1 Mansɛnu 12:18 - ALLALA KUMƐ

¹⁸ Minnu bi wɔli kɛla fɔrɔsɛ la, Adonaram ye wonu kun na. Mansa Rihobowami ya wo lata Isirɛla mɔgɛnu ma ka kuma anu ye. Wo ke Isirɛla mɔgɛnu ma, anu ya a mabon ha a fagara. Mansɛ ya wo lamɔɛn min kɛ, a ya a latiriya ala kirindi bila. A ya a buri anu kɔrɔ ka ta Yerusalɛm soe burɔ.

1 Mansɛnu 12:18 ပူးပေါင်းရင်းမြစ်များ

2 Samuwɛli 20:24

Adonaram, wo le ye ala yɔɔnnu kun na. Ahiludila den Yɛhosafati, Isirɛla mɔgɛnuna kuma-kɔrɔ-sɛbɛnɛnu, wo le ye wonu namarala.

1 Mansɛnu 4:6

Ahisari, wo ye mansɛla bonna-wɔli-kɛlɛnu kun na. Abidala den Adonaram, wo ye fɔrɔsɔya-wɔli-kɛlɛnu kun na.

1 Mansɛnu 5:14

Mansa Silamɛni tora anu natala waga tan-tanyɛ (10,000) ma Lɛbanan nyamanɛ rɔ ka wɔli-kɛlɛnu yɛlɛma karɛ-wo-karɛ. Wɔli-kɛla-kurɔn min ba ta wɔli-kɛ-tinɛ, wonu si karɛ kelen bɔ Lɛbanan nyamanɛ rɔ. Wo kɔma, anu si sɛgi anu barɛ karɛ fila kɔrɔ ka anu sulen. Mansɛ ya Adonaram ma wɔli-kunyɛ la.

2 Ko-Kɔrɔta-Karan 10:18

Minnu bi wɔlɛ kɛla fɔrɔsɛ la, Adonaram ye wonu kun na. Mansa Rihobowami ya wo lata Isirɛla kantɔ-warala-mɔgɛnu makawandi tinɛ a ye. Wo ke Isirɛla mɔgɛnu ma, anu ya a mabon ha a fagara. Ale mansɛ ya wo lamɔɛn min kɛ, a ya a latiriya ala kirindi bila. A ya a buri anu kɔrɔ ka ta Yerusalɛm soe burɔ.

2 Ko-Kɔrɔta-Karan 24:21

Woletɔ mansɛ anubɛ ala mɔgɔ-banu ya yanfɛ don ale Sakaraya ma. Mɔgɛnu ya Sakaraya mabon Bato-Bon-kata burɔ iko Mansa Yohasi ya a fɔ anu ye nya min.

Bɔ-Koe-Iyipiti 17:4

Musa ya a kan nabɔ Mari ma ko, “N si nfen ma ita mɔgɛ kɛnu ye? A ara to doni, anu ni n mabon kuri la.”

Emɔsi 2:16

Wo tɔrɔ-wati wa ke tumɛ min, hali kɛlɛ-kurugbɛ minnu kerinte wo tɛma, wonu si anuna kɛlɛ-kɛ-fannu boloka ka anu buri. Mari nyɛrɛ-nyɛrɛ ya kɛ le fɔ.”

Yilan-Yilan Koe 14:10

Isirɛla mɔgɛnu ya Kelabu anubɛ Yasowa makilan ko anu bi anu mabonna kuri la ha anu ni faga. Anu bi kumɛ wo kun na gbɛ, mɔgɔ damasi ya ta-waan yen Marita Fani-Bɔn kuma.

Kɛwɔlɛnu 5:26

Woletɔ anuna kun-tigi anubɛ a kandanna-nyɔgɛnu tara kilayɛ wonu bi tinɛ. Kɔnɔ anu ma wo kɛ fɔrɔsɛ la de bawo anu dama kilannɛ nun ko mɔgɛnu kana anu denu mabon kuri la.