1 Mansɛnu 11:33 - ALLALA KUMƐ

³³ Mari ko ni i ya a yen, a ye bɔnsɔn kelen pe tola Mansa Silamɛni bolo, a ye wo mala bawo mansɛ ara a kan-kɔ sɔ a la. A ko Saidon kɛnuna bɛsɛ min tɔgɛ Asitɔra, a ye wo kɔla. A ko Mohabu kɛnuna bɛsɛ min tɔgɛ Kimasi, a ye wo fanan kɔla. Amonnuna bɛsɛ min tɔgɛ Molɛki, a ye wo kɔla ka a madu wo kɔrɔ. Mari ko Mansa Silamɛni ara ala tɔn tinya. A ma sɔn ata tɔn-bira-koe ma iko a fa Mansa Dawuda duruta a mala nya min.

1 Mansɛnu 11:33 ပူးပေါင်းရင်းမြစ်များ

1 Mansɛnu 11:34

A ko fananta Mansa Silamɛni ye a niyi la, a ti nyamanɛ bɛɛ bi a bolo. Silamɛni si mansayɛ kɛ a siyi-tele-bɛɛ kɔrɔ. Mari ko ni i ya a yen, a ye wo mala, a ye wo mala ka a tɛgɛ a fa Mansa Dawudala ko ma, ale ara min yabɔ, ado wo ara ata sereyanu bira.

1 Mansɛnu 11:4

San-siyaman tenbinɛ, musi wonu ya Mansa Silamɛni yisi tintan anuna bɛsɛnu bara la. A ma a telen ata Mari Alla ye iko a fa Mansa Dawuda duruta a mala nya min nun.

1 Mansɛnu 11:9

Hali Isirɛlata Mari Alla ara a nyɛrɛ yira Mansa Silamɛni na kiyo rɔ nun iko fila, ado Mari ara a fɔ a ye ko a kana don bɛsi-kɔ-koe rɔ, a ma Allata kumɛ bira fɔ ka a kan-kɔ sɔ Mari la. Wo le ya a ma, Mari fonde bɔra Mansa Silamɛni kuma.

1 Mansɛnu 14:8

A ko ale le ya mansayɛ bɔ Mansa Dawuda mamanɛnu bolo ka a don ale bolo. Ta a fɔ a ye ko Mari ko ale telenni ma iko ala wɔli-kɛlɛ Mansa Dawuda telennɛ a ye nya min nun. A ko Mansa Dawuda ya a telen a ye. A ya ata kumɛ bira ka a sako kɛ.

1 Mansɛnu 3:14

Ni i tagama-nya telenta n yala ka nta tɔnnu bira iko i fa Dawuda tagamanta nya min, n si siyi-yan di i ma.”

2 Mansɛnu 1:3

Kɔnɔ Marita melika tara a fɔ Nɛbi Ilaya Tisibi kɛ ye ko, “I ni ta Samariya mansɛla kilayɛ wonu taran kilɛ la. I wa anu taran, i ni anu manyinika ko, ‘Nfenna wo ye tala wo bolo-tafɛlɛnna Ɛkirɔn mɔgɛnuta bɛsɛ wara min tɔgɛ Beyali-Sibubu? Wole lara a la ko Alla sa Isirɛla nyamanɛ rɔ, wa?’

2 Mansɛnu 21:22

A ya a ban Mari la, a benbanuta Alla, kɔni, ka Marita tɔnnu tinya.

1 Ko-Kɔrɔta-Karan 28:9

A ya a tintan ala den Silamɛni na ka a fɔ a ye ko, “Nna den, i ni nta Alla wara-koe lɔn ka ata wɔlɛ kɛ i yisi bɛɛ la. Alla ya ma miriya anubɛ mala natanu lɔn. Ni i ya i gbɛrɛn a ma, a si i rabira. Kɔnɔ ni i ya i kan-kɔ sɔ a la, a si a ban i la feufeu!

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Yɛrɛmaya 48:13

Iko Isirɛla mɔgɛnuna bɛsi ya anu baya nya min Bɛtɛli soe burɔ, Mohabu kɛnuna bɛsi Kimasi ye anu bayala wo nya na le, ado anu lanɛ wo la kati!

Yɛrɛmaya 48:7

Mohabu kɛnu yili-latɛgɛnɛ anu sɛnbɛ anubɛ anuna nɔnfuli ma, anu si ta biralɛ rɔ. Anuna bɛsi Kimɔsi fanan si ta biralɛ rɔ. Anu yogenu si ta bɛsɛ wonubɛ a kɔlɛnu anubɛ ala mɔgɔ-banu na.

Hoseya 4:17

Wole Isirɛla mɔgɛnu bara wo nyɛrɛ to bɛsi-kɔ-koe ma. Mɔgɛnu kana bila wo fɛ.

Sɛfanaya 1:5

Mɔgɔ-wo-mɔgɔ yɛlɛta kan-tina-layan-bɛ kuma alako a ni tele anubɛ karɛ anubɛ lole bato nyɔ, Mari ko a si wo tigi kasara pɔ! Minnu bi Mari batola ka telenbagaya-lanyiri kiri a ye, wo kɔma, a ni ta a gboro bɛsɛ wo rɔ min tɔgɛ Molɛki, Mari ko a si wonu fanan kasara.

Yilan-Yilan Koe 21:29

A ara gbɛlɛya wole Mohabu mɔgɛnu kuma gben! Wole min bi wota bɛsɛ Kimasi kɔla, wole damasi la ara to dogbe! Kei minnu bi ile Kimasi batola, wonu bara anu buri. Musi minnu bi i batola, wonu bara bira Mansa Saihɔn ye.

1 Samuwɛli 7:3

Samuwɛli ya a fɔ Isirɛla mɔgɛnu ye ko, “Ni wole ya wo ya-lamunun Mari la wo yisi bɛɛ la, fɔ ni wo ya wola bɛsɛnu nakɛ a rɔ katarala wola bɛsɛ ma min nadannɛ musila muninyɛ rɔ min tɔgɛ Asitɔra. Wo ni wo nyɛrɛ dantɛgɛ Mari kelen pe le ma ka ale kelen pe bato. Ni wo ya wo ma, ale si wo tanka Filisitinu masibɛ ma.”