

Bɔ-Koe-Iyipiti 4:1

Musa ya a fɔ Mari ye ko, “Anu ti la n na de! Anu ti n kuman-kan bira. Anu si a fɔ ko ile ma kuma n ye ta-mɛlan rɔ hali ka i nyɛrɛ yira n na.”

Bɔ-Koe-Iyipiti 7:10

Musa anubɛ Aruna sɔra Mansɛ yakɔrɔ ka wo ma iko Mari ya anu sɔ nya min. Aruna ya ala sewuri wo bi ka a lakɛ dugi ma mansɛ anubɛ ala mɔgɔ-banu yakɔrɔ. Sewuri wo mara duguma-fan la anu yala.

Aiseya 38:22

Mansa Hɛsakaya ya nde, Aiseya manyinika ko, “Ka a fɔ ko n si ta Mari Bato-Bɔn la tun, nfen si ma wo tamasere la?”

Yɛrɛmaya 44:29

Mari ko a ye nala wo kasarala nya min, a si wo tamasere yira wo la, a ko fɔ a wa wo tɔrɔ yan serr!

Yɔni 2:18

Yahudiya mɔgɔ-banu ya a manyinika ko, “I si kabana-ko-tamasere nyuman yira ma la ko yoe ye i bolo kɛ ma tinɛ?”

1 Kɔrɛnti 1:22

Yahudiyanu bi kabana-ko-wɔlɛnu yen tinɛ. Yahudiya ma minnu na, wonu bi mɔgɔya-hɛnkili nyini tinɛ.

Kɛlɛ-Kurugbɛnu 6:17

Kidiyɔn ya a fɔ a ye ko, “Ni n bara-koe ara i hɛnɛ, i ni tamasere do yira n na ko Mari le ile la.

1 Samuwɛli 2:34

Nɛbi ya a fɔ Ilayi ye tun ko, “Mari ko ila den filɛ Hɔfini anubɛ Finihasi wa faga tele kelen kɔrɔ tumɛ min, wo si ma i ye tamasere la ko a ya min bɛɛ fɔ i ye, tonyɛ le wonu na.