1 Mansɛnu 12:28 - ALLALA KUMƐ

²⁸ Ale Mansa Yɛrabowami tara a kun nayigi ala mɔgɔ-banu fɛ. A ban wo mala, a ya sɛnɛ ladan ninki-den filala muninyɛ la. A ya a fɔ ala mɔgɛnu ye ko, “Wole ara mɛ tala Mari bato tinɛ Yerusalɛm. Wole Isirɛla mɔgɛnu, wo ma wota allanu yen kɛ la minnu nara wo la ka bɔ Iyipiti nyamanɛ rɔ?”

1 Mansɛnu 12:28 ပူးပေါင်းရင်းမြစ်များ

1 Mansɛnu 14:9

Ta a fɔ a ye ko ale ara hakɛ min nyɔgɔn kɛ, hali a ya min taran a yarɔ, wonu ma wo nyɔgɔn kɛ. A fɔ a ye ko a ara a ban ale Mari la. Mari ko bawo a ara sɛnɛ lalee ka bɛsɛ donu nadan mɔgɛnu bi minnu kɔla, wo ara a ma, Mari ara diminya a ma.

1 Mansɛnu 15:26

A ya hakɛ kɛ Mari la iko a fa ya a ma nya min, ado a ya a ma fanan Isirɛla mɔgɛnu ya hakɛ kɛ.

1 Mansɛnu 16:19

Ni i ya a yen, kɛ damasi mara a la, a mara bawo ale ara hakɛ kɛ Mari la ka Isirɛla mɔgɛnu don hakɛ rɔ iko Mansa Yɛrabowami ya a ma nya min nun. Woletɔ Mari ma sewa Mansa Simiri wara-koe rɔ.

2 Mansɛnu 10:29

Kɔnɔ hali wo, Mansa Yehu ya a sanka Mansa Yɛrabowami ma bawo Mansa Yɛrabowami ya ninki-danla muninyɛ ladan min kɛ Bɛtɛli soe burɔ anubɛ Dan soe burɔ, ale Mansa Yehu ma wonu tinya, ado a ya anu kɔ. Min kolo wo ko, Mansa Yɛrabowami ya a ma, Isirɛla mɔgɛnu donta wonu kɔɛ rɔ.

2 Mansɛnu 17:16

Anu ya anuta Mari Allata tɔn bɛɛ tinya. Anu ya nɛgɛ ladan ninki-den filala muninyɛ la. Anu ya kɔlɔma lɛsɛ musila muninyɛ la ka a kele ko Asura. Anu ya lolenu bato. Anu ya anuna bɛsi Beyali kɔ.

2 Ko-Kɔrɔta-Karan 11:14

Anu ya anuna bɔnnu anubɛ anuna kolo-fen de-nyini-tinɛnu boloka ka ta Yuda nyamanɛ anubɛ Yerusalɛm soe burɔ bawo Isirɛla Mansa Yɛrabowami anubɛ ala dannu ma sɔn anu ni anuta saraka-masɔ-wɔlɛ kɛ Mari ye.

2 Ko-Kɔrɔta-Karan 11:15

Ale Mansa Yɛrabowami ya ata saraka-masɔlɛnu yabɔ a nyɛrɛ ye alako wonu ni to sarakɛnu bɔla Alla-batobɛlɛnuna kɔ tinɛnu tɔ anubɛ nyinɛnu anubɛ bɛsɛnu ye, a ya minnu nadan tura-danla muninyɛ la.

2 Ko-Kɔrɔta-Karan 13:8

Nba, wo ye Mari le kɛlɛ tinɛ kaka gbɛ bawo wo ye Mansa Dawuda bɔnsɔnnu kɛlɛla. Ila kɛlɛ-dannu siya, ado wo nara bɛsɛ minnu na, wonu nadanta sɛnɛ dɔrɔn na, Mansa Yɛrabowami ya minnu nadan tura-danla muninyɛ la, kɔni.

2 Ko-Kɔrɔta-Karan 15:3

Wati donu bara tenbi, wole Isirɛla mɔgɛnu sa Allatayɛ la nun, ado saraka-masɔla sa wo bolo nun minnu si wo labila Alla wara-koe la. Wo sa tɔn kɔrɔ wo wati rɔ.

2 Ko-Kɔrɔta-Karan 17:4

A ya a fata Alla bato ka ata tɔnnu bira. A ma Isirɛla mansɛnu sɔnnu bi.

2 Ko-Kɔrɔta-Karan 21:6

Isirɛla Mansa Ehabu min lakirayara, wola dunmusi le tora Mansa Yɛhoram ye Yuda nyamanɛ rɔ. Ale mansɛ kɛ ya a biran-kei sɔn-yogomɛ bi iko Isirɛla mansɛnu fanan bi nya min. A ya hakɛ kɛ Mari la

2 Ko-Kɔrɔta-Karan 33:7

A ya bɛsɛ do sigi Mari Bato-Bɔn la, ado Mari ara a fɔ Mansa Dawuda anubɛ ala den Mansa Silamɛni ye nun ko, “N bara Yerusalɛm soe kan-tina-kelan kɛ le yabɔ Isirɛla bɔnsɔn tan-ni-filɛ tɛma anu si to n batola kan min.

Bɔ-Koe-Iyipiti 1:10

Ma ni hɛnkili nyini mɔgɛ kɛnu bara-koe ma alako yarɔ, anu kana siyaya ka fanka sɔrɔn ma kuma ka sa ma yogenu kuma ma kɛlɛ tinɛ.”

Bɔ-Koe-Iyipiti 20:4

“Fan minnu bi san-kole rɔ wo, fan minnu bi dugu-kole kuma wo, fan minnu bi yi kɔrɔ wo, wo kana wonuna muninya fenfen ladan

Bɔ-Koe-Iyipiti 32:25

Musa ya a yen Aruna ma ala kun-tigiyɛ lawɔli a kin na, woletɔ Isirɛla mɔgɛnu bara murutiya ha anu bara ma yɛlɛnma-fan la anu yogenu yala.

Bɔ-Koe-Iyipiti 32:4

A ya wonu bira anu bolo ka anu lee ka a ma ninki-danla muninyɛ la. Isirɛla mɔgɛnu ya a fɔ ko, “E, mata bɛsɛ le kɛ la min nara ma la ka bɔ Iyipiti nyamanɛ rɔ.”

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Hɛnkilimaya-Kumɛnu 14:12

Tumado, mɔgɛ donu si a lɔn ko anu bi kila-nyimɛ le fɛ kɔnɔ yaga, kanbarɔ-ta-kilɛ le wo la.

Aiseya 30:1

Mari ara a fɔ ko Yuda kun-tiginu si halaki bawo anu bara murutiya a ma. A ko anu bi koenu natɛgɛla anu nyɛrɛ ma, hali ale Mari ma sɔn minnu ma. Anu bi yisi-kima-kɛdi sɛbɛla anubɛ nyamani-gbɛrɛkɛnu tɛma, hali Mari ma sɔn minnu ma. Anu bi hakɛ sala anu nyɔgɔn kuma tala.

Aiseya 30:10

Anu bi a fɔla nɛbinu ma ko, “Wo ni sigi-a-la don!” Anu bi a fɔla fanan ko, “Ma tole diyana-koenu denu fɔ ma ye. Ma sa nyinina ko-telenni ma fɔ ko-nyima-rayirɛ dɔrɔn.

Isikiyɛli 16:26

I dan-masa-nyɔgɔn-yɛlannu, Iyipiti kɛnu, kɔni, wonu fanan ya anu sa i fɛ. I ya ila yɛlɛnyɛ wo ma n nadiminya-fan la.

Isikiyɛli 23:8

Kebi a ya yɛlɛnyɛ dabira Iyipiti wo tumɛ a dennɛ, a ma bɔ wo da kun tɔ. Kebi a denni pɔipɔi, a ya kei-koe dabira. Keinu tolonta a kinyɛ la ka anu sa a fɛ.

Daniyɛli 3:1

Lunyɛ do, Mansa Nɛbukanasa ya sɛnɛ do ladan ka wo ma ata bɛsɛ la. Ala yanyɛ, nunkan-nya bi-wɔrɔ. A kɔnɛ, nunkan-nya wɔrɔ. Lɛɛ min tɔgɛ Dura, Babilɔn nyamanɛ rɔ, a tara bɛsɛ wo sigi nyɔ.

Hoseya 10:10

N si na wole hakɛ-tiginu kan ma ka wo tɔrɔ. Sibolo-gbɛrɛ-siyaman si anu kundɛn wo kan ma ka wo tɔrɔ.

Hoseya 10:8

Wola bɛsi-kɔ-tinɛ minnu bi kɔnkɛ kuma Bɛti-Efɛn soe dafɛ, wo si hakɛ kɛ kan min, wonu si kasara pɔ! Nyɔnu si ma wɔnɔ-firɛ anubɛ binyɛ la. Wo ye nala a fɔla kɔnkɛnu ma ko, “Wo ni wo keri ma kuma alako ma wara-koe ni ka-a-la.”

Emɔsi 5:5

Mari ko wo kana ta Kiligali a bato tinɛ tun iko wo duruta a mala nya min nun fɔlɔfɔlɔ bawo nyɔ si ma don-dɛ la wo ye ka don yɔɔnyɛ rɔ. Wo kana ta Bɛtɛli soe fanan tɔ min tɔgɔ-kɔrɛ le ‘Marita Bɔn’ bawo nyɔ si ma nyinɛnuna bɔn la. Hali wo ma ta Biri-Siba ka Mari bato wula-yan la.

Emɔsi 8:14

Wo ye tola tala Samariya bɛsɛnu bara wo dɛnbɛn-koe rɔ. Wo ye belenna wo gborola Dan kegeyɛnuta bɛsɛ rɔ. Wo ye tagamana min kɛ ka ta Biri-Siba, wo ara wo yigi sa wo kuma. Kɔnɔ fufafu le wo la. Mari ko a si wo labui. Wo ti ke wo lasɔla tun.

2 Pita 2:19

Anu bi lanyiri kirila wonu ye hɔrɔyɛla ko la kɔnɔ anu nyɛrɛ ye yɔɔnyɛ rɔ halakiyi bolo, ado fenfen si mɔgɔ nɔ, wola yɔɔn le ile la.

1 Samuwɛli 27:1

Dawuda ya a fɔ a nyɛrɛ ma ko, “Tele-dande kɛ kɔrɔ, fɔ Mansa Sɔli kɛ wa n faga serr! Min fisa, n ni n buri tala Filisitinu bara la. Wo si a ma, Mansa Sɔli ni a bɔ n fɛ Isirɛla nyamanɛ kɛ rɔ, ado n si kanan worɔ.”