1 Mansɛnu 11:27 - ALLALA KUMƐ

²⁷ Murutiyɛ wo mara nya min, lunyɛ do, wo tumɛ Mansa Silamɛni ye lɛnbɛn-lɛnbɛnya-rasiginɛ wo rakɛla Yerusalɛm tele-bɔɛ wara la ka tarɛ lawuli tun,

1 Mansɛnu 11:27 ပူးပေါင်းရင်းမြစ်များ

2 Samuwɛli 20:21

ado ma miriya ma wo la. Bikirila den Siba min bɔnɛ Ifɛrɛmta kɔnkɔ-nyamanɛ rɔ, wo le wara murutiyɛ lawuli Mansa Dawuda kan ma. Ni wo ya wo don ma bolo, ma si bɔ wola soe kɛ dafɛ.” Musi wo ya a fɔ a ye ko, “Tana ma wo la. Ma si a kunyɛ lafili wo ma tarɛ kɔma yan.”

2 Samuwɛli 5:7

Tele wo nyɛrɛ rɔ, Mansa Dawuda ya a fɔ ala keminɛnu ye ko, “Mɔgɛ do ye yan tɔ, Yɛbusi kɛnu gbo min ye iko nde, hali ka anu faga? Woletɔ wo ni bɔ yirɔ-kilɛ la ka ta fiyɔn anubɛ namarɛ kɛnu faga.” (Ni i ya a lamɔɛn ko, “Fiyɔn anubɛ namarɛnu ti don Mari Bato-Bɔn la,” kumɛ wo dabirara yan de!) Yɛbusi kɛnuta soe, tarɛ mininɛ min ma, anu ya wo bi anu bolo tumɛ min, Mansa Dawuda sigira nyɔ ka nyɔ kele “Dawudaya.” Nyɔ-tɔgɛ le fanan Sayɔn. Mansa Dawuda ya soe wo lakoloya ka a dabira lɛnbɛn-lɛnbɛnya rakɛ tinɛ tele-bɔɛ wara la ha ka ke tarɛ burɔ so fɔlɔtɛ ma.

1 Mansɛnu 9:15

Mansa Silamɛni ya mɔgɛnu fɔrɔsɛ Mari Bato-Bɔn anubɛ a nyɛrɛta bolɔn sɔ tinɛ. Hali a ya mɔgɛnu fɔrɔsɛ ka lɛnbɛn-lɛnbɛnya-rasiginɛ rakɛ soe tele-bɔɛ wara la. Wo kɔma, a ya anu fɔrɔsɛ ka soe tarɛ sɔ. Hali tonbon sawɛ kɛ, Hesɔ wo, Magidɔ wo, anubɛ Kisari, a ya anu fɔrɔsɛ ka wonu sɔ a kurɛ la.

1 Mansɛnu 9:24

Iyipiti mansɛla dunmusi yirindira Mansa Dawudala luyi ma ka ta a halala-bɔn la ala kei Mansa Silamɛni ya min sɔ a ye. Wo kɔma, Mansa Silamɛni ya lɛnbɛn-lɛnbɛnya-rasiginɛ rakɛ Yerusalɛm soe tele-bɔɛ wara la.

2 Mansɛnu 12:20

Simɛyatila den Yosakari anubɛ Somarila den Yɛhosabadi, wonu ya yanfɛ don Mansa Yohasi ma, ado ata mɔgɔ-ba do le wonu na. Anu ya a faga lɛnbɛn-lɛnbɛnya rakɛnɛ kuma bɔn la tele-bɔɛ wara la. Anu bi kan tinɛ min kelela Sila, wo warata-kilɛ la, bɔn wo sɔnɛ nyɔ le. Anu ya a togon Mansa Dawudata halala-luyi ma Yerusalɛm soe burɔ. Ala den Hamasa sigira a gbɛ rɔ.

Nihɛmaya 4:7

Sanbalati wo, Tobaya wo, Arebiyanu wo, Amonnu wo, anubɛ Asadadi kɛnu ya a lamɔɛn min kɛ ko ma ara yanfa Yerusalɛm tara-sɔɛ rɔ, ado anu bara don a labilɛ rɔ anu nyɔgɔn ma, anu dama diminyara kosɛbɛ!

Yaburi 60:2

I wara a ma, mala nyamanɛ ara yɛrɛyɛrɛn ha dugu dɛ la ara ka, fan! I yandi, a dɛ min nakanɛ, wo latogon bawo fara-sɔgɛ ye mala nyamanɛ kɛ la.

Hɛnkilimaya-Kumɛnu 30:32

Ni mɔgɛ ara kuntanya-koe ladan ka a nyɛrɛ kɔrɔbi ka ko-yogomɛ rabɛn mɔgɛ do kan ma, a fisa, a ni a bole burun a dɛ la. A kana fenfen fɔ.

Aiseya 22:9

Tarɛ kan tinɛ min takerinɛ, wo ara wonu yen wo yɛ la. Wo ara bon-korenu tii alako wo si bɔn wonu kurinu bi nya min ka tarɛ ladan wonu na.

Aiseya 26:11

Mari, i yogenu ma a lɔn mumɛ, ko i si anu tɔrɔ dɛɛ! Anu namiliya le serr, anu ni tɔrɔ. I ya tɔrɔ-dagɛ min namara anu ye, i ni wo rawuya anu kunyɛ ma. Ita mɔgɛnu di i ye nya min, i ni wo yira anu na.

Isikiyɛli 13:5

Iko fira-wuli wonu, anuna foninya-wɔlɔyiya-kuma-fɔlɛnu sa tara-kerinɛ kandanna. Ni anu sa tarɛ wo sɔla tun alako nde, Mari si anu yogenu natugu anu kan ma tele min ma, soe wo ti kanan.

Emɔsi 9:11

Mari ko tele wo ye nala, Mansa Dawudata bɔn min manɛ tonbɔn la, a si wo sɔ a kurɛ la. A si ala dandannu sɔ tun ka wo bɛɛ rabɛn iko a ye nya min fɔlɔ nun.