1 Mansɛnu 11:28 - ALLALA KUMƐ

²⁸ a ya kemini-tagbɛlɛ do yen wɔlila min tɔgɛ Yɛrabowami. Bawo Yɛrabowami kɛ kolo gbɛlɛyanɛ wɔli-kɛ-tinɛ, woletɔ Mansa Silamɛni ya a ma fɔrɔsɔya-wɔli-kɛlɛnu kunyɛ la Ifɛrɛm anubɛ Manasa bɔnsɔnnuna nyamanɛ rɔ.

1 Mansɛnu 11:28 ပူးပေါင်းရင်းမြစ်များ

Ko-Dabirɛnu 47:6

wo warɛ le Iyipiti nyamanɛ kɛ la. Wo ta wo sigi Kosɛn sigisɔn rɔ. Dugu-nyimɛ le nyɔ la. Ni mɔgɛ do ye wo tɛma min kusan kolo-fannu fɛ-birala, n ni nta kolo-fannu kerifa wo tigi la.”

2 Samuwɛli 19:20

N bara a lɔn serr, ko n bara ko-yogomɛ le ma i la. Woletɔ bɔnsɔn minnu bi kantɔ findan ma, nde le wara ma wo mɔgɔ fɔlɔtɛ la ka bɔ Yusufu bɔnsɔn rɔ ka na i madiya tinɛ.”

1 Mansɛnu 11:26

Nebatila den Yɛrabowami min bɔra Sɛrɛda soe burɔ Ifɛrɛm nyamanɛ rɔ, Mansa Silamɛnina mɔgɔ-ba do le ale la. A na tɔgɛ le Seruwa. Kɛɛ-musi le wo la. Ale Yɛrabowami murutiyara Mansa Silamɛni ma.

1 Mansɛnu 14:7

Ta a fɔ ila kei ye ko Isirɛlata Mari Alla ko ale le ya a yabɔ Isirɛla mɔgɛnu tɛma ka a ma mansɛ la Isirɛla mɔgɛnu kun na.

1 Mansɛnu 5:16

Wo kɔma, Mansa Silamɛni ya mɔgɔ waga sawa ani mɔgɔ kɛmɛ sawa (3,300) bi ka wonu ma Adonaram kan-kɔrɔ-sigilɛnu na alako ka wɔli-kɛlɛnu mafɛlɛn.

Hɛnkilimaya-Kumɛnu 22:29

Mɔgɔ-wo-mɔgɔ kusan wɔlila, wo ti to ata wɔlɛ kɛla dogɔn tɔ. Hali mansɛ, a si a bolo don a wara-koe rɔ ala wɔli-nyimɛ wola ko la.

Aiseya 14:25

A ko a si Asiriyanu nunku ata kɔnkɛnu ma a tontɛ kɔrɔ Isirɛla nyamanɛ rɔ. A si ata mɔgɛnu bɔ kun-gbaran rɔ Asiriyanu bolo. Anu kunyɛ si bɔ dunu madunɛ kɔrɔ.

Emɔsi 5:6

Yanni wo ni wo damasi ma, wo ni wo gbɛrɛn Mari ma. A si wo kisi. Ni wo ma sɛgi Mari ma, a si yigi wo kuma iko tɛ. Tɛ wo si Bɛtɛli mintan. Mɔgɔ-wo-mɔgɔ ti ke tɛ wo ladufenna.

Sakaraya 10:6

Mari ko a si a ma, Yuda mɔgɛnu ta ni gbɛlɛya. A ko a si Isirɛla mɔgɛnu kunyɛ bɔ gbaran rɔ. A ko a si kinikini anu ma ka na anu na anu barɛ tun. A ko a si ma iko a ma anu kɔn tele-kelen-bɛrɛni! A ko anuta Mari Alla le ale la. Ale le si anu madiyali-kan lamɔɛn.

Matiyu 11:30

N si dunɛ min di wo ma, a ma gbili, ado n si dunɛ min sa wo kuma, wo fɛ kati!”

Tɔn-Fɔɛ-Fila-Nyɔgɛ 1:12

Kɔnɔ nde kelan ti ke wola dunɛnu na ka wola kumɛnu fɔ.