1 Mansɛnu 12:25 - ALLALA KUMƐ

²⁵ Mansa Yɛrabowami min bi Isirɛla mɔgɛnu kun na, wo ya Sɛkɛm soe mabɛn ka soe wo latanka tinɛnu nadan. Sɛkɛm wo ye Ifɛrɛm kɔnkɔ-nyamanɛ le tɔ. Ale Mansa Yɛrabowami sigira nyɔ rɔ wati-kundu-ni kɔrɔ. Wo kɔma, a bɔra nyɔ rɔ ka ta Pɛnuwɛli soe fanan latanka tinɛnu nadan.

1 Mansɛnu 12:25 ပူးပေါင်းရင်းမြစ်များ

Ko-Dabirɛnu 12:6

ale Burama ya nyɔ ratagama ha ka ta ke Morela kɔlɔma-kuru-latankanɛ do kɔrɔ min bi Sɛkɛm soe dafɛ. Kenan kɛnu bi nyamanɛ wo rɔ wo wati rɔ.

Ko-Dabirɛnu 32:32

Kamasɔrɔn kei wo ya Yakoba gbesi a woro-kuri ma, woletɔ ha bi, soge min bi woro-kuri ma, Isirɛla mɔgɛnu ti sɔn wo dɔn-koe ma.

1 Mansɛnu 12:1

Rihobowami tara Sɛkɛm soe burɔ, Isirɛla kantɔ-warala-mɔgɛnu ya anu nadɛn kan min ka a ma mansɛ la.

1 Mansɛnu 12:26

Mansa Yɛrabowami ya a miri a nyɛrɛ ma ko, “Ni ndela mɔgɛ donu wulita ka ta sarakɛ bɔ Mari bato tinɛ Yerusalɛm, tumado anu si anu bɔ nde fɛ ka sɔ Yuda Mansa Rihobowami fɛ, ado anu si n faga.”

1 Mansɛnu 15:17

Isirɛla Mansa Beyasa tara Yuda mɔgɛnu kan ma. A ya Rema soe bira. A ya wo ma so-latankanɛ la alako a si kilɛ tɛgɛ Yuda mɔgɛnu ma ka a lagbɛlɛya anu kuma. Mɔgɔ ti don, mɔgɔ ti bɔ Yuda nyamanɛ rɔ.

1 Mansɛnu 16:24

Wo kɔma, a tara kɔnkɛ do san Samari ma wodi-gbɛ la minna gbiliyɛ anubɛ fui-fan bɔrɔ kelen rakɛn de! Ale Mansa Hɔmɔri ya soe datɛgɛ nyɔ rɔ ka nyɔ latanka. A ya dugu-tigi-kɔrɛ wo tɔgɛ sa soe wo kuma ko Samariya.

1 Mansɛnu 9:15

Mansa Silamɛni ya mɔgɛnu fɔrɔsɛ Mari Bato-Bɔn anubɛ a nyɛrɛta bolɔn sɔ tinɛ. Hali a ya mɔgɛnu fɔrɔsɛ ka lɛnbɛn-lɛnbɛnya-rasiginɛ rakɛ soe tele-bɔɛ wara la. Wo kɔma, a ya anu fɔrɔsɛ ka soe tarɛ sɔ. Hali tonbon sawɛ kɛ, Hesɔ wo, Magidɔ wo, anubɛ Kisari, a ya anu fɔrɔsɛ ka wonu sɔ a kurɛ la.

Yɛrɛmaya 41:5

mɔgɔ bi-segin nara ka bɔ Sɛkɛm anubɛ Sailo anubɛ Samariya soenu tɔ. Anu ya anu buyɛ masii ka anuna durukinu tafara yisi-tinya bolo ka anu nyɛrɛ matanban ka a tɛgɛ Yerusalɛm tinya-koe ma. Anu nara fui-fan anubɛ isɛnti la anu bolo Mari kɔ-tinɛ Bato-Bɔn la.

Kɛlɛ-Kurugbɛnu 8:17

Wo kɔma, a tara Pɛnuwɛli soe burɔ ka anuna san-bon-nayan-bɛ tinya ka keinu faga soe wo burɔ.

Kɛlɛ-Kurugbɛnu 8:8

Kidiyɔn anubɛ ala kɛlɛ-dannu bɔra nyɔ ka ta Pɛnuwɛli soe burɔ. Anu ya soe wo mɔgɛnu fanan tara. Sorɔ-mɔgɛ wonu fanan ya a yabi iko Sukɔti mɔgɔ-banu ya a yabi nya min.

Kɛlɛ-Kurugbɛnu 9:1

Kidiyɔnla den Abimɛlɛki tara a na warɛ Sɛkɛm soe burɔ a berennu bi kan min. A ya a fɔ a berennu ye ko,