1 Mansɛnu 12:8 - ALLALA KUMƐ

⁸ Kɔnɔ a ma sɔn mɔgɔ-ba wonuna kawandili-kan wonu birala. Fɔ a tara a kemini-mɛsɛ-nyɔgɛnu denu bara ka wonu manyinika, ado wonu duruta a makawandila wo wati rɔ.

1 Mansɛnu 12:8 ပူးပေါင်းရင်းမြစ်များ

1 Mansɛnu 12:7

Mɔgɔ-ba wonu ya a fɔ Mansa Rihobowami ye ko, “Ni a sɔgɛ ye i la, wobɛ mɔgɛ kɛnu ni wɔli wo nyɔgɔn fɛ, fɔ i wa anu sako kɛ. Ni i ya wo ma, anu si ma ila wɔli-kɛlɛnu na fasai!”

1 Mansɛnu 12:9

A ya wonu manyinika kantɔ-warala-mɔgɛ wonuna ko ma, a ko, “Mɔgɛ minnu bara na n bara kɛ la, anu ko n ni do bɔ anuna dunɛ la. Nde si nfen ma wonuna ko rɔ?”

2 Ko-Kɔrɔta-Karan 10:8

Kɔnɔ a ma sɔn mɔgɔ-ba wonuna kawandili-kan wonu birala. Fɔ a tara a kemini-mɛsɛ-nyɔgɛnu denu bara ka wonu manyinika. Wonu denu mara a makawandilɛnu na wo wati rɔ.

Hɛnkilimaya-Kumɛnu 1:25

Wo ara wo ban nna makawandili-nyimɛ kɛnu na. A ma di wo ye, n ni wo latelen mumɛ!

Hɛnkilimaya-Kumɛnu 1:30

Tele-kelen-bɛrɛni, wo ma nna makawandili-nyimɛ manyinika. N ba wo latelen wati min, wo ti wo tole masɔ n na muk!

Hɛnkilimaya-Kumɛnu 19:20

Ni i tara i tole masɔ kawandili-kan la ka a bira, lunyɛ do, fɔ i wa ma hɛnkilimɛ la.

Hɛnkilimaya-Kumɛnu 25:12

Mɔgɛ min si sɔn a tole masɔla labila-kumɛ la hɛnkilimɛ bolo, kumɛ wo si kinya a ye iko sɛnɛ-foro-hakikɛ min bo sa a yala.