1 Mansɛnu 13:2 - ALLALA KUMƐ

² Allata mɔgɛ wo kumara saraka-mintan-tinɛ ma iko Mari ya a fɔ a ye nya min. A ya a fɔ saraka-mintan-tinɛ wo ma ko, “E, saraka-mintan-tinɛ, Mari ara kɛ le fɔ ila ko rɔ, a ko, dan do si na sɔrɔn Dawuda bɔnsɔn rɔ. Anu si wo kele ko Yosaya. Saraka-masɔlɛ minnu bi sarakɛ mintanna ile saraka-mintan-tinɛ kɛ kuma, Mari ko dan wo le ye saraka-masɔlɛ wonu fagala ka anu kolenu mintan ile kuma.”

1 Mansɛnu 13:2 ပူးပေါင်းရင်းမြစ်များ

1 Mansɛnu 13:32

Allata mɔgɛ kɛ ya kumɛ minnu fɔ saraka-mintan-tinɛ kɛla ko la min bi Bɛtɛli soe burɔ anubɛ Samariya soenuna kɔ tinɛnuna ko la, wo dama si ma tonyɛ la, yɔ!”

2 Ko-Kɔrɔta-Karan 34:1

Yosaya ya mansayɛ sɔrɔn Yuda nyamanɛ rɔ a sɔrɔn-san segin nyɔgɛ le ma. San bi-sawa ani san kelen, a ye mansayɛ la ka bɔ Yerusalɛm soe burɔ.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

Aiseya 1:2

Dugu-kole anubɛ san-kolo-Mari ye nala min fɔla wo ye, a ko wo ni wo tole masɔ wo la. A ko a ara ala dan minnu nabɔ a rɔ, wonu bara murutiya a ma.

Aiseya 42:9

A ko a ya koe minnu fɔ wati-tenbinɛ, wonu bara bɔ-a-la, ado a ko ale le si ko-kurɛnu fɔ wo ye yanni anu ni bɔ a la.

Aiseya 46:10

A ko kebi duninya dabirɛ, a ya ko-laban-watinu fɔ. Koe min bi nala mala yarɔ, a ya wonu fɔ wo ye, bi ko ma wo la. A ya a fɔ ko ala ko-latɛgɛnɛnu ti tinya. A ko a ara ban koe minnu miriyala, fɔ a wa wonu ma le!

Aiseya 58:1

Mari ko wo ni a mayon wo kulu-mayɛlɛnɛ la iko buru-fɛlɛ si buri fɛ nya min. Mɔgɛnu bi min sigila ale Mari ma, a ko n ni wo pose tii anu ye. N ni Yakoba bɔnsɔnnu hakɛ yira anu na.

Yɛrɛmaya 22:29

E, wole Yuda nyamanita-mɔgɛnu! Wo ni wo tole masɔ Mari kan la.

Isikiyɛli 36:1

Mari ko, “Ile hadama-dan, kuma Isirɛla kɔnkɛnu ye. A fɔ anu ye ko anu ni anu tole masɔ nde,

Isikiyɛli 36:4

Kɔnkɛnu anubɛ gburukulinu wo, folenu anubɛ lɛɛnu wo, kan-tina-tinyanɛnu wo, tonbɔn minnu nafɛyanɛ sibolo-gbɛrɛnu bolo wo, anu ni anu tole masɔ nde, anu Tigi Mari ye nala min fɔla anu ye.

Isikiyɛli 38:4

Mansɛ wola so-laburilɛ minnu makirinɛ wo, ala soeenu wo, wonu siya duk! Nɛgɛ-walan anubɛ faan ye ala kɛlɛ-dan wo bɛɛ bolo tɔ. N si ale mansɛ anubɛ ala kɛlɛ-dannu nabɔ anuna nyamanɛ rɔ. N si a kunyɛ bɔ a wara la ka lunyɛ bila a gbagasa-kole rɔ.

Luka 19:40

Yisa ya anu yabi ko, “N bi a fɔla wo ye, ni anu ya anu made, kuri kɛnu bɛrɛn si gbele-gbelen.”

Tɔn-Fɔɛ-Fila-Nyɔgɛ 32:1

“San-kole anubɛ dugu-kole, nde, Musa ye nala min fɔla, wo ni wo tole masɔ nta kumɛ wo la. Wo ni wo tole masɔ bɛrɛkɛ!