1 Mansɛnu 12:26 - ALLALA KUMƐ

^26-27 Mansa Yɛrabowami ya a miri a nyɛrɛ ma ko, “Ni ndela mɔgɛ donu wulita ka ta sarakɛ bɔ Mari bato tinɛ Yerusalɛm, tumado anu si anu bɔ nde fɛ ka sɔ Yuda Mansa Rihobowami fɛ, ado anu si n faga.”

1 Mansɛnu 12:26 ပူးပေါင်းရင်းမြစ်များ

1 Mansɛnu 11:38

A ko ni ile ya ata kumɛnu bira a kilɛ fɛ ka ala sereyanu mabalan, a ko a si to i fɛ burubukai! I wara-koe ni diya Mari ye alako a ye min fɔla i ye, i ye wo mala iko Mansa Dawuda ye a mala nya min nun. A ko a si i ma Isirɛla mɔgɛnuna mansɛ la. A ko a ara ban a latɛgɛla ko a si ila mansaya-bɔn sɔ iko a ya a ma Mansa Dawuda ye nya min.

1 Mansɛnu 12:25

Mansa Yɛrabowami min bi Isirɛla mɔgɛnu kun na, wo ya Sɛkɛm soe mabɛn ka soe wo latanka tinɛnu nadan. Sɛkɛm wo ye Ifɛrɛm kɔnkɔ-nyamanɛ le tɔ. Ale Mansa Yɛrabowami sigira nyɔ rɔ wati-kundu-ni kɔrɔ. Wo kɔma, a bɔra nyɔ rɔ ka ta Pɛnuwɛli soe fanan latanka tinɛnu nadan.

1 Mansɛnu 15:17

Isirɛla Mansa Beyasa tara Yuda mɔgɛnu kan ma. A ya Rema soe bira. A ya wo ma so-latankanɛ la alako a si kilɛ tɛgɛ Yuda mɔgɛnu ma ka a lagbɛlɛya anu kuma. Mɔgɔ ti don, mɔgɔ ti bɔ Yuda nyamanɛ rɔ.

2 Mansɛnu 13:2

Kɔnɔ hali wo, Mansa Yɛhowahasi benba Mansa Yɛrabowami ya hakɛ minnu nadan, ale mansɛ ma fara wonu na, ado a benba wo taranta Isirɛla nyamanita-mɔgɛnu nabilala wo le la. A ma sɔn ka a sɔn-yogomɛnu boloka.

2 Ko-Kɔrɔta-Karan 20:20

Wo banda kɛ subaga, mɔgɛ bɛɛ ya a lawuli ka ta wula-da-rakolɔn wo ma min bi Tekoya soe wara la. Yanni anu ni wuli, Mansa Yɛhosafati ya a fɔ anu ye ko, “Wole Yuda nyamanita-mɔgɛnu anubɛ Yerusalɛm so-burɔ-mɔgɛnu, wo bɛɛsi ni lanayɛ sa wota Mari Alla rɔ. Wo wa ke, wo ni wo sɔ gben! Wo ni la Marita kumɛ la ala nɛbinu ya min fɔ wo ye. Wo si a ma, wo ni nɔlɛ sɔrɔn anu kuma.”

Yaburi 14:1

Kun-takolɔn kɛnɛna a fɔla a nyɛrɛ ma ko, “Alla-wo-alla sa nyɔ.” Anu denu bi ko-yogomɛ-gbansan de mala. Anu bara karagbɛlɛyɛ lafafa. Hali mɔgɔ-den-kelen sa anu tɔ min si ko-nyimɛ kɛ.

Hɛnkilimaya-Kumɛnu 14:12

Tumado, mɔgɛ donu si a lɔn ko anu bi kila-nyimɛ le fɛ kɔnɔ yaga, kanbarɔ-ta-kilɛ le wo la.

Aiseya 7:9

A ko Isirɛla mɔgɛnu ta ma gbɛlɛ ka ke anuna so-karantan Samariya kɛnu tɔ. Samariya kɛnu fanan ta ma gbɛlɛ ka ke anuna Mansa Peka rɔ. Mari ko ni wo ya a kuman-kan to a gbɛ rɔ, wo si simayɛ sɔrɔn.

Luka 7:39

Ale Farisi kei min ya Yisa kele, wo ya kɛ yen tumɛ min, a miriya tara ko, “Ni nɛbi-bɛrɛ le kei kɛ la nun, musi kɛ min tugura a la, a si musi kɛ wara-koe lɔn nun. A si musi kɛ su lɔn nun bawo hakɛ-tigi le wo la!”

Yɔni 12:19

Farisinu ya a fɔ anu nyɔgɔn ye ko, “Wo ma a yen, ma sa a nɔla hali! A mafɛlɛn, duninya-mɔgɛ bɛɛ bilanɛ a fɛ!”

1 Samuwɛli 27:1

Dawuda ya a fɔ a nyɛrɛ ma ko, “Tele-dande kɛ kɔrɔ, fɔ Mansa Sɔli kɛ wa n faga serr! Min fisa, n ni n buri tala Filisitinu bara la. Wo si a ma, Mansa Sɔli ni a bɔ n fɛ Isirɛla nyamanɛ kɛ rɔ, ado n si kanan worɔ.”