1 Mansɛnu 13:21 - ALLALA KUMƐ

²¹ Nɛbi-kɔrɛ wo ya a fɔ Allata mɔgɛ wo ye ko, “Mari ko i wara ata kumɛ tinya. A ya a fɔ i ye nya min, i ma a ma wo nya.

1 Mansɛnu 13:21 ပူးပေါင်းရင်းမြစ်များ

Ko-Dabirɛnu 3:7

Anu banta a dɔnna nya min wo, anu ya hɛnkili sɔrɔn anu nyɛrɛ wara-koe ma. Anu nara to a lɔnna ko anu nakolɔn le. Anu ya toro-yanbɛ do keri ka wonu tugun anu nyɔgɔn na. Wo kɔma, anu ya wonu kiri anu na.

2 Samuwɛli 24:13

Nɛbi Kadi tara a taran. A ya Mari kuman-kan wo latenbi a ma, a ko, “I ni ita bi kɛ sawɛ rɔ, san sawa, kɔnkɔ-fitinɛ ye ila nyamanɛ rɔ wo, karɛ sawa, wo ye wo burila wo yogenu kɔrɔ wo, tele sawa, kiraya-fitinɛ yɛ ila nyamanɛ rɔ wo. I miri a kilɛ fɛ. I ni ita bi. N ni ta wo fɔ Mari ye.”

2 Samuwɛli 6:7

Mari fonde bɔra Yusa ma. A ya a faga a gbɛ rɔ nyɔ bawo a ara a bole tugu tɔn-kenkirɛ wo la ka a lafɛya.

1 Mansɛnu 13:17

Mari ara a fɔ n ye ko n kana fen dɔn hali ka n min nyɔ. A ko n bɔra kilɛ min fɛ, n kana sɛgi wo le gbuyɛ fɛ.”

1 Mansɛnu 13:20

Anu bi fen dɔn la tumɛ min, Marita kumɛ bɔra gbɛ rɔ nɛbi-kɔrɛ wo ye.

1 Mansɛnu 13:22

A ko i ma sɔn ata kumɛ birala bawo a ya a fɔ i ma kan min ko i kana fen dɔn nyɔ ka i min, i wara na fen-dɔn-kɛ nyɔ rɔ ka i min. Ka a tɛgɛ i sɔn wo ma, Mari ko i si faga. Anu ti i furi togon wola kebila-dugi rɔ.”

1 Mansɛnu 20:36

Ale nɛbi ya a fɔ a ta-nyɔgɛ wo ye ko, “Bawo i wara i ban n tɔntɔn-koe ma ka Marita kumɛ tinya, i tenbi i kian bɔla yan kawo, yarɛ ye i birala.” Wo bɔɛ nyɔ kawo, yarɛ ya a bira ka a faga.

Ɛsita 6:13

A tara a dantɛgɛ ala musi anubɛ a diyana-mɔgɛnu ye. Ala musi anubɛ a diyana-mɔgɛnu ya a fɔ a ye ko, “I wara fɔlɔla foola Mɔdekɛyai kɛ la le kɛ la, ado Yahudiya le ale la. I don ti a nɔ mumɛ!”

Yɛrɛmaya 2:19

A ko wola karagbɛlɛyɛ si tɔrɔyɛ lana wo ma. Wola ko-yogomɛnu si wo don nyagbɛ rɔ. Wo ni wo miri a ma a kilɛ fɛ alako wo ni ko nya-yen. Ka wo kan-kɔ sɔ wota Mari Alla la, wo yogo dɔgɔma-ma-de! A ko ka a fɔ wo ti kilan a la, wo ma telen. Wo Tigi Mari Sɛnbɛ-Bɛɛ-Tigi kan le kɛ la.

Saraka-Masɔlɛnuta Tɔnnu 10:3

Wo kɔma, Mari ya min fɔ nun, Musa fanan ya Aruna hɛnkili labila wo la ko, “Ni mɔgɔ-wo-mɔgɔ ye wɔlila Alla ye, fɔ wo tigi ni Marita sɛninya-koe mara bawo Mari ya a fɔ ko a si ata fanka yira ata mɔgɛnu na.” Kɔnɔ Aruna ma fenfen fɔ.

Yilan-Yilan Koe 20:12

Kɔnɔ Mari kumara Musa anubɛ Aruna ma. A ya a fɔ anu ye ko, “Bawo wo ma la n na ka nta kumɛ bira ka nta gbiliyɛ anubɛ nta fanka yira mɔgɛnu na min kɛ, woletɔ wo ti sɔ mɔgɛ kɛnu yarɔ ka ta anu na lanyiri-nyamanɛ rɔ n bara min di wo ma.”

Yilan-Yilan Koe 20:24

“Aruna ti don lanyiri-nyamanɛ wo rɔ. A ye so-sɛgi-kɛla yan de bawo wo murutiyara n ma Sɔnkɔ-Sɔnkɔ Tenke dafɛ.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

1 Samuwɛli 15:19

Nfenna i ma Marita kumɛ wo bira? Nfenna wo ya wo buri tala fen-kolomɛ wonu birala ka Mari fonde magboya?”

1 Samuwɛli 4:18

Tɔn-kenkirɛ bi-koe fɔra a ye nkɛkuna, Ilayi sɛgira a kɔma kilɛ la ka bɔ ala sigi-fan rɔ ka bui tarɛ-don-dɛ kɔrɔ. A kan kerita. A fagara bawo a ara kɔrɔya, ado a kunba. San bi-nani kɔrɔ, a ye kun-tigiyɛ la Isirɛla mɔgɛnu kun na nun.