1 Mansɛnu 12:15 - ALLALA KUMƐ

¹⁵ Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Sailo kɛ Nɛbi Ahaya baraka rɔ, wo ni ma tonyɛ la.

1 Mansɛnu 12:15 ပူးပေါင်းရင်းမြစ်များ

Ko-Dabirɛnu 24:50

Leban anubɛ Bɛtuwɛli ya a yabi wo rɔ ko, “Bawo Marita ko-rabɛnnɛ le kɛ la, woletɔ ma ti ke a yɛlɛmana.

2 Samuwɛli 17:14

Abasalɔm anubɛ Isirɛla mɔgɔ-banu lara Husayita kumɛ wo la ka tenbi Ahitafɛlitɛ la. Mari ara ban a latɛgɛla ko anu kana Ahitafɛlita makawandili nyimɛ wo bira alako a si Abasalɔm halaki nya min.

1 Mansɛnu 11:11

Mari ya a fɔ a ye ko, “Bawo i ma nta kumɛnu to a gbɛ rɔ, ma sarata nna sereya minnu ma, i wara wonu tinya, fɔ n ba nyamanɛ kɛ bɔ i bolo ka a di ila wɔli-kɛlɛ do ma.

1 Mansɛnu 12:24

anu kana ta anu na-kelen-nyɔgɛ Isirɛla mɔgɛnu kɛlɛ. Anu ni sɛgi anu barɛ. Koe min bɛɛsi ara ma kɛ la, a sako le wo la. Nɛbi Sɛmaya tara Mari kuman-kan wo latenbi anu ma tumɛ min, anu dama sɛgira anu barɛnu tɔ.

1 Mansɛnu 22:23

Nɛbi Mɛkaya ya kumɛ kundon a ye ko, “A ara ma wo nya na le. Mari ara a ma, nɛbi kɛnu bara foninyɛ fɔ i ye ka i mayuwaya. Mari nyɛrɛ-nyɛrɛ ara ban a latɛgɛla ko i si kasara.”

2 Mansɛnu 10:10

Kɛ ara a yira n na ko Mari ya kumɛ min bɛɛsi fɔ n ye Mansa Ehabu anubɛ ala denbayɛnu bara-koe rɔ, wo ara bɔ-a-la. Mari ya min fɔ Nɛbi Ilaya ye, wo bɛɛ ara bɔ a la.”

2 Mansɛnu 9:36

Wonu nara wo fɔ Mansa Yehu ye min kɛ, a ya a fɔ ko, “Mari ya kɛ le fɔ ala wɔli-kɛlɛ Nɛbi Ilaya Tisibi kɛ ye ko, ‘Wulinu si Yɛsɛbɛli soge dɔn Yɛsɛreli soe burɔ.

2 Ko-Kɔrɔta-Karan 10:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Nɛbi Ahaya Sailo kɛ baraka rɔ, wo ni bɔ-a-la.

2 Ko-Kɔrɔta-Karan 22:7

Yuda Mansa Ehasayala tɛ min kera Isirɛla mansɛ Yɔram kɔndɔn tinɛ, Alla ya ata kɔndɔli wo ma ata mansayɛ lato-koe la. Mansa Ehasaya tora kɔndɔli-kɛ wo le la, Nimisila den Yehu nara anubɛ Mansa Yɔram kɛlɛ tinɛ, ado Mari le ya wo yabɔ ko a ni Mansa Ehabu kegeyɛ lato dogbe!

2 Ko-Kɔrɔta-Karan 25:16

Mansa Hamasa ya nɛbi wola kumɛ tɛgɛ a da rɔ. A ya nɛbi wo manyinika, a ko, “Ha bi, nde ara i manyinika n makawandi-koe rɔ? A sigi-a-la don! Ni wo ma, n si i wara-koe ka-a-la.” Kɔnɔ yanni nɛbi wo ni a rade, a ya a fɔ ko, “Kaka, n bara a lɔn ko Alla ara ban a latɛgɛla ko a si i kasara ka a tɛgɛ i wara min ma kɛ la, ado i ma i tole masɔ nna makawandili-kumɛ la.”

2 Ko-Kɔrɔta-Karan 25:20

Kɔnɔ Hamasa ma a tole sigi kumɛ wo kɔrɔ. Alla sɔnta ko anu ni Mansa Hamasa nɔ bawo a ya Idɔm kɛnuna bɛsɛnu kɔ.

Yaburi 5:10

E, Alla, mɔgɔ sufa wonu bira ka anu tɔrɔ anu hakɛla ko la. A ma, anuna yanfanteyɛ wonu ni sɛgi anu denu kɔgɔ rɔ. Anu tɔrɔ ka a tɛgɛ anu hakɛ anubɛ anuna murutiyɛ ma. I ni anu bɔ i yakɔrɔ.

Daniyɛli 4:35

Fenfen ma mɔgɛnu na dugu-kole kɛ ma ale yala. A si melika anubɛ mɔgɛnu namara iko a di ale ye nya na. Mɔgɔ-wo-mɔgɔ ti ke tɔn sigila a ma, ado a ye koe minnu bɛɛsi mala, mɔgɔ-wo-mɔgɔ ti ke a manyinikala wo ma.’

Emɔsi 3:6

Kɛlɛ-buri si fɛ soe burɔ, a ni to, mɔgɔ ma kilan? Soe do si halaki a nyɛrɛ ma, ni Mari ma sɔn min ma?

Kɛwɔlɛnu 2:23

Alla ya a latɛgɛ a nyɛrɛ sako fɛ ko Yisa ni don wo bolo. Wole ya a faga bawo wo sɔnta ko hakɛ-tiginu ni a gbangban kɔlɔma ma wo yala.

Kɛwɔlɛnu 3:17

“Nba, n na-kelen-nyɔgɛnu, n ya a lɔn ko wobɛ wola kun-tiginu ya min ma Yisa la, wo ya wo ma bawo wo sa a kalama.

Kɛwɔlɛnu 4:28

I wara ban koe min bɛɛ latɛgɛla i sɛnbɛ anubɛ i sako rɔ, anu ya anu nadɛn ko anu ni wo ma.

Tɔn-Fɔɛ-Fila-Nyɔgɛ 2:30

“Kɔnɔ ma Mari Alla ya a ma, Mansa Saihɔn yisi gbɛlɛyara gbon! Wo le ya a ma, a ma sɔn ma ni tenbi ata nyamanɛ rɔ muk! Ma kɛlɛ-sɔgɛ ya a bira. Woletɔ Mari ya a ma, ma ya a nɔ ka ala nyamanɛ bi. Ha bi, nyamanɛ wo ye ma bolo.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

1 Samuwɛli 15:29

Isirɛlata Alla-makawanɛ, wo ti foninyɛ fɔ hali ka a miriyanu yɛlɛma bawo mɔgɔ ma ale la iko a ye nala a miriyanu yɛlɛmana.”