1 Mansɛnu 12:29 - ALLALA KUMƐ

²⁹ A ya ninki-dan wo kelen to Bɛtɛli soe burɔ. A tara doi to Dan soe burɔ.

1 Mansɛnu 12:29 ပူးပေါင်းရင်းမြစ်များ

Ko-Dabirɛnu 12:8

Wo kɔma, a bɔra nyɔ ka ta Bɛtɛli soe tele-bɔɛ wara la kɔnkɛnu siya kan min. Anu ya anu daga makɛ Bɛtɛli soe anubɛ Eyai soe tɛma. A ya saraka-mintan-tinɛ do fanan sɔ Mari ye nyɔ. A ya baraka bira a ye ka a bato.

Ko-Dabirɛnu 14:14

Burama ya a lamɔɛn tumɛ min ko anu bara a kɔrɔla den-kei Lɔti bira, ala bonna-mɔgɔ kɛmɛ sawa, mɔgɔ tan-ni-segin (318) minnu kusan kɛlɛ kɛla, a ya kɛlɛ-kɛ-fannu don wonu bolo. Wonu tara mansɛ wonu sagaranna ha ka ke Dan soe burɔ.

Ko-Dabirɛnu 28:19

A ya kan tinɛ wo tɔgɔ sa Bɛtɛli. Soe wo tɔgɔ-kɔrɛ le nun Lusi.

Ko-Dabirɛnu 35:1

Alla ya a fɔ Yakoba ye ko, “I lasɔ. I ni ta Bɛtɛli tun, n bɔra i ye gbɛ rɔ kan min wo tumɛ i ye i burila i kɔrɔ-kei Isɔ kɔrɔ. I ni saraka-mintan-tinɛ sɔ nde, Alla ye ka i sigi nyɔ.”

1 Mansɛnu 13:4

Mansa Yɛrabowami ya wo lamɔɛn min kɛ, a ya a bole sɔ Allata mɔgɛ wo la. A ko, “Wo ni a bira.” Mansɛ ya a bole min sɔ a la wo la, wo sɔngbɔnnɛ tora. A ma ke a bole wo radula tun.

1 Mansɛnu 15:20

Kilayɛ wonu kenɛ Siriya mansɛ wo ma, anu ya anu dantɛgɛ a ye. Mansa Esa ya mɔgɔ-ba wonu sɔ min na, ale fanan sɔnta wo ma. Wo le ya a ma, ale fanan ya ala kɛlɛ-den-kunyɛnu anubɛ ala kɛlɛ-dannu nata ka ta bui Isirɛla mɔgɛnuna so-kunbɛnu ma. Anu ya soe minnu bi Isirɛla nyamanɛ rɔ, wonu tɔgɛ le kɛnu na, Iyɔn wo, Dan wo, Ebɛli-Bɛti-Meyaka wo, anubɛ Kalili dalɛla foolɛ bɛɛ. Wo kɔma, anu tara Nafatali bɔnsɔn-mɔgɛnuna dugi bɛɛ bi anu bolo.

2 Mansɛnu 10:29

Kɔnɔ hali wo, Mansa Yehu ya a sanka Mansa Yɛrabowami ma bawo Mansa Yɛrabowami ya ninki-danla muninyɛ ladan min kɛ Bɛtɛli soe burɔ anubɛ Dan soe burɔ, ale Mansa Yehu ma wonu tinya, ado a ya anu kɔ. Min kolo wo ko, Mansa Yɛrabowami ya a ma, Isirɛla mɔgɛnu donta wonu kɔɛ rɔ.

2 Mansɛnu 2:2

Anu tamatoe, Nɛbi Ilaya ya a fɔ Nɛbi Ilaisa ye ko, “To yan. Mari wara n nata Bɛtɛli soe burɔ.” Kɔnɔ Nɛbi Ilaisa ko, “N bara n keli wobɛ Mari-nimɛ ye, n ti to yan!” Wo le mara anu natɛ la Bɛtɛli.

2 Ko-Kɔrɔta-Karan 13:8

Nba, wo ye Mari le kɛlɛ tinɛ kaka gbɛ bawo wo ye Mansa Dawuda bɔnsɔnnu kɛlɛla. Ila kɛlɛ-dannu siya, ado wo nara bɛsɛ minnu na, wonu nadanta sɛnɛ dɔrɔn na, Mansa Yɛrabowami ya minnu nadan tura-danla muninyɛ la, kɔni.

Yɛrɛmaya 48:13

Iko Isirɛla mɔgɛnuna bɛsi ya anu baya nya min Bɛtɛli soe burɔ, Mohabu kɛnuna bɛsi Kimasi ye anu bayala wo nya na le, ado anu lanɛ wo la kati!

Yɛrɛmaya 8:16

Ma yogenu bara ke Dan soe ma kantɔ pan! Ma ye ma yogenuna kɛlɛ-kɛ-soeenu sun-tafɛ-kan lamɔɛnna. Dugi ye yɛrɛyɛrɛnna soeenu na-kan bolo. Ma yogenu bi dugi kɛ anubɛ a fan bɛɛ tinya-tinɛ le kɛ la. Anu bi Yerusalɛm soe anubɛ a mɔgɛnu halaki-tinɛ le.”

Hoseya 10:5

Sɛnɛ min nadannɛ ninki-danla muninyɛ la Bɛti-Efɛn soe burɔ, wole Samariya kɛnu bi kilanna ko anu kana na foo wo la. Wo yogenu ba sɛnɛ wo bɛɛ ka kɔlɔma-lɛsɛnɛ wo ma, bɛsɛ wo kɔlɛnu anubɛ a saraka-masɔlɛnu si na di bɛsɛ wola ko la bawo anu bara foo a la.

Hoseya 4:15

“Hali wole, Isirɛla mɔgɛnu ma telen n ye kɔnɔ Yuda mɔgɛnu kana anuta kɛ-nyanu bi. Wo kana batoli-kɛ Kiligali soe anubɛ Bɛti-Efɛn soe burɔ. Wo kana lanyiri kiri nyɔ nde, Mari-nimɛ tɔgɛ rɔ.

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Emɔsi 7:13

I kana ila wɔlɔyiya-kumɛnu fɔ male warɛ Bɛtɛli soe kɛ burɔ yan tun. Mata mansɛ warɛ le yan na, ado a si Alla bato yan de fanan.”

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

Tɔn-Fɔɛ-Fila-Nyɔgɛ 34:1

Musa bɔra Mohabu lɛɛ rɔ ka ta Nibɔ kɔnkɔ-yɛlɛ dabira. A tara ha Pisiga kɔnkɛ kun tɛma min bi Yɛrikɔ tele-bɔɛ wara la. Mari ya lanyiri-nyamanɛ bɛɛsi yira a la. A ya a yɛ layɛlɛ Yorodan bɛ kunyɛ wara la ka Kaliyadi nyamanɛ mafɛlɛn ha Dan soe ye kan min.

Yasowa 7:2

Yasowa ya mɔgɛ donu nata Eyai ka bɔ Yɛrikɔ. Eyai soe ye Bɛtɛli soe tele-bɔɛ wara la. A ma fɛ-yan Bɛti-Efɛn soe la. Yasowa ya a fɔ mɔgɛ wonu ye ko, “Wo ta ka Eyai mafɛlɛn.” Anu tara wati min,

Kɛlɛ-Kurugbɛnu 18:26

Dan bɔnsɔn-mɔgɛ wonu ya kilɛ bira tun. Maika ya a yen min kɛ, anu ti wonu nɔ, anu sɛgira anu kɔma bɔn la.

Kɛlɛ-Kurugbɛnu 20:1

Isirɛla bɔnsɔn tan-ni-kelan bɛɛsi ya anu kundɛn ka a dabira Dan soe ma kan tɔ, ha ka ke Biri-Siba soe ma dugu la, hali minnu bi Kaliyadi nyamanɛ rɔ tele-bɔɛ wara la. Anu damasi ya anu kundɛn Mari yakɔrɔ Misipa soe burɔ.