1 Mansɛnu 11:23 - ALLALA KUMƐ

^23-24 Alla ya a ma, Ilayadala den Reson wulita Mansa Silamɛni kan ma fanan. Mansa Hadadisa min bi Soba nyamanɛ kun na, Mansa Dawuda ya wo nɔ kɛlɛ rɔ nun anubɛ Siriya kɛlɛ-dan minnu nara a dɛnbɛ tinɛ kɛlɛ rɔ. Wo kɔma, ale Reson ya a buri Mansa Hadadisa kɔrɔ nyɔ le. A tara ma mɔgɔ-mabuilɛnuna kun-tigi la. Anubɛ ala keminɛ wonu tara sigi Damasika soe burɔ. Anu tara a ma Siriya mansɛ la nyɔ rɔ.

1 Mansɛnu 11:23 ပူးပေါင်းရင်းမြစ်များ

2 Samuwɛli 10:8

Amonnu ya anu sɔ-bole rabɛn anuna so-karantan-tarɛ-don-dɛ la min tɔgɛ Raba. Anu ya Siriya kɛlɛ-dan minnu masan Tɔbu nyamanɛ anubɛ Meyaka nyamanɛ rɔ, wonu fanan ya anu sɔ-bole rabɛn Dawuda kan ma gbɛkole ma.

2 Samuwɛli 16:11

Mansa Dawuda ya a fɔ Abisayi anubɛ ala mɔgɔ-banu ye tun ko, “Nde faga-sɔgɛ ye n halala-den-sɔrɔnnɛ la. Hali wo ma tɛrɛna n mamɔɛn kɛ la Bɛnyamɛ bɔnsɔn-mɔgɛ kɛ bolo. Mari le wara a fɔ a ye ko a ni n mamɔɛn. Wo ni a to nyɔ, a ni n mamɔɛn iko a di a ye nya min.

2 Samuwɛli 8:3

Rihobula den Mansa Hadadisa, min bi Soba soe wo kun na, wo tanɛ kɛlɛ-kɛ-tinɛ Yufereti bɛ dafɛ alako a ni nyɔ bi tun a yogenu bolo. Mansa Dawuda anubɛ ala kɛlɛ-dannu tara bui anu ma ka Soba soe bi anu bolo.

2 Samuwɛli 8:5

Siriya-nyamanita-mɔgɛ minnu siginɛ Damasika soe burɔ, wonu ya a lamɔɛn nkɛkuna ko Mansa Dawuda ara ta bui Soba soe ma, wonu ya anuna kɛlɛ-dannu nata Mansa Hadadisa dɛnbɛ tinɛ. Wonu fanan ke nyɔ, Mansa Dawuda ya mɔgɔ waga mogan-ni-fila (22,000) faga wonu tɔ.

2 Samuwɛli 8:8

Wo kɔma, Bɛta soe anubɛ Bɛrotati soe minnu bi Mansa Hadadisa kɔrɔ, Mansa Dawuda ya sila siyaman bi wonu bolo.

1 Mansɛnu 11:14

Mari ya a ma, Mansa Hedadi min bi Idɔm nyamanɛ kun na, wo wulita Mansa Silamɛni kan ma.

1 Mansɛnu 11:22

Mansɛ ko, “Nfen mara? N bara i beli fan do le la? Wo le ye a mala, i ye tala?” Mansa Hedadi ya a fɔ mansɛ ye ko, “Ta-sɔgɛ ye n na tun!” Woletɔ a sɛgira a warɛ Idɔm nyamanɛ rɔ.

1 Mansɛnu 15:18

Sɛnɛ anubɛ wodi-gbɛ minnu bi Mari Bato-Bɔn anubɛ ata bolɔn la, Yuda Mansa Esa ya wonu bi. A ya wonu don ata mɔgɔ-ba donu bolo. Wonu tara wonu to tinɛ Siriya Mansa Bɛnhedadi ma Damasika soe burɔ. Mansɛ wo fa tɔgɛ le Tabirimɔn. A benba tɔgɛ le Hisiyɔn. Mansa Esa ya a sara ala mɔgɔ-ba wonu na ko anu ni ta a fɔ Siriya mansɛ wo ye ko,

1 Ko-Kɔrɔta-Karan 19:6

Amonnu anubɛ anuna Mansa Henɔn ya a lɔn min kɛ ko anu bara Mansa Dawuda ma anu yoge la, anu tara Mɛsopotemiya nyamanɛ kantɔ-wara la anubɛ Meyaka soe anubɛ Soba soe Siriya nyamanɛ rɔ ka kirindi-laburilɛnu anubɛ anuna kirindinu masan wodi-gbɛ siyaman na. Wodi-gbɛ wola gbiliyɛ anubɛ fui-fan bɔrɔ kɛmɛ lolila gbiliyɛ rakɛn de!

Ɛsira 1:1

Pasiya Mansa Sairasila mansayɛ san fɔlɔtɛ ma, Mari ya min fɔ Nɛbi Yɛrɛmaya ye, wo bɔra-a-la. Mari ya a ma, Mansa Sairasi ya sereya do sɛbɛ min si karan ala nyamanɛ kan tinɛ bɛɛ rɔ.

Yaburi 60:1

E, Alla, i wara i ban ma la ka kilɛ sa ma ma. I fonde ma ara gboya ma ma nun kɔnɔ i yandi, i ya-lamunun ma la.

Aiseya 13:17

Mari ko a ye Midi kɛnu nakɛla Babilɔn kɛnu ma. Anuna sɛnɛ anubɛ anuna wodi-gbɛ miriya fenfen sa anu yoge wonu na

Aiseya 37:26

“A ko ale Sɛnakaribu ma a lamɔɛn ko Marita miriya le kɛ la? Ado nfan, a ye wo dafa tinɛ le. Mari le ya sɛnbɛ di ale Asiriya mansɛ ma ka so-kunbɛnu yɛlɛma tonbɔnnu na.

Aiseya 45:5

Mari ko Mari le ale la. Alla-wo-alla sa nyɔ ale kɔma. A ko hali Sairasi ma a lɔn, a ye nyinina sɛnbɛ min bɛɛ ma, a si wo bɛɛ di a ma.

Isikiyɛli 38:16

A ko ale Mansa Kɔgi si bui Isirɛla mɔgɛnu ma ka tonkore sɔ anu na iko banda-fin-fɔnyɔ wa tonkore sɔ soe la. San-siyaman ba tenbi, a wati-bɛrɛ wa ke, ale Mari si Mansa Kɔgi sɔ ko a ni ata nyamanɛ kɛlɛ. Wo wa ma tumɛ min, wo si a yira sibolenu na ale Mari ye nya min. A ko a si ata sɛninyɛ yira sibolenu na ka a tɛgɛ a ye min mala ale Mansa Kɔgi la.