1 Mansɛnu 11:4 - ALLALA KUMƐ

⁴ San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 11:4 ပူးပေါင်းရင်းမြစ်များ

1 Mansɛnu 11:2

Hali Mari ara tɔn sigi Isirɛla mɔgɛnu ma ko anu kana sibolo-gbɛrɛkɛ-dunmusu-wo-dunmusu furu, ale Mansa Silamɛni ya a tui ka furi kɛ sibolo-gbɛrɛkɛ-mɔgɛnu ma. Mari ya tɔn wo sigi bawo a ya a lɔn ko anu bi donna musi wonuta bɛsi-kɔ-koe rɔ. Hali wo, a niyi burita ala musinu fɛ.

1 Mansɛnu 11:33

Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:38

A ko ni ile ya ata kumɛnu bira a kilɛ fɛ ka ala sereyanu mabalan, a ko a si to i fɛ burubukai! I wara-koe ni diya Mari ye alako a ye min fɔla i ye, i ye wo mala iko Mansa Dawuda ye a mala nya min nun. A ko a si i ma Isirɛla mɔgɛnuna mansɛ la. A ko a ara ban a latɛgɛla ko a si ila mansaya-bɔn sɔ iko a ya a ma Mansa Dawuda ye nya min.

1 Mansɛnu 11:42

San bi-nani, a ye mansayɛ la Isirɛla mɔgɛnu kuma Yerusalɛm soe burɔ.

1 Mansɛnu 11:6

Mansa Silamɛni bilara Mari la. A ma sɔn a latelenna Mari ye iko a fa Mansa Dawuda ya a ma nya min.

1 Mansɛnu 11:9

Hali Isirɛlata Mari Alla ara a nyɛrɛ yira Mansa Silamɛni na kiyo rɔ nun iko fila, ado Mari ara a fɔ a ye ko a kana don bɛsi-kɔ-koe rɔ, a ma Allata kumɛ bira fɔ ka a kan-kɔ sɔ Mari la. Wo le ya a ma, Mari fonde bɔra Mansa Silamɛni kuma.

1 Mansɛnu 14:21

Mansa Silamɛnina den Rihobowami ya mansayɛ sɔrɔn Yuda nyamanɛ rɔ a sɔrɔn-san bi-nani ani san kelen nyɔgɛ le ma. Mari ya Yerusalɛm soe yabɔ ata mɔgɛnu si to a batola kan min. San tan-ni-wɔrɔnfila kɔrɔ, Mansa Rihobowami siginɛ Yerusalɛm soe wo burɔ mansayɛ la Yuda mɔgɛnu kun na. Mansa Rihobowami na tɔgɛ le Nama. Amon kɛ le ale musi wo la.

1 Mansɛnu 15:14

Hali Mansa Esa ma ban bɛsi-kɔ-tinɛ bɛɛ tinyana ata nyamanɛ wo rɔ kɔnɔ hali wo, ale ma bɔ Mari fɛ a siyi-tele-bɛɛ kɔrɔ.

1 Mansɛnu 15:3

Mansa Abaya fanan ya hakɛ kɛ iko a fa ya a ma nya min. A ma a telen Mari ye iko a benba Mansa Dawuda ya a ma nya min nun.

1 Mansɛnu 3:3

Mari keninɛ Mansa Silamɛni bolo ka a fa Dawuda kin-gbɛ bi. Kɔnɔ Mansa Silamɛni ma sɔn sarakɛnu bɔla kan-tina-kelen tɔ fɔ kan-tina-siyaman.

1 Mansɛnu 6:1

San kɛmɛ nani san bi-segin (480) ara tenbi kebi Isirɛla mɔgɛnu bɔra Iyipiti. A san kɛmɛ nani, san bi-segin nyɔgɛ wo karɛ fila nyɔgɛ ma, Mansa Silamɛni ya Bato-Bɔn sɔɛ dabira. Wo ya a taran, Silamɛnina mansayɛ ara san nani bɔ Isirɛla nyamanɛ kun na.

1 Mansɛnu 8:61

Alamɛ wo sɔndɔmɛ gbɛra mata Mari Alla ye ka to ata tɔn bɛɛ birala iko wo ye a mala nya min kaka.”

1 Mansɛnu 9:10

Mansa Silamɛni ya san mogan de bɔ Mari Bato-Bɔn anubɛ a nyɛrɛta bolɔn sɔ tinɛ. A ya so-kun mogan di Taya Mansa Hairam ma Kalili nyamanɛ rɔ kamasɔrɔn ale ya Mansa Silamɛni madɛnbɛ fɛrannu anubɛ sɛnɛ do la Mari Bato-Bɔn sɔ-koe rɔ.

1 Mansɛnu 9:4

Ni i tora telenbagayɛ rɔ ka nna kumɛ anubɛ nna tɔnnu bira iko i fa Dawuda taranta a mala nya min,

2 Mansɛnu 20:3

“E, Mari, i miri n ma. N ya ko-latelennɛ kɛ ka ita kumɛnu to anu gbɛ rɔ. N ya n taya ka i sako bɛɛ kɛ.” Ala matarali-kɛ wo ya a laban diyi kɛ ma a bolo.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

1 Ko-Kɔrɔta-Karan 29:19

Mari, i ni yili-latɛgɛ di nna den Silamɛni ma. Wo si a ma, a ni ita kumɛ bira, ado n bara miran min bɛɛsi ladɛn Bato-Bɔn sɔ-koe rɔ, a si wonu bi ka bɔn sɔ i ye.”

2 Ko-Kɔrɔta-Karan 17:3

Mari ya ata duwɛ layigi Yɛhosafati kuma bawo a ya a fa sɔn fɔlɔtɛ bi. A ma Bɛsi Beyali kɔ.

2 Ko-Kɔrɔta-Karan 25:2

Ale Mansa Hamasa wara-koe ya Mari hɛnɛ kɔnɔ a ma Mari fɛ-koe bɛɛ kɛ a sɔndɔmɛ bɛɛ la.

2 Ko-Kɔrɔta-Karan 34:2

Mansa Yosaya ya a benba Mansa Dawuda sɔn-nyimɛ bi. A ya Allata tɔn bɛɛ bira, ado a ya min bɛɛ ma, wo ya Mari hɛnɛ.

Bɔ-Koe-Iyipiti 20:3

Woletɔ wo kana fen-gbɛrɛkɛ bato nde, Alla kɔma muk!

Tɔn-Fɔɛ-Fila-Nyɔgɛ 17:17

A fila nyɔgɛ, mansɛ wo kana musu-siyaman furu bawo musi wonu si a ma, a ni Allata kilɛ boloka. A sawa nyɔgɛ, a kana a raya ka sɛnɛ anubɛ wodi-gbɛ ladɛn a nyɛrɛ ye ka a nyɛrɛ ma nɔnfulu-tigi la mɔgɛnu kuma.

Tɔn-Fɔɛ-Fila-Nyɔgɛ 7:4

Ni wo ya wo ma, wo si a ma, wola dannu si anu kan-kɔ sɔ Mari la ka anu nyɛrɛ don bɛsi-kɔ-koe rɔ. Ni anu ya anu don wo rɔ, Mari fonde si bɔ wo kuma ka wo damasi halaki pɔɔ!