1 Mansɛnu 11:31 - ALLALA KUMƐ

³¹ Ahaya ya a fɔ Yɛrabowami ye ko, “Ile ni a kundu tan bira bawo Isirɛlata Mari Alla ko a si Isirɛla nyamanɛ bi Mansa Silamɛni bolo. A ko a si bɔnsɔn tan don ile bolo.

1 Mansɛnu 11:31 ပူးပေါင်းရင်းမြစ်များ

2 Samuwɛli 19:43

Isirɛla nyamanita-mɔgɛnu ya a fɔ anu ye tun ko, “Male letan mansɛ kɛ la iko tan ka tenbi wo la. Nfenna wo ye tɛgɛla ma rɔ? Wo ara nyina le, wa? Male le fɔlɔn ma mansɛla na-koe fɔ yan?” Anu tora anu nyɔgɔn sɔsɔla ha kɔnɔ Yuda nyamanita-mɔgɛnuta kumɛ gbɛlɛyara ka tenbi Isirɛla mɔgɛnutɛ la.

1 Mansɛnu 12:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Sailo kɛ Nɛbi Ahaya baraka rɔ, wo ni ma tonyɛ la.

1 Mansɛnu 14:2

Mansa Yɛrabowami ya a fɔ ala musi ye ko, “I mayɛlɛma alako mɔgɔ ti i lɔn. I ni ta Nɛbi Ahaya wara Sailo soe burɔ min ya a fɔ n ye nun ko n si ma Isirɛla mansɛ la.

1 Mansɛnu 14:8

A ko ale le ya mansayɛ bɔ Mansa Dawuda mamanɛnu bolo ka a don ale bolo. Ta a fɔ a ye ko Mari ko ale telenni ma iko ala wɔli-kɛlɛ Mansa Dawuda telennɛ a ye nya min nun. A ko Mansa Dawuda ya a telen a ye. A ya ata kumɛ bira ka a sako kɛ.

2 Mansɛnu 17:21

Fɔlɔ nun, nyamani kelen de Isirɛla nyamanɛ anubɛ Yuda nyamanɛ la. Mari ya Yuda nyamanɛ anubɛ Isirɛla nyamanɛ fara tumɛ min, Isirɛla mɔgɛnu ya Nebatila den Yɛrabowami ma anuna mansɛ la. Mansa Yɛrabowami wo ya a ma, Isirɛla mɔgɛnu ya anu bɔ Marita kilɛ fɛ. A ya a ma, Isirɛla mɔgɛnu donta ko-yogomɛ kɛnu tɔ.

2 Ko-Kɔrɔta-Karan 10:15

Mansa Rihobowami ya a ban mɔgɛnu bolo alako Mari ya kumɛ min fɔ Yɛrabowami ye Nɛbi Ahaya Sailo kɛ baraka rɔ, wo ni bɔ-a-la.

1 Samuwɛli 15:27

Samuwɛli ya a kan-kɔ sɔ tumɛ min, Mansa Sɔli ya ala duruku-ba bira a kɔma kilɛ la. Duruki wo rafarata.

1 Samuwɛli 15:28

Wo manɛ, Samuwɛli ya a fɔ a ye ko, “Mari fanan bara Isirɛla mɔgɛnuna mansayɛ rafara i ma bi wo nya na. A si a di mɔgɛ do ma min tenbira ile la.