1 Mansɛnu 11:26 - ALLALA KUMƐ

²⁶ Nebatila den Yɛrabowami min bɔra Sɛrɛda soe burɔ Ifɛrɛm nyamanɛ rɔ, Mansa Silamɛnina mɔgɔ-ba do le ale la. A na tɔgɛ le Seruwa. Kɛɛ-musi le wo la. Ale Yɛrabowami murutiyara Mansa Silamɛni ma.

1 Mansɛnu 11:26 ပူးပေါင်းရင်းမြစ်များ

Ko-Dabirɛnu 35:16

Anu bɔra Bɛtɛli. Yanni anu ni ke Ɛfarati, Resɛli buyi ya a lamaga kilɛ tɛma. Ala dan wo sɔrɔn-koe gbɛlɛyara a kuma.

2 Samuwɛli 20:21

ado ma miriya ma wo la. Bikirila den Siba min bɔnɛ Ifɛrɛmta kɔnkɔ-nyamanɛ rɔ, wo le wara murutiyɛ lawuli Mansa Dawuda kan ma. Ni wo ya wo don ma bolo, ma si bɔ wola soe kɛ dafɛ.” Musi wo ya a fɔ a ye ko, “Tana ma wo la. Ma si a kunyɛ lafili wo ma tarɛ kɔma yan.”

1 Mansɛnu 11:11

Mari ya a fɔ a ye ko, “Bawo i ma nta kumɛnu to a gbɛ rɔ, ma sarata nna sereya minnu ma, i wara wonu tinya, fɔ n ba nyamanɛ kɛ bɔ i bolo ka a di ila wɔli-kɛlɛ do ma.

1 Mansɛnu 11:25

Mansa Silamɛnita wati rɔ, anubɛ Mansa Hedadi mara Isirɛla yogo-bɛrɛbɛrɛ la, ado a ya Mansa Silamɛni yakɔrɔ-mamɔ.

1 Mansɛnu 11:28

a ya kemini-tagbɛlɛ do yen wɔlila min tɔgɛ Yɛrabowami. Bawo Yɛrabowami kɛ kolo gbɛlɛyanɛ wɔli-kɛ-tinɛ, woletɔ Mansa Silamɛni ya a ma fɔrɔsɔya-wɔli-kɛlɛnu kunyɛ la Ifɛrɛm anubɛ Manasa bɔnsɔnnuna nyamanɛ rɔ.

1 Mansɛnu 12:2

Nebatila den Yɛrabowami ya a buri Mansa Silamɛni kɔrɔ ka ta Iyipiti mansɛ warɛ nun. A lamɔɛn wo bolo ko anu bara Rihobowami ma mansɛ la, a sɛgira Isirɛla nyamanɛ rɔ ka bɔ Iyipiti.

1 Mansɛnu 14:16

Mari ko bawo Mansa Yɛrabowami ara mɔgɛnu bɔ ale wara la ka anu nadon hakɛ rɔ, a si a ban Isirɛla mɔgɛnu na.”

1 Mansɛnu 16:3

N si anubɛ ala denbayɛnu ban dugu-kole kuma iko n ya Yɛrabowami anubɛ ala denbayɛnu ma nya min.

1 Mansɛnu 21:22

Mari ko wobɛ ila denbayɛnu si ma iko Nebatila den Mansa Yɛrabowami mara nya min. A ko wobɛ ila denbayɛnu si ma fanan iko Mansa Ahayala den Mansa Beyasa mara nya min. Mari ko a si wo ma bawo i wara a fonde labɔ ka Isirɛla mɔgɛnu nadon hakɛ rɔ.

1 Mansɛnu 9:22

Kɔnɔ Mansa Silamɛni ma sɔn Isirɛla mɔgɔ-wo-mɔgɔ mala yɔɔn la. Wonu taranta kɛlɛ denyɛ anubɛ kɛlɛ-kurugbayɛ anubɛ kɛlɛ-den-kun-tigiyɛ anubɛ so-laburilɛ anubɛ kirindi-laburi-wɔlɛ la.

1 Ko-Kɔrɔta-Karan 2:19

Asubala sayɛ kɔma, Kelabu ya musu-gbɛrɛkɛ furu min tɔgɛ Ɛfarati. Ɛfarati ya den-kei kelen sɔrɔn min tɔgɛ Huri.

2 Ko-Kɔrɔta-Karan 13:6

Wo ya a lɔn ko Nebatila den Mansa Yɛrabowami ara murutiya Mansa Silamɛni ma, ala mansɛ, kɔni.

2 Ko-Kɔrɔta-Karan 9:29

Mansa Silamɛni ya koe min bɛɛsi ma ala mansayɛ kɔrɔ ka a fɔlɔ a lawulan anubɛ a laban ma, wonu damasi sɛbɛnɛ buku sawa rɔ. A sɛbɛra Nɛbi Netanta nɛbiya-buku rɔ. A sɛbɛra Nɛbi Ahayata nɛbiya-buku rɔ, Sailo kɛ, kɔni. A sɛbɛra Nɛbi Idota nɛbiya-buku rɔ fanan. Nɛbi Ido kɛ ya Nebatila dan Mansa Yɛrabowami wara-koe sɛbɛ.

Kɛlɛ-Kurugbɛnu 12:5

Kaliyadi kɛnu ya kilɛ tɛgɛ Ifɛrɛm bɔnsɔn-mɔgɛnu ma Yorodan bɛ tɛgɛ tinɛnu tɔ alako anu kana na sɛgi ka ta anu barɛ nyamanɛ rɔ tun. Ifɛrɛm bɔnsɔn-mɔgɛ minnu ba wuli tenbila nyɔ, anu si a manyinika ko, “Ifɛrɛm bɔnsɔn-mɔgɛ do le ile la?” Ni a ya a fɔ ko, “Ade!”

Ruti 1:2

a tɔgɛ Ilimilɛki. Ɛfarati kebila-mɔgɛ do le. Kei wonubɛ ala musi anubɛ ala den-kemini filɛ tara anu sigi Mohabu nyamanɛ rɔ kɔnkɔ sa kan min. Ala musi wo tɔgɛ le Neyomi. Anuna den-kemini filɛ wonu tɔgɛ le Malɔn anubɛ Kaliyɔn.

1 Samuwɛli 1:1

Ifɛrɛm bɔnsɔn-mɔgɛ do ye nyɔ min tɔgɛ Ɛlakena. A siginɛ Rema soe burɔ Ifɛrɛmta kɔnkɔ-nyamanɛ rɔ. A fa tɔgɛ le Yɛroham. Yɛroham wo fanan fa tɔgɛ le Ɛlihu. Ɛlihu wo fanan fa tɔgɛ Tohu. Tohu wo fanan fa tɔgɛ le Sufu.

1 Samuwɛli 17:12

Dawuda fa Yɛsi, Ifɛrɛm bɔnsɔn-mɔgɛ do le ale la. A siginɛ Bɛtalehɛm soe burɔ Yuda nyamanɛ rɔ. Den-kei mɔgɔ segin de Yɛsi bolo. Sɔlita mansayɛ ya a taran, Yɛsi ara kɔrɔya.