1 Mansɛnu 12:11 - ALLALA KUMƐ

¹¹ Wo kɔma, i ni a fɔ anu ye ko i fa ya dunɛ sigi anu kuma kɔnɔ ileta dunɛ si tenbi atɛ la pirr! I ni a fɔ anu ye fanan ko i fa ya anu gbesi bosɛ la kɔnɔ ileta bosa-dumɛ si wara anu ma iko bondalɛ wa mɔgɔ bon.”

1 Mansɛnu 12:11 ပူးပေါင်းရင်းမြစ်များ

1 Mansɛnu 12:10

Keminɛ wonu ya a labila, anu ko, “I ye a fɔla anu ye ka le ko ile bolo-nɔlɔnɛ kolo i fa lenkan ko.

1 Mansɛnu 12:12

Tele fila, a sawa nyɔgɛ wo kɔma, Yɛrabowami anubɛ ala mɔgɛnu tara Mansa Rihobowami wara tun iko a ya a fɔ anu ye nya min.

1 Mansɛnu 12:14

iko a ta-nyɔgɔ-kemini-mɛsɛ wonu ya a labila nya min. Ale Rihobowami ya a fɔ anu ye ko, “N fa ya dunu-belebele sigi wo kuma kɔnɔ nde ye dunɛ min sigila wo kuma, wo si tenbi n fatɛ la pirr! N fa ya wo gbesi bosɛ le la kɔnɔ ndeta bosa-dumɛ si wara wo ma iko bondalɛ wa mɔgɔ bon.”

2 Ko-Kɔrɔta-Karan 16:10

Mansa Esa diminyara nɛbi wo ma ha a ya a sa banba la. A donta ko-yogoma-kɛ la ata mɔgɛ donu na wo wati rɔ.

Bɔ-Koe-Iyipiti 5:18

Wo ta gbɛ wɔli-kɛ-tinɛ. Anu ti kɔrɔ-fɔrɔn nyini wo ye tun. Woletɔ wo ta wola bulɔku dafa iko wo duruta a mala nya min.”

Makawandili Kumɛnu 10:16

Gbalo ye nyamanɛ wo kuma denniya-hɛnkili ye minnuna mansɛ bolo anubɛ minnuna kun-tiginu bi kila anu nyɛrɛ ladiyala.

Aiseya 58:6

Mari ko ale ye nyinina min ma sun-don-bole rɔ, wo le kɛ la. Wo ara minnu nadon yele la anu yoe kuma, wo ni wonu nabɔ ka yɔlɔkɛ ratɛgɛ anu ma. Wo ni anu kunyɛ bɔ wɔli-wulen-bɛ kɔrɔ.

Yɛrɛmaya 27:11

Kɔnɔ a ko ni nyamanɛ fenfen ya a nyɛrɛ latenbi Babilɔn mansɛ ma, Mari ko a si a ma, nyɔ-mɔgɛnu ni to anu halala-nyamanɛ rɔ ka to sɛnɛ sala nyɔ tolon!

Isikiyɛli 2:6

“Kɔnɔ ile hadama-dan, i kana kilan anu na muk! I kana kilan anuna kumɛ la. Anu si tɛgɛ i rɔ ka bila i la. A si ma i bolo iko i siginɛ bondalɛ anubɛ wɔnɛnu denu tɛma. Kɔnɔ hali wo, i kana kilan mɔgɔ-murutiyanɛ kɛnu yɛ la. I kana kilan anuna kumɛ la.

1 Samuwɛli 8:18

Wo wati wa ke, wole nyɛrɛ-nyɛrɛ si gbunya wola mansa-siginɛ wo kɔrɔ. Kɔnɔ hali wo, Mari ti a wɔlɔ matɔlɔ wola gbunya-kumɛ wonu na.”