1 Mansɛnu 12:16 - ALLALA KUMƐ

¹⁶ Mɔgɛ wonu ya a yen min kɛ ko Mansa Rihobowami sa a wɔlɔ matɔlɔla anu na, anu ya sɔnkɛ tɛgɛ, anu ko, “Ma sa nyinina Dawuda anubɛ a kebilɛ ma tun! Anu bara nfen ma ma ye? Ni Isirɛla mɔgɛ le yɛ, bɛɛ ni sɛgi a warɛ! Fɔ ni ile Rihobowami tora mansayɛ la i fa Dawudala denbayɛnu kun ma.” Anu ban wo fɔla, Isirɛla mɔgɛ bɛɛsi sɛgira a warɛ.

1 Mansɛnu 12:16 ပူးပေါင်းရင်းမြစ်များ

2 Samuwɛli 15:13

Mɔgɛ do tara a fɔ Mansa Dawuda ye ko, “Isirɛla mɔgɛnu bara sɔ ila den Abasalɔm fɛ kɔɔ!”

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

1 Mansɛnu 11:11

Mari ya a fɔ a ye ko, “Bawo i ma nta kumɛnu to a gbɛ rɔ, ma sarata nna sereya minnu ma, i wara wonu tinya, fɔ n ba nyamanɛ kɛ bɔ i bolo ka a di ila wɔli-kɛlɛ do ma.

1 Mansɛnu 11:13

Ka a tɛgɛ nna wɔli-kɛla i fa Dawuda anubɛ Yerusalɛm soela ko ma n bara min ma n halala-soe la, n ti nyamanɛ kɛ dama to ila dan bolo. Fɔ bɔnsɔn kelen pe, n bi wo le tola ila dan wo ye.”

1 Mansɛnu 11:34

A ko fananta Mansa Silamɛni ye a niyi la, a ti nyamanɛ bɛɛ bi a bolo. Silamɛni si mansayɛ kɛ a siyi-tele-bɛɛ kɔrɔ. Mari ko ni i ya a yen, a ye wo mala, a ye wo mala ka a tɛgɛ a fa Mansa Dawudala ko ma, ale ara min yabɔ, ado wo ara ata sereyanu bira.

1 Mansɛnu 11:35

Mari ko a si nyamanɛ kɛ bi Mansa Silamɛnina dan bolo ka bɔnsɔn tan di ile ma nyamanɛ wo rɔ.

1 Mansɛnu 11:36

Mari ko bɔnsɔn kelen pe, a ye wo le tola Mansa Silamɛnina dan bolo. Mari ko Mansa Dawuda bɔnsɔnnu si to mala mansɛ la Yerusalɛm soe burɔ bawo ale Mari le ya Yerusalɛm soe wo yabɔ alako mɔgɛnu si to a batola kan min.

1 Mansɛnu 11:39

Mari ya kumɛ-laban min fɔ n ye, a ko a si Mansa Dawuda kegeyɛnu tɔrɔ ka a tɛgɛ Mansa Silamɛni hakɛla ko ma. Kɔnɔ a ko a ti to wo mala burubukai!”

1 Mansɛnu 22:17

Nɛbi Mɛkaya ya wɔlɔyiya-kumɛ fɔ a ye ko, “N bara Isirɛla kɛlɛ-dannu tanyɛnsɛnnɛ yen kɔnkɛnu kuma iko saga-fɛ-birala sa sagɛ minnu kun na. Mari ara a fɔ n ye ko, anu ni sɛgi anu barɛnu tɔ yisi-kimɛ rɔ dɔi, bawo kun-tigi sa anu kun na.”

1 Mansɛnu 22:36

Tele ara wuli buila, Isirɛla kɛlɛ-dan bɛɛ ya a lasɔnkɔ ko, “Bɛɛ ni sɛgi a warɛ soe burɔ.”

2 Ko-Kɔrɔta-Karan 10:16

Mɔgɛ wonu ya a yen min kɛ ko Mansa Rihobowami sa a tole masɔla anu na, anu ya sɔnkɛ tɛgɛ. Anu ko, “Ma sa nyinina Mansa Dawuda anubɛ a kebilɛ ma tun! Anu bara nfen ma ma ye? Isirɛla mɔgɔ damasi, bɛɛ ni sɛgi a warɛ! Fɔ ni ile Rihobowami tora mansayɛ la i fala denbayɛnu kun na.” Anu ban wo fɔla, Isirɛla mɔgɛ bɛɛsi sɛgira anu barɛ murutiyɛ rɔ.

Yaburi 132:17

A ko Mansa Dawuda kegeyɛ do si ma mansa-makawanɛ la, ado ata mansa-yabɔnɛ si to bɔla ala bɔn la tolon!

Yaburi 76:10

Hali mɔgɛnuna diminyɛ, a laban si ma ile Mari ye gbiliyɛ la. Minnu kunyɛ ma to kɛlɛ rɔ, wonu si anu taya ka ladiyɛ bɛɛ kɛ i gbiliya-koe rɔ a kilɛ fɛ.

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Aiseya 7:17

“Mari ko a si nyankankantan min nana ile mansɛ anubɛ ila mɔgɛnu kuma, wo da-rakolo, ado kebi Yuda nyamanɛ anubɛ Isirɛla nyamanɛ farata, wo nyɔgɔn tɔrɔyɛ ma na wɛ nyamanɛ kɛ kuma. Mari ko hali Asiriya mansɛ, a si wonubɛ ala kɛlɛ-dannu natugu wo ma.

Aiseya 7:2

A lamɔɛn Yuda mansɛ bolo nun ko Siriya kɛlɛ-dannu bara don Isirɛla nyamanɛ rɔ, anubɛ ala nyamanita-mɔgɛnu kilanta ha anu tora yɛrɛyɛrɛnna iko fɔnyɔ tenbi kɔlɔmanu namagala.

Yɛrɛmaya 33:21

anubɛ ala wɔli-kɛla, Dawuda ya sarama-kan min kiri anu nyɔgɔn tɛma, mansayɛ ti bɔ mansaya-bɔn la mumɛ! Lifayi bɔnsɔnnu si to mala saraka-masɔlɛnu na a ye tolon, ado sarama-kan wonu ti tinya ni!

Isikiyɛli 37:16

“Ile hadama-dan, i ni kɔlɔma-bolɔn do bi ka a sɛbɛ a ma ko ‘Yuda nyamanɛ anubɛ nyɔ-Isirɛla mɔgɛnutɛ le.’ Kɔlɔma-bolɔn do fanan bi ka a sɛbɛ wo fanan ma ko, ‘Yusufula dan Ifɛrɛm anubɛ nyɔ-bɔnsɔn toenutɛ le.’

Maraka 3:24

Ni mɔgɛnu bi anu nyɔgɔn kɛlɛla nyamani-wo-nyamani rɔ, wo nyamanɛ ti mɛ.

Luka 19:14

Kɔnɔ a ma di ala nyamanita-mɔgɛnu ye min kɛ, anu ya kilayɛnu nata a gbere la ka a fɔ ko, ‘Ma sa a fɛ, kei kɛ ni ma mala mɔgɔ-ba la tun.’

Luka 19:27

Nba, n yoge kɛnu, a ma di minnu ye ko n ni ma anuna mansɛ la, wo na wonu na yan ka anu faga n yala!’ ”

Yɔni 13:8

Pita ya a gbɛ a ye, a ko, “N fa, wo ti ma! N ti sɔn ile ni n kian maku mumɛ!” Yisa ya a yabi ko, “Ni n ma i kian maku, i ti ma nna karan-dan la tun!”

Kɛlɛ-Kurugbɛnu 8:35

Min sanɛ wo kuma, anu mara fisiriwɔlɛnu na. Anu ma anu miri Kidiyɔn kebilɛ ma min ya Isirɛla mɔgɛnu kunka.

Kɛlɛ-Kurugbɛnu 9:28

Keyali ya a fɔ nyama wo tɛma ko, “Nfen bi Abimɛlɛki la min bi a tola male Sɛkɛm mɔgɛnu bi kilanna a la? Kidiyɔnla dan ma ale la, wa? Yanni ma ni to Abimɛlɛki kɛ anubɛ ala kandɛ Sebuli kɔrɔ, a fisa worɔ, ma ni to Sɛkɛm fa Hemori kebila-mɔgɛ do kɔrɔ.